വിസ്ഡം ഗ്രൂപ്പ്: മംഗലാപുരത്ത് 29-ാമത് ആഗോള പ്രൊഫഷണൽ വിദ്യാർത്ഥി സമ്മേളനം; ഒക്ടോബർ 10 മുതൽ

മംഗലാപുരം: (KVARTHA) വിസ്‌ഡം ഇസ്ലാമിക് സ്റ്റുഡൻസ് ഓർഗനൈസേഷൻ സംസ്ഥാന സമിതിയുടെ നേതൃത്വത്തിൽ സംഘടിപ്പിക്കുന്ന ഇരുപത്തി ഒമ്പതാമത് ആഗോള പ്രൊഫഷണൽ വിദ്യാർത്ഥി സമ്മേളനം ഒക്ടോബർ 10, 11, 12 തിയ്യതികളിൽ മംഗലാപുരം മാറോളി സൂര്യ വുഡ്‌സിൽ വെച്ച് നടക്കുമെന്ന് സംഘാടകർ കണ്ണൂർ പ്രസ് ക്ലബിൽ നടത്തിയ വാർത്താ സമ്മേളനത്തിൽ അറിയിച്ചു.

ത്രിദിന സമ്മേളനത്തിൽ മംഗലാപുരത്തെയും കേരളത്തിലെയും മറ്റു സംസ്ഥാനങ്ങളിലുമുള്ള സ്ഥാപനങ്ങളിൽ നിന്നുള്ള ആയിരക്കണക്കിന് വിദ്യാർത്ഥികൾ സംബന്ധിക്കും. കേരളത്തിനകത്തും പുറത്തുമുള്ള പ്രമുഖ വിദ്യാഭ്യാസ വിചക്ഷണരും പണ്ഡിതന്മാരും പ്രഭാഷകരും വിവിധ വിഷയങ്ങളിൽ പ്രബന്ധങ്ങൾ അവതരിപ്പിക്കും.

പ്രധാന വേദിയിലെ സെഷനുകൾ കൂടാതെ, മറ്റു രണ്ട് വേദികളിലായി വിവിധ വിഷയ കേന്ദ്രീകൃതമായ വർക്ക്‌ഷോപ്പുകളും ഒരുക്കിയിട്ടുണ്ട്. സമ്മേളനത്തോട് അനുബന്ധിച്ച് കരിയർ ക്ലബ്ബുകൾ, ചർച്ചകൾ, തുറന്ന സംവാദങ്ങൾ, ക്യാമ്പസ് കോൺക്ലേവുകൾ, ഗൈഡൻസ് സെന്ററുകൾ, പാനൽ ചർച്ച, ദേശീയ വിദ്യാർത്ഥി സംഗമങ്ങൾ, ഗ്ലോബൽ ക്ലബ്ബുകൾ എന്നിവയും തയ്യാറാക്കിയിട്ടുണ്ട്.

വെള്ളിയാഴ്ച്ച വൈകീട്ട് നടക്കുന്ന ഉദ്ഘാടന സമ്മേളനം ബാംഗ്ലൂർ ആസ്പെയർ കോളേജ് ഓഫ് എക്സലൻസ് സ്ഥാപകനും ഡീനുമായ ശൈഖ് അബ്ദുസ് സലാം മദനി ഉദ്ഘാടനം ചെയ്യും. 

വിസ്‌ഡം സ്റ്റുഡൻ്റ്‌സ് സംസ്ഥാന വൈസ് പ്രസിഡൻ്റ് ഡോ. ഷഹബാസ് കെ. അബ്ബാസ് അധ്യക്ഷനാകും. ഇന്ത്യൻ മുഖ്യ തിരഞ്ഞെടുപ്പ് കമ്മിഷണറായിരുന്ന എസ്.വൈ. ഖുറൈഷി മുഖ്യാതിഥിയാകും.

വാർത്താ സമ്മേളനത്തിൽ വിസ്‌ഡം സ്റ്റുഡൻ്റ്‌സ് വൈസ് പ്രസിഡണ്ട് സഫുവാൻ ബറാമി അൽഹികമി, പ്രവർത്തന സമിതി അംഗങ്ങളായ നിയാസ് കൂരിയാടൻ, അബ്ദുൽ അസീസ് വടക്കുമ്പാട്, സിദ്ദീഖ് പി.സി, അക്രം വളപട്ടണം എന്നിവർ പങ്കെടുത്തു.

ഈ സുപ്രധാന വിദ്യാർത്ഥി സമ്മേളനത്തെക്കുറിച്ചുള്ള വിവരങ്ങൾ നിങ്ങളുടെ സുഹൃത്തുക്കളുമായി പങ്കുവെക്കാൻ നിങ്ങൾ ആഗ്രഹിക്കുന്നുണ്ടോ? വാർത്ത ഷെയർ ചെയ്യുക. നിങ്ങളുടെ അഭിപ്രായം കമൻ്റ് ചെയ്യുക. 

Article Summary: 29th Global Professional Students Conference in Mangaluru starts on October 10.

#MangaluruConference #StudentSummit #SYQuraishi #WisdomStudents #ProfessionalStudents #KeralaStudents