Accidental Death | ടൂറിസ്റ്റ് ബസും കെഎസ്ആര്‍ടിസിയും കൂട്ടിയിടിച്ച് 37കാരിക്ക് ദാരുണാന്ത്യം; അപകടം വിദേശത്തുനിന്നെത്തി നാട്ടിലേക്ക് മടങ്ങുന്നതിനിടെ
Oct 16, 2022, 11:07 IST
ADVERTISEMENT
ADVERTISEMENT
ADVERTISEMENT
ADVERTISEMENT
അങ്കമാലി: (www.kvartha.com) വിദേശത്തുനിന്നെത്തി നാട്ടിലേക്ക് മടങ്ങുന്നതിനിടെ വാഹനാപകടത്തില്‍ പ്രവാസി വനിതയ്ക്ക് ദാരുണാന്ത്യം. ടൂറിസ്റ്റ് ബസും കെഎസ്ആര്‍ടിസിയും കൂട്ടിയിടിച്ച് കെഎസ്ആര്‍ടിസി ബസ് യാത്രക്കാരിയായ മലപ്പുറം തിരൂരങ്ങാടി ചെമ്മാട് കോരന്‍ കണ്ടത്ത് സെലീന (37)യാണ് മരിച്ചത്.
ഞായറാഴ്ച പുലര്‍ചെ 5.45ന് ദേശീയപാതയില്‍, അങ്കമാലി കെഎസ്ആര്‍ടിസി സ്റ്റാന്‍ഡിന് മുന്നിലായിരുന്നു അപകടം. വിദേശത്തു ജോലി ചെയ്തിരുന്ന സെലീന, പുലര്‍ച്ചെ നെടുമ്പാശേരി വിമാനത്താവളത്തിലെത്തിശേഷം നാട്ടിലേക്ക് മടങ്ങുകയായിരുന്നു.
വിമാനത്താവളത്തില്‍നിന്ന് വരികയായിരുന്ന കെഎസ്ആര്‍ടിസി ബസ്, സ്റ്റാന്‍ഡിലേക്ക് കയറുന്നതിനായി യുടേണ്‍ എടുക്കുന്നതിനിടെ ചാലക്കുടി ഭാഗത്തുനിന്ന് അങ്കമാലിയിലേക്ക് വരികയായിരുന്ന ടൂറിസ്റ്റ് ബസില്‍ ഇടിക്കുകയായിരുന്നുവെന്നാണ് വിവരം. കെഎസ്ആര്‍ടിസി ബസിന്റെ പിന്‍സീറ്റിലാണ് സെലീന ഇരുന്നിരുന്നത്. പോസ്റ്റുമോര്‍ടത്തിനുശേഷം മൃതദേഹം ബന്ധുക്കള്‍ക്ക് വിട്ടുനല്‍കും.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
