ന്യൂഡൽഹി: (KVARTHA) റെസ്‌മെഡിന്റെ 2025 ഗ്ലോബൽ സ്ലീപ്പ് സർവേയിൽ 'സ്ലീപ്പ് ഡിവോഴ്സ്'  തിരഞ്ഞെടുക്കുന്ന ദമ്പതിമാരുടെ എണ്ണത്തിൽ ഇന്ത്യ മുൻപന്തിയിലെന്ന് കണ്ടെത്തൽ.  മെച്ചപ്പെട്ട ഉറക്കം ലഭിക്കുന്നതിന് വേണ്ടി 78 ശതമാനം ഇന്ത്യൻ ദമ്പതികളും ഒരുമിച്ചുറങ്ങാതെ വേറിട്ട് ഉറങ്ങാൻ തിരഞ്ഞെടുക്കുന്നുവെന്ന് സർവേ പറയുന്നു. ലോകമെമ്പാടുമുള്ള ഉറക്ക പ്രതിസന്ധിയും, ശരിയായ ഉറക്കത്തിന്റെ പ്രാധാന്യവും പഠനം എടുത്തു കാണിക്കുന്നു.

പുതിയ ട്രെൻഡായി 'സ്ലീപ്പ് ഡിവോഴ്സ്'

കേൾക്കുമ്പോൾ അൽപ്പം വിചിത്രമായി തോന്നാമെങ്കിലും, ദമ്പതിമാർ  'സ്ലീപ്പ് ഡിവോഴ്സി'നെ  ബന്ധം മെച്ചപ്പെടുത്താനുള്ള ഒരു ഉപാധിയായി  കണക്കാക്കുന്നു.  ലോകമെമ്പാടുമുള്ള 32 ശതമാനം ദമ്പതിമാരും പങ്കാളിയുടെ  ശ്വാസമോ,  ഉറക്കത്തിലെ ശ്വാസ തടസ്സ ലക്ഷണങ്ങൾ കാരണമുണ്ടാകുന്ന ബുദ്ധിമുട്ടുകളോ  ഉറക്കത്തെ തടസ്സപ്പെടുത്തുന്നു എന്ന് അഭിപ്രായപ്പെട്ടു.

ഇന്ത്യക്ക് പിന്നാലെ യുകെയും യുഎസും

'സ്ലീപ്പ് ഡിവോഴ്സ്'  

തിരഞ്ഞെടുക്കുന്നവരുടെ എണ്ണത്തിൽ  ഇന്ത്യക്ക് പിന്നാലെ യുകെയും യുഎസും ഉണ്ട്.  ഈ രാജ്യങ്ങളിൽ 50 ശതമാനം ദമ്പതികൾ ഇപ്പോളും ഒരുമിച്ചുറങ്ങാൻ ഇഷ്ടപ്പെടുന്നവരാണ്. ബാക്കിയുള്ളവർ  വേറിട്ട് ഉറങ്ങാനാണ് താല്പര്യപ്പെടുന്നത് എന്ന് സർവേ പറയുന്നു. ഇന്നത്തെ ഈ  ഓട്ടപ്പാച്ചിലുകൾ നിറഞ്ഞ ലോകത്തിൽ,  ജോലിയും ജീവിതവും തമ്മിൽ ഒരു സന്തുലിതാവസ്ഥ  കണ്ടെത്താനുള്ള നെട്ടോട്ടത്തിൽ, ഉറക്കമില്ലായ്മ ഒരു വലിയ  പ്രശ്നമായി മാറിക്കഴിഞ്ഞിരിക്കുന്നു.  മാനസിക സമ്മർദ്ദം, ഉത്കണ്ഠ,  ജോലി ഭാരം  തുടങ്ങിയ പല കാരണങ്ങൾ കൊണ്ടും ഉറക്കത്തിന്റെ ഗുണനിലവാരം കുറയുകയും,  പല ആരോഗ്യ പ്രശ്നങ്ങളിലേക്കും ഇത് വഴി തെളിയിക്കുകയും ചെയ്യാം.

ബന്ധങ്ങളിൽ മാറ്റങ്ങളുമായി 'സ്ലീപ്പ് ഡിവോഴ്സ്'

സർവേ പ്രകാരം  'സ്ലീപ്പ് ഡിവോഴ്സ്' തിരഞ്ഞെടുത്ത 65 ശതമാനം ദമ്പതികളും തങ്ങൾക്ക്  മുമ്പത്തേക്കാൾ നന്നായി  ഉറങ്ങാൻ സാധിക്കുന്നുണ്ടെന്ന്  റിപ്പോർട്ട് ചെയ്തു. 31 ശതമാനം പേരാകട്ടെ  ഈ രീതി തങ്ങളുടെ ബന്ധം മെച്ചപ്പെടുത്താൻ സഹായിച്ചുവെന്നും അഭിപ്രായപ്പെട്ടു.  എങ്കിലും 33 ശതമാനം ആളുകൾ വേറിട്ട് ഉറങ്ങുന്നത്  ബന്ധം വഷളാക്കിയെന്നും  പറയുന്നു.  കൂടാതെ 28 ശതമാനം ദമ്പതിമാരും  'സ്ലീപ്പ് ഡിവോഴ്സ്' തുടങ്ങിയതിനു ശേഷം തങ്ങളുടെ ലൈംഗിക ജീവിതം മെച്ചപ്പെട്ടതായി അവകാശപ്പെട്ടു. എന്നാൽ 22 ശതമാനം പേർക്കും  ഇത് നേർവിപരീത അനുഭവമാണ് നൽകിയത്.  ഒരുമിച്ചുറങ്ങുമ്പോൾ ലഭിക്കുന്ന സ്നേഹം, സന്തോഷം,  സമാധാനം,  സുഖം  തുടങ്ങിയ  വികാരങ്ങൾ  ഇതിലൂടെ നഷ്ടപ്പെടുന്നതായി പലരും  അഭിപ്രായപ്പെട്ടു.

ഈ വാർത്ത പങ്കുവെക്കുകയും അഭിപ്രായങ്ങൾ രേഖപ്പെടുത്തുകയും ചെയ്യുമല്ലോ.

78% of Indian couples opt for 'sleep divorce' for better sleep, according to a ResMed 2025 survey. Benefits include improved sleep and relationships, while drawbacks include worsened relationships and sex life.

#SleepDivorce, #IndianCouples, #SleepSurvey, #Relationship, #SleepHealth, #ResMed