ഭരണഘടന സാക്ഷിയായി വിവാഹം; വേടന്റെയും നവമിയുടെയും വ്യത്യസ്തമായ ക്ഷണക്കത്ത്

(KVARTHA) വൻ ആരാധകവൃന്ദമുള്ള പ്രശസ്ത റാപ്പർ വേടൻ എന്ന ഹിരൺദാസ് മുരളിയും എഴുത്തുകാരിയായ നവമിയും വിവാഹിതരാകുന്നു. ഇരുവരുടെയും വിവാഹ ക്ഷണക്കത്താണ് ഇപ്പോൾ സമൂഹ മാധ്യമങ്ങളിൽ വലിയ തോതിൽ ശ്രദ്ധ നേടുന്നത്. 2026 ഫെബ്രുവരി 24 നാണ് ഇരുവരും തമ്മിലുള്ള രജിസ്റ്റർ വിവാഹം നടക്കുന്നത്.

ഭരണഘടന സാക്ഷിയായി

'ഇന്ത്യന്‍ ഭരണഘടന സാക്ഷിയായി ഞങ്ങള്‍ വിവാഹിതരാകുന്നു. എന്നുമെന്ന പോലെ എല്ലാറ്റിനുമെന്ന പോലെ ഞങ്ങളുടെ ഏറ്റവും അടുത്ത മനുഷ്യരായ നിങ്ങള്‍ കൂടെ ഉണ്ടാകണം. എന്ന്, അന്‍പോടെ നവമിയും വേടനും' എന്ന് വ്യക്തമാക്കുന്നതാണ് ഈ ലളിതമായ കല്യാണക്കുറി. ആഡംബരങ്ങളില്ലാത്ത ഈ വ്യത്യസ്തമായ ക്ഷണക്കത്ത് ഇതിനോടകം തന്നെ ആരാധകർ ഏറ്റെടുത്തുകഴിഞ്ഞു.

ആശംസകളുമായി രഞ്ജു രഞ്ജിമാർ

പ്രശസ്ത സെലിബ്രിറ്റി മേക്കപ്പ് ആർട്ടിസ്റ്റായ രഞ്ജു രഞ്ജിമാർ ആണ് ഇരുവരേയും വിവാഹത്തിനായി അണിയിച്ചൊരുക്കുന്നത്. തൻ്റെ സമൂഹ മാധ്യമ അക്കൗണ്ടിലൂടെ രഞ്ജു തന്നെയാണ് കല്യാണക്കുറി പങ്കുവെച്ചതും ഈ സന്തോഷ വാർത്ത അറിയിച്ചതും. 'എന്ത് ലളിതമായിട്ടാണ് ഈ കല്യാണക്കുറി ചെയ്തിരിക്കുന്നത്. 

ഒട്ടും തന്നെ ആര്‍ഭാടമില്ലാതെ ഒരു കുഞ്ഞ് കല്യാണക്കുറി. ഒട്ടും ആര്‍ഭാടമില്ലാതെ അവര്‍ കല്യാണം കൊണ്ടാടാന്‍ പോവുകയാണ്. എന്നും എന്നും എന്നും ഒത്തിരി സന്തോഷത്തോടെ നിങ്ങള്‍ക്ക് ജീവിക്കാന്‍ കഴിയട്ടെ', എന്നാണ് രഞ്ജു രഞ്ജിമാർ ആശംസകളറിയിച്ചുകൊണ്ട് പറഞ്ഞത്.

പ്രണയസാഫല്യം

ഏറേക്കാലമായി പരസ്പരം പ്രണയത്തിലായിരുന്നു വേടനും നവമിയും. നവമിക്ക് വേണ്ടി വേടൻ എഴുതിയ 'മോണലോവ' എന്ന ആൽബം മുൻപ് ഏറെ ശ്രദ്ധിക്കപ്പെട്ടിരുന്നു. വേടന്റെ സ്റ്റേജ് ഷോകളും പാട്ടുകളും ഇതിനിടയിൽ പറയുന്ന കാര്യങ്ങളുമെല്ലാം എപ്പോഴും ആരാധകർക്കിടയിൽ ചർച്ചയാകാറുണ്ട്. സമാനമായ രീതിയിൽ ഒരു വേദിയിൽ വെച്ചായിരുന്നു തൻ്റെ വിവാഹകാര്യവും അദ്ദേഹം പരസ്യമാക്കിയത്.

പ്രഖ്യാപനം കണ്ണൂരിൽ

തദ്ദേശ സ്വയം ഭരണ ദിനാഘോഷത്തിന്റെ ഭാഗമായി കണ്ണൂരിൽ സർക്കാരിന്റെ ഹാപ്പിനെസ് ഫെസ്റ്റിവലിന്റെ പരിപാടി സംഘടിപ്പിച്ചിരുന്നു. ഈ പരിപാടിക്കിടെയാണ് വേടന്റെ വിവാഹ വാർത്ത പുറത്തുവന്നത്. വേദിയിലുണ്ടായിരുന്ന സി പി എം സംസ്ഥാന സെക്രട്ടറി എം വി ഗോവിന്ദനാണ് വേടന്റെ വിവാഹക്കാര്യം ആദ്യം ജനങ്ങളെ അറിയിച്ചത്. പിന്നാലെ വേടനും തൻ്റെ വിവാഹത്തെക്കുറിച്ച് വേദിയിൽ വെച്ച് കൂടുതൽ കാര്യങ്ങൾ സംസാരിക്കുകയായിരുന്നു.

കല്യാണ ക്ഷണക്കത്തിന്റെ പൂർണരൂപം

സ്നേഹിതരെ,

ഇന്ത്യന്‍ ഭരണഘടന സാക്ഷിയായി ഞങ്ങള്‍ വിവാഹിതരാകുന്നു. എന്നുമെന്ന പോലെ എല്ലാറ്റിനുമെന്ന പോലെ ഞങ്ങളുടെ ഏറ്റവും അടുത്ത മനുഷ്യരായ നിങ്ങള്‍ കൂടെ ഉണ്ടാകണം.

എന്ന്,

അന്‍പോടെ

നവമിയും വേടനും

വാട്സ്ആപ്പ് ഗ്രൂപ്പുകളിലും സോഷ്യൽ മീഡിയയിലും ഈ വാർത്ത പങ്കുവെക്കുമല്ലോ. ഇത്തരം വാർത്തകൾ അപ്പപ്പോൾ അറിയാൻ ഞങ്ങളുടെ വാട്സ്ആപ്പ് ചാനൽ ഫോളോ ചെയ്യൂ. അഭിപ്രായം കമന്റായി രേഖപ്പെടുത്താനും മറക്കരുത്.

Article Summary: Popular rapper Vedan and writer Navami are getting married on February 24, 2026, under the witness of the Indian Constitution.

#Vedan #Navami #WeddingNews #RapperVedan #ConstitutionalWedding #KeralaNews #CelebrityWedding #Monaloa #KVARTHA