Railways | തൃശ്ശൂർ റെയിൽവേ ട്രാക്കിൽ വെള്ളക്കെട്ട്; നിരവധി ട്രെയിൻ സർവീസുകൾ റദ്ദാക്കി
തൃശ്ശൂർ: (KVARTHA ) പൂങ്കുന്നം-ഗുരുവായൂർ റെയിൽവേ ട്രാക്കിൽ വെള്ളക്കെട്ട് രൂപപ്പെട്ടതിനെ തുടർന്ന് നിരവധി ട്രെയിൻ സർവീസുകൾ ഭാഗികമായും പൂർണ്ണമായും റദ്ദാക്കിയിരിക്കുകയാണ്.
വ്യാഴാഴ്ചത്തെ ഗുരുവായൂർ-തിരുവനന്തപുരം ഇന്റർസിറ്റി, ഗുരുവായൂർ-മധുരൈ എക്സ്പ്രസ് തുടങ്ങിയ ട്രെയിനുകൾ തൃശൂരിൽ നിന്നാണ് യാത്ര ആരംഭിക്കുക. ഗുരുവായൂർ-എറണാകുളം പാസഞ്ചർ പുതുക്കാട് നിന്നും, എറണാകുളം-ഗുരുവായൂർ പാസഞ്ചർ തൃശൂർ വരെയും സർവീസ് നടത്തും. ഉച്ചയ്ക്കുള്ള ഗുരുവായൂർ-എറണാകുളം പാസഞ്ചർ തൃശൂരിൽ നിന്നുമാത്രമേ യാത്ര തുടങ്ങൂ. തൃശൂർ-കണ്ണൂർ പാസഞ്ചർ ഷൊർണൂരിൽ നിന്നാകും സർവീസ് തുടങ്ങുക.
ഷൊർണൂർ-തൃശൂർ, ഗുരുവായൂർ-തൃശൂർ, തൃശൂർ-ഗുരുവായൂർ പാസഞ്ചർ ട്രെയിനുകൾ പൂർണ്ണമായും റദ്ദാക്കിയിരിക്കുന്നു. ബുധനാഴ്ച രാത്രിയുള്ള ഗുരുവായൂർ-ചെന്നൈ എഗ്മൂർ എക്സ്പ്രസ് തൃശൂരിൽ നിന്നാകും യാത്ര ആരംഭിക്കുക.
