തിരുവനന്തപുരം: (KVARTHA) കേരള പൊലീസിൽ ഡ്രൈവർമാരായി ജോലി ചെയ്യാൻ ആഗ്രഹിക്കുന്നവർക്ക് സന്തോഷവാർത്ത. കേരള പബ്ലിക് സർവീസ് കമ്മീഷൻ (പിഎസ്‌സി) പൊലീസ് കോൺസ്റ്റബിൾ ഡ്രൈവർ/വുമൺ പൊലീസ് കോൺസ്റ്റബിൾ ഡ്രൈവർ തസ്തികയിലേക്ക് (കാറ്റഗറി നമ്പർ: 427/2024)  അപേക്ഷ ക്ഷണിച്ചിരിക്കുകയാണ്. 

യോഗ്യത: 

പ്ലസ് ടു പാസ് അല്ലെങ്കിൽ തത്തുല്യ യോഗ്യതയുള്ളവർക്ക് അപേക്ഷിക്കാം. ഇരുചക്ര വാഹനം, ഹെവി വാഹനം എന്നിവ ഓടിക്കാനുള്ള ലൈസൻസും ഡ്രൈവേഴ്സ് ബാഡ്ജും നിർബന്ധമാണ്. പുരുഷന്മാർക്ക് 168 സെന്റീമീറ്ററും സ്ത്രീകൾക്ക് 157 സെന്റീമീറ്ററും ഉയരം വേണം. പുരുഷന്മാർക്ക് 81 സെന്റീമീറ്റർ നെഞ്ചളവും നിർബന്ധമാണ്.

പ്രായപരിധി: 

20 മുതൽ 28 വയസ് വരെയുള്ള ഉദ്യോഗാർത്ഥികൾക്ക് ഈ തസ്തികയിൽ അപേക്ഷിക്കാം. അതായത്, 02-01-1996-നും 01-01-2004-നും ഇടയിൽ ജനിച്ചവർക്ക് അപേക്ഷിക്കാവുന്നതാണ്. ഒബിസി, എസ്‌സി, എസ്‌ടി വിഭാഗക്കാർക്ക് വയസിളവ് ലഭ്യമാകും.

ശമ്പളം: 

31,100 രൂപ മുതൽ 66,800 രൂപ വരെയാണ് പ്രാരംഭ ശമ്പളം.

എങ്ങനെ അപേക്ഷിക്കാം?

താൽപ്പര്യമുള്ള ഉദ്യോഗാർത്ഥികൾക്ക് കേരള പിഎസ്‌സി വെബ്സൈറ്റ് [https://thulasi(dot)psc(dot)kerala(dot)gov(dot)in/thulasi/pscbulletin(dot)php] സന്ദർശിച്ച് ഓൺലൈനായി അപേക്ഷിക്കാം. അപേക്ഷ സമർപ്പിക്കാനുള്ള അവസാന തീയതി 01.01.2025 ആണ്.

#KeralaPolice #DriverJobs #PSCRecruitment #PoliceConstable #ApplyOnline #KeralaJobs