ന്യൂഡൽഹി: (KVARTHA) സർക്കാർ ജോലി സ്വപ്നം കാണുന്നവർക്ക് സന്തോഷവാർത്ത. ഡിസംബറിൽ അപേക്ഷിക്കാൻ ഒട്ടേറെ അവസരങ്ങളുണ്ട്. റെയിൽവേ, വ്യോമസേന, എസ്ബിഐ തുടങ്ങിയ വിവിധ സർക്കാർ വകുപ്പുകളിൽ നിയമനം നടത്തുന്നു. ഒഴിവുകളുടെ വിശദാംശങ്ങൾ ഇതാ 

റെയിൽവേ:  

തെക്കൻ റെയിൽവേയിൽ മൊത്തം 1785 അപ്രന്റിസ് തസ്കികകളിലേക്ക് അപേക്ഷ ക്ഷണിച്ചു. 2025 ജനുവരി 1 ലെ കണക്കു പ്രകാരം കുറഞ്ഞത് 15 വയസ്സും പരമാവധി 24 വയസ്സും ഉള്ള  ഉദ്യോഗാർത്ഥികൾക്ക് അപേക്ഷിക്കാം. അപേക്ഷിക്കാനുള്ള അവസാന തീയതി 2024 ഡിസംബർ 27 ആണ്. റെയിൽവേ റിക്രൂട്ട്മെന്റ് സെല്ലിന്റെ ഔദ്യോഗിക വെബ്സൈറ്റ് rrcser(dot)co(dot)in സന്ദർശിച്ച് അപേക്ഷിക്കാം.

വ്യോമസേന: 

ഇന്ത്യൻ വ്യോമസേനയിൽ ഓഫീസറാകാൻ ആഗ്രഹിക്കുന്ന യുവാക്കൾക്ക് സന്തോഷവാർത്ത. വ്യോമസേന 2025 ഫെബ്രുവരിയിൽ നടക്കാനിരിക്കുന്ന എഫ്സിഎടി (FCAT) പരീക്ഷയുടെ അറിയിപ്പ് പുറത്തിറക്കി. അപേക്ഷിക്കാനുള്ള പ്രക്രിയ  ഡിസംബർ 2 മുതൽ ആരംഭിച്ചു. ഈ നിയമന പ്രക്രിയയ്ക്കുള്ള അപേക്ഷിക്കാനുള്ള അവസാന തീയതി ഡിസംബർ 31 ആണ്

എസ്ബിഐ: 

സ്റ്റേറ്റ് ബാങ്ക് ഓഫ് ഇന്ത്യയിൽ (SBI) അസിസ്റ്റന്റ് മാനേജരാകാനുള്ള സുവർണ്ണാവസരം. സ്പെഷ്യലിസ്റ്റ് ക്യാഡർ ഓഫീസർമാർ (SCO) അസിസ്റ്റന്റ് മാനേജർ എഞ്ചിനീയർ എന്നീ 169 തസ്കികകൾക്കായി എസ്‌ബിഐ നിയമനം പ്രഖ്യാപിച്ചു. അപേക്ഷ പ്രക്രിയ നടന്നുവരുന്നു, അതിന്റെ അവസാന തീയതി 2024 ഡിസംബർ 12 ആണ്.  https://sbi(dot)co(dot)in/ എന്ന എസ്‌ബിഐയുടെ ഔദ്യോഗിക വെബ്‌സൈറ്റ് സന്ദർശിച്ച് അപേക്ഷിക്കാം.

ഐടിബിപി: 

ഇന്ത്യോ-തിബറ്റൻ ബോർഡർ പോലീസ് ഫോഴ്സിൽ (ഐടിബിപി) സബ് ഇൻസ്പെക്ടർ ഉൾപ്പെടെ ഹെഡ് കോൺസ്റ്റബിൾ, കോൺസ്റ്റബിൾ (ടെലികമ്മ്യൂണിക്കേഷൻ) എന്നിവയുടെ 526 തസ്തികകൾക്കായി നിയമനം പുറത്തിറങ്ങി. താത്പര്യമുള്ള ഉദ്യോഗാർത്ഥികളിൽ നിന്ന് അപേക്ഷകൾ ക്ഷണിച്ചിട്ടുണ്ട്.  അവസാന തീയതി 2024 ഡിസംബർ 14 ആണ്. യോഗ്യതയുള്ള താത്പര്യമുള്ള ഉദ്യോഗാർത്ഥികൾക്ക് ഐടിബിപിയുടെ ഔദ്യോഗിക വെബ്സൈറ്റ് https://www(dot)itbpolice(dot)nic(dot)in/ സന്ദർശിച്ച് അപേക്ഷിക്കാം.

#GovernmentJobs #Recruitment #RailwayJobs #AirForce #SBI #ITBP