XE COVID-19 | രാജ്യത്ത് ഒരാളില് XE കോവിഡ്-19 വകഭേദം സ്ഥിരീകരിച്ചു
May 3, 2022, 22:32 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ന്യൂഡെല്ഹി: (www.kvartha.com) ഇന്ഡ്യന് കോവിഡ് ജീനോമിക്സ് സീക്വന്സിംഗ് കണ്സോര്ഷ്യത്തിന്റെ (INSA) ഏറ്റവും പുതിയ ബുള്ളറ്റിന് പ്രകാരം രാജ്യത്ത് XE കോവിഡ് വകഭേദം ഒരാളില് സ്ഥിരീകരിച്ചു. എന്നാല് ചൊവ്വാഴ്ച പുറത്തിറക്കിയ, ഏപ്രില് 25-ലെ ബുള്ളറ്റിനില് ഈ വകഭേദം എവിടെയാണെന്ന് വ്യക്തമാക്കിയിട്ടില്ല. അതേസമയം സംശയാസ്പദമായ വകഭേദത്തിന്റെ സീക്വന്സുകള് സംബന്ധിച്ച് കൂടുതല് വിശകലനം നടത്തുകയാണെന്ന് പറയുന്നുണ്ട്.
'മുന് ആഴ്ചയെ അപേക്ഷിച്ച്, 12 സംസ്ഥാനങ്ങളില് കേസുകളുടെ വര്ധനവ് ഉണ്ടായി. എന്നാല് 19 സംസ്ഥാനങ്ങളില് കുറവുണ്ടായി,' എന്നും ബുള്ളറ്റിന് വ്യക്തമാക്കുന്നു.
'BA.2.10 Dw BA.2.12 Dw BA.2 ഉപ-പരമ്പരകളെ കണ്ടെത്തി. പഴയ BA.2 സീക്വന്സുകളെ ഈ പുതിയ ഉപ-പരമ്പരകളിലേക്ക് പുനഃക്രമീകരിച്ചിരിക്കുന്നു. ഇതുവരെ ഈ ഉപ-വംശങ്ങള് വര്ധിച്ചതായോ രോഗത്തിന്റെ തീവ്രത കൂടിയതായോ റിപോര്ട് ചെയ്യപ്പെട്ടിട്ടില്ല എന്നും ബുള്ളറ്റിന് പറയുന്നു. രാജ്യത്ത് ഇതുവരെ XE ക്ലസ്റ്ററുകളെ കുറിച്ച് റിപോര്ട് ചെയ്തിട്ടില്ല. ഏപ്രില് 18 ലെ ഒരു ബുള്ളറ്റിനില്, രാജ്യത്ത് ഒരു XE വകഭേദം കണ്ടെത്തിയതായി പരാമര്ശിച്ചിരുന്നു.
സെന്റിനല് സൈറ്റുകളില് നിന്നും രാജ്യത്ത് എത്തുന്ന അന്താരാഷ്ട്ര യാത്രക്കാരില് നിന്നുമുള്ള സാമ്പിളുകള് ക്രമീകരിച്ച് രാജ്യത്തുടനീളമുള്ള SARS-CoV-2 ന്റെ ജനിതക നിരീക്ഷണം നടത്തുന്നതായി INSACOG( Indian SARS-CoV-2 Genomics Consortium) റിപോര്ട് ചെയ്യുന്നു.
ഏറ്റവും പുതിയ ബുള്ളറ്റിന് അനുസരിച്ച്, INSACOG ആകെ 2,43,957 സാമ്പിളുകള് ക്രമീകരിച്ചിട്ടുണ്ട്.
Keywords: One confirmed case of XE COVID-19 variant detected in India: INSACOG, New Delhi, News, COVID-19, Health, Health and Fitness, National.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
