നിശബ്ദമായി പടരുന്നൊരു വൈറസ് 'ഹെപറ്റൈറ്റിസ്'; അറിയാം മഞ്ഞപിത്തത്തെകുറിച്ചുള്ള കൂടുതൽ കാര്യങ്ങളും, ലക്ഷണങ്ങളും

അതീവ ശ്രദ്ധവേണ്ട ഹെപറ്റൈറ്റിസ് ബി

ആശുപത്രിയിൽ ഉപയോഗിക്കുന്ന റീസൈകിൾ ചെയ്തെടുക്കുന്ന ഉപകരണങ്ങൾ ചിലപ്പോൾ പൂർണമായും സ്റ്റെറിലൈസ് ചെയ്ത് എടുക്കാൻ സാധിക്കാത്തത്ത് വഴി ചിലപ്പോൾ ഹെപറ്റൈറ്റിസ് ബി ബാധിക്കാം. ഒരാൾ ഉപയോഗിക്കുന്ന ഷേവിങ് സെറ്റ്, ബ്ലെയ്ഡുകൾ തുടങ്ങിയവ മറ്റൊരാൾ ഉപയോഗിക്കുന്നതു വഴിയും ബി ബാധിക്കാം.

വീട്ടിനകത്ത് നിന്നും ഹെപറ്റൈറ്റിസ് ബി പകരാം. ഉദാഹരണത്തിന് ഹെപറ്റൈറ്റിസ് ബി ബാധിച്ച ഒരാൾ ഉപയോഗിച്ച കറിക്കത്തി, ഇതിൽ രക്തം പുരണ്ടു, അത് സ്റ്റെറിലൈസ് ചെയ്യാതെ എടുത്തു വയ്ക്കുന്നു, അത് അടുത്തയാൾ ഉപയോഗിക്കുന്നു. ഇതുവഴി രോഗം പകരുകയാണ് ചെയ്യുന്നത്. അമ്മയിൽ നിന്നു കുഞ്ഞിലേക്കും ഹെപറ്റൈറ്റിസ് ബി ബാധിക്കുന്നു. ഇതാണ് ഹെപറ്റൈറ്റിസ് ബിയിലും സിയിലും പേടിക്കേണ്ട ഘടകം. കാരണം ഇവ ശരീരത്തിൽ നിന്ന് പൂർണമായും വിട്ടുപോകുന്നില്ല.

പല സമയത്തും ഹെപറ്റൈറ്റിസ് ബിയുടെ ഡിഎൻഎ, മനുഷ്യരുടെ ഡിഎൻഎയുമായി ലിങ്ക് ചെയ്യപ്പെടുന്നു. ഇങ്ങനെ ലിങ്ക് ചെയ്ത് ശരീരത്തിൽ നിന്ന് വിട്ടുപോകാതെ അവിടെ കിടക്കുന്നു. രോഗം ശരീരത്തിൽ നിന്ന് വിട്ടുപോയോ ഇല്ലെയോ എന്നറിയണമെങ്കിൽ ഹെപറ്റൈറ്റിസ് ബിയുടെ സർഫസ് ആന്റിജൻ ടെസ്റ്റ് നെഗറ്റീവാണെങ്കിൽ ശരീരത്തിൽ നിന്ന് വിട്ടുപോയി. നെഗറ്റീവ് ആകാത്തവരെയാണ് അണുവാഹകർ എന്നുവിളിക്കുന്നത്.

ഇവരെ തിരിച്ചറിയാനും ബുദ്ധിമുട്ടാണ്. കാരണം എല്ലാവരും ദിവസവും പോയി ഹെപറ്റൈറ്റിസ് ബി യുടെ ചെക് അപ് ചെയ്യാറില്ല. എന്തെങ്കിലും ഒരാവശ്യം വരുമ്പോൾ മാത്രമേ ആശുപത്രിയിൽ പോയി ടെസ്റ്റ് ചെയ്യുന്നുള്ളു.

അതേസമയം കഴിഞ്ഞ അഞ്ചു വര്‍ഷമായി നടത്തിയ പഠനം അനുസരിച്ച് ലോകമാകെ ഈ രോഗം ബാധിച്ചവര്‍ 58 ദശലക്ഷം പേരാണെങ്കില്‍ രോഗവിവരം തിരിച്ചറിഞ്ഞവര്‍ 21 ശതമാനം മാത്രമാണെന്ന് ലോകാരോഗ്യസംഘടന പറയുന്നു.

Keywords:  News, Thiruvananthapuram, Health & Fitness, Health, Kerala, State, Diseased, World Hepatitis Day, World Hepatitis Day: Understanding the ABCs of different viruses that cause the disease.