Diseases | വെള്ളം മലിനമായാൽ ജീവിതം ദുരിതമാകും; ഈ രോഗങ്ങൾക്ക് സാധ്യത; അറിഞ്ഞിരിക്കേണ്ട കാര്യങ്ങൾ 

കൊച്ചി: (KVARTHA) ജലജന്യ രോഗങ്ങൾ, പലപ്പോഴും നാം അവഗണിക്കുന്ന ഒരു പ്രധാന ആരോഗ്യ പ്രശ്നമാണ്. മലിനമായ ജലത്തിലൂടെ പരക്കുന്ന ബാക്ടീരിയ, വൈറസ്, പരാന്നഭോജികൾ എന്നീ സൂക്ഷ്മാണുക്കളാണ് ഈ രോഗങ്ങൾക്ക് കാരണം. ടൈഫോയിഡ്, കോളറ, ഹെപ്പറ്റൈറ്റിസ് എ തുടങ്ങിയ രോഗങ്ങൾ ഇതിൽപ്പെടുന്നു. ചിലപ്പോൾ ഇവ ജീവന് തന്നെ ഭീഷണിയാകുമ്പോൾ, മറ്റു ചിലപ്പോൾ നിസ്സാരമായി തോന്നിക്കുന്ന അസുഖങ്ങളായി മാത്രമേ തോന്നൂ. എന്നാൽ, ഇവയെ ഒരിക്കലും നിസ്സാരമായി കാണരുത്, കാരണം ഇവ നമ്മുടെ ആരോഗ്യത്തെ ഗുരുതരമായി ബാധിക്കും.

ജലജന്യ രോഗങ്ങളും ലക്ഷണങ്ങളും 

* ടൈഫോയ്ഡ് പനി 

സാൽമൊണെല്ല ടൈഫി ബാക്ടീരിയ, ടൈഫോയ്ഡ് എന്നിവ കാരണമാണ് ഇത് ഉണ്ടാകുന്നത്. കഠിനമായ പനി, വയറുവേദന, ബലഹീനത, തലവേദന ഇവയെല്ലാം ഇതിന്റെ ലക്ഷണങ്ങളാണ്.

* ക്രിപ്‌റ്റോസ്‌പോരിഡിയോസിസ്

ക്രിപ്‌റ്റോസ്‌പോറിഡിയം എന്ന പേരിൽ അറിയപ്പെടുന്ന പരാന്നഭോജിയാൽ ഉണ്ടാകുന്നതാണ് ഈ രോഗം.
ഇത് കഠിനമായാൽ കുടലുകളെ ബാധിക്കുന്നു. വയറിളക്കം, വയറുവേദന, ഓക്കാനം എന്നിവയ്ക്കും കാരണമായേക്കാം.

* കോളറ 

ഇതും ഒരുതരം ജലജന്യ രോഗമാണ്. വിബ്രിയോ കോളറ എന്ന ബാക്ടീരിയ മൂലമാണ് ഇതുണ്ടാകുന്നത്. ഛർദി, നിർജ്ജലീകരണം,  വയറിളക്കം, എന്നിങ്ങനെയുള്ള ബുദ്ധിമുട്ടുകൾ കോളറ മൂലം ഉണ്ടായേക്കാം. കോളറ നിസ്സാരപ്പെടുത്തേണ്ടതല്ല, ചികിത്സിച്ചില്ലെങ്കിൽ ജീവന് തന്നെ ഭീഷണിയാണ്.

* ഹെപ്പറ്റൈറ്റിസ് എ 

ഈ അണുബാധ നമ്മുടെ കരളിനെ ബാധിക്കുന്നു. മഞ്ഞപ്പിത്തം, ക്ഷീണം, വയറുവേദന തുടങ്ങിയവയെല്ലാം ഇതിന്റെ ലക്ഷണങ്ങളാണ്. വയറ്റിലെ പനി വിവിധ വൈറസുകളും ബാക്ടീരിയകളും മൂലമുണ്ടാകുന്ന ഗ്യാസ്ട്രോഎൻറൈറ്റിസ് ഉണ്ടാക്കുന്നു. വയറ്റിൽ മലബന്ധം, വയറിളക്കം, ഛർദ്ദി, പനി, ഇവയെല്ലാം ഇതിന്റെ ലക്ഷണങ്ങളാണ്.

മുൻകരുതലുകൾ

* ശുദ്ധമായ വെള്ളം: മലിനമായ കുടിവെള്ളം ജലജന്യ രോഗങ്ങൾ വർധിക്കാൻ കാരണമാകും. അത് കൊണ്ട് സുരക്ഷിതമായ കുടിവെള്ളം ഉറപ്പാക്കുക. തിളപ്പിച്ച ചൂട് വെള്ളം കുടിക്കാം. ശരീരത്തിന് ദോഷമേകുന്ന അണുബാധകളെയും സൂക്ഷ്മാണുക്കളെയും നശിപ്പിക്കാൻ തിളപ്പിച്ച ചൂട് വെള്ളം കുടിക്കുന്നത് ഗുണം ചെയ്യും. 

* ശുചിത്വവും പ്രധാനമാണ്: നമ്മള്‍ ഉപയോഗിക്കുന്ന ജലസ്രോതസ്സുകൾ മലിനമാകാതെ സൂക്ഷിക്കുക.
അതിനായി  മനുഷ്യ മാലിന്യങ്ങൾ ശരിയായ രീതിയിൽ സംസ്കരിക്കുകയും വീടുകളിലും താമസ സ്ഥലങ്ങളിലെ ചുറ്റുപാടുകളിലും പരിസരം വൃത്തിയായി സൂക്ഷിക്കുകയും ചെയ്യുക.

* വീട്ടിൽ വാട്ടർ ഫിൽട്ടറുകൾ ഉപയോഗിക്കാം: ജല ശുദ്ധീകരണത്തിനായി വീടുകളിൽ വാട്ടർ ഫിൽട്ടറുകൾ ഉപയോഗിക്കുന്നത് നല്ലതാണ്. വെള്ളത്തിലുണ്ടാകാൻ സാധ്യതയുള്ള  മാലിന്യങ്ങളും രോഗകാരികളും ഇല്ലാതാക്കി ജലം ശുദ്ധീകരിക്കുന്നത് ആരോഗ്യ സംരക്ഷണത്തിന്റെ ഭാഗമാണ്.

* വ്യക്തി ശുചിത്വം ശീലമാക്കുക: കൈകൾ രണ്ടും നന്നായി സോപ്പും ശുദ്ധജലവും ഉപയോഗിച്ച് കഴുകി വൃത്തിയാക്കുക. വൃത്തിയുള്ള കൈകൾ ജലജന്യ രോഗങ്ങൾ തടയാൻ കാരണമാകും. കുടിവെള്ളത്തിനൊപ്പം മറ്റു ആവശ്യങ്ങൾക്കായി ഉപയോഗിക്കുന്ന വെള്ളത്തിലും ശുചിത്വം സൂക്ഷിക്കാം. മലിനമായ ജലത്തിലുള്ള കുളിയും അനാരോഗ്യ രീതിയാണ് അത്തരം സാഹചര്യങ്ങൾ ഒഴിവാക്കുക. 

* കുത്തിവയ്പ്പുകൾ സ്വീകരിക്കാം: കോളറ, ഹെപ്പറ്റൈറ്റിസ് എ തുടങ്ങിയ രോഗങ്ങൾക്കുള്ള കുത്തിവെപ്പുകൾ ആരോഗ്യ കേന്ദ്രങ്ങളുടെ സഹായത്തോടെ പിന്തുടരാം. പ്രതിരോധശേഷി നൽകാനും അണുബാധയ്ക്കുള്ള സാധ്യത കുറയ്ക്കാനും ഈ കുത്തിവെപ്പുകൾ സഹായിക്കും.

* രോഗത്തെ കുറിച്ചുള്ള കൃത്യമായ അവബോധം: ജലജന്യ രോഗങ്ങളെക്കുറിച്ചും പ്രതിരോധ നടപടികളെക്കുറിച്ചും ജനങ്ങളെ അറിയിക്കാൻ ബോധവത്കരണ ക്ലാസുകളും മറ്റും തയ്യാറാക്കി ആളുകൾക്കിടയിൽ രോഗങ്ങളെ കുറിച്ച് അവബോധം സൃഷ്ടിക്കാം. ഏതെങ്കിലും തരത്തിലുള്ള ആരോഗ്യ പ്രശ്‌നങ്ങളുണ്ടെങ്കിൽ ഉടൻ ഡോക്ടറെ സമീപിക്കുക.