Virologist's warning | രണ്ട് വർഷത്തിലേറെയായി ഒരേ തലയിണ ഉപയോഗിക്കുന്നുണ്ടോ? ഞെട്ടിക്കുന്ന മുന്നറിയിപ്പുമായി വൈറോളജിസ്റ്റ്

ന്യൂയോർക്: (www.kvartha.com) നമ്മുടെ വീട്ടിൽ സ്ഥിരമായി മാറ്റേണ്ട വസ്തുക്കളുണ്ട്. ഇടയ്ക്കിടെ മാറ്റുന്നത് നമ്മൾ ഇഷ്ടപ്പെടാത്ത ഒരുപാട് കാര്യങ്ങളുമുണ്ട്. ഉദാഹരണത്തിന്, ടെലിവിഷൻ, ടേബിൾ ഫാൻ, ഫോടോ ഫ്രെയിം, അല്ലെങ്കിൽ സ്വീകരണമുറിയിലെ അലങ്കാരം എന്നിവ ഒരിടത്ത് തന്നെ സൂക്ഷിക്കാൻ പലരും ഇഷ്ടപ്പെടുന്നു. കിടപ്പുമുറികളിലെ പുതപ്പുകൾ, കവറുകൾ തുടങ്ങിയവ വൃത്തിയായി സൂക്ഷിക്കേണ്ടതിനാൽ പലപ്പോഴും മാറ്റുന്നു. തലയിണകളുടെ കവറുകൾ മാറ്റുകയും കഴുകി ഉപയോഗിക്കാറുമുണ്ട്. എന്നാൽ തലയിണകളുടെ കാര്യമോ?.
  
നിങ്ങളുടെ തലയിണകൾ ഇടയ്ക്കിടെ മാറ്റുന്നത് ഒരു നല്ല ശുചിത്വ ശീലമാണ്. പക്ഷേ, പഴയതിനെ തന്നെ ഉപയോഗിക്കുന്നവർ ധാരാളമുണ്ട്. കൂടുതൽ ഉപയോഗിച്ച തലയിണകൾ ബാഹ്യമായി നിരുപദ്രവകരമാണെന്ന് തോന്നുമെങ്കിലും വളരെയധികം ദോഷം ചെയ്യുന്ന ഒന്നാണിത്. രണ്ട് വർഷത്തിന് ശേഷം നമ്മുടെ തലയിണകൾ എത്രമാത്രം വൃത്തിഹീനവും സുരക്ഷിതമല്ലാത്തതുമാകുമെന്നത വ്യക്തമാക്കുന്ന പ്രമുഖ വൈറോളജിസ്റ്റ് ഡോ. ലിൻഡ്‌സെ ബ്രോഡ്‌ബെന്റിന്റെ പോസ്റ്റ് അടുത്തിടെ വൈറലായി.

'ആളുകളുടെ തലയിണക്ക് രണ്ട് വയസ് പ്രായമുണ്ടെങ്കിൽ, അവയുടെ 10% ഭാരവും വീട്ടിലെ പൊടിപടലങ്ങളും മലവും ആണെന്ന് അവരോട് പറയുന്നത് എനിക്കിഷ്ടമാണ്', ഒരു പത്രപ്രവർത്തകന്റെ ചോദ്യത്തിനുള്ള മറുപടിയായി അദ്ദേഹം രസകരമായി ട്വിറ്ററിൽ കുറിച്ചു. 'അത് വീട്ടിലെ പൊടിയുടെ മലമാണ്, തലയിണയുടെ ഉടമയുടേതല്ല', ഒരു ഉപയോക്താവ് വിശദീകരിച്ച് കമന്റ് ചെയ്തു. ചില ഉപയോക്താക്കൾക്ക് തലയിണ ശുചിത്വത്തെക്കുറിച്ച് നല്ല ധാരണയുണ്ടെങ്കിലും, ഭയാനകമായ ഈ കണക്കുകളിൽ പലരും അമ്പരന്നു.


ഡോ. ബ്രോഡ്‌ബെന്റിന് മുമ്പ്, 2021-ൽ ഇതേ മുന്നറിയിപ്പ് ഡോ. കരൺ രാജ് നൽകിയിരുന്നു. ടിക് ടോകിലെ ജനപ്രിയ വ്യക്തിയും എൻഎച്എസിലെ ഡോക്ടറുമായ കരൺ രാജ്, രണ്ട് വർഷത്തിലൊരിക്കലെങ്കിലും തലയിണകൾ മാറ്റാൻ ആളുകളോട് അഭ്യർഥിച്ചിരുന്നു. അവയ്ക്കുള്ളിലെ വസ്തുക്കൾ ബാക്ടീരിയ, പൊടിപടലങ്ങൾ, വിയർപ്പുള്ള പാടുകളിൽ വളരുന്ന വിരകൾ എന്നിവയാൽ നിറഞ്ഞിരിക്കുമെന്ന് അദ്ദേഹം വ്യക്തമാക്കി. ദശലക്ഷക്കണക്കിന് പേർ കണ്ട ഈ വിശദീകരണ വീഡിയോ, തലയിണകൾ മാറ്റേണ്ടതിന്റെ ആവശ്യകതയെക്കുറിച്ചും പതിവായി വൃത്തിയാക്കുന്നതിന് നൽകേണ്ട പ്രാധാന്യവും ഡോക്ടർ വ്യക്തമാക്കുന്നു.