സംസ്ഥാനത്ത് കൂടുതല് പ്രദേശങ്ങളില് കര്ശനമായ കോവിഡ് നിയന്ത്രണങ്ങള് നടപ്പാക്കാന് തീരുമാനം; ടിപിആര് 18 ൽ കൂടുതലുള്ള പ്രദേശങ്ങളില് ട്രിപിള് ലോക് ഡൗണിനു സമാനമായ നിയന്ത്രണങ്ങള്
Jun 29, 2021, 17:43 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
തിരുവനന്തപുരം: (www.kvartha.com 29.06.2021) സംസ്ഥാനത്ത് കൂടുതല് പ്രദേശങ്ങളില് കര്ശനമായ കോവിഡ് നിയന്ത്രണങ്ങള് ഏര്പെടുത്താന് മുഖ്യമന്ത്രിയുടെ അധ്യക്ഷതയില് ചേര്ന്ന അവലോകന യോഗത്തില് തീരുമാനമായി. രോഗ സ്ഥിരീകരണ നിരക്ക് (ടിപിആര്) പതിനെട്ടിന് മുകളിലുള്ള പ്രദേശങ്ങളില് ട്രിപിള് ലോക് ഡൗണിനു സമാനമായ നിയന്ത്രണങ്ങള് കൊണ്ടുവരാനാണ് തീരുമാനം. നിയന്ത്രണങ്ങള് തുടര്ന്നിട്ടും രോഗസ്ഥിരീകരണ നിരക്ക് പ്രതീക്ഷിക്കുന്ന വിധത്തില് താഴുന്നില്ലെന്ന വിലയിരുത്തലിന്റെ അടിസ്ഥാനത്തിലാണ് കടുപ്പിക്കാന് തീരുമാനിച്ചത്.
കോവിഡ് നിയന്ത്രണങ്ങള്ക്ക് ടിപിആര് അടിസ്ഥാനമാക്കി നിശ്ചയിച്ച സ്ലാബുകള് പുനക്രമീകരിക്കാനാണ് ചൊവ്വാഴ്ചത്തെ യോഗത്തിലെ തീരുമാനം. ടിപിആര് ആറു ശതമാനം വരെ എ കാറ്റഗറിയായിരിക്കും. ആറു മുതല് 12 വരെ ബി കാറ്റഗറി, 12 മുതല് 18 വരെ സി കാറ്റഗറി എന്നിങ്ങനെയായിരിക്കും പുതിയ സ്ലാബുകള്.
എ കാറ്റഗറിയില് സാധാരണ പോലെ പ്രവര്ത്തനങ്ങള് നടക്കും. ബി കാറ്റഗറിയില് മിനി ലോക് ഡൗണിനു സമാനമായ വിധത്തിലും സിയില് ലോക് ഡൗണ് നിയന്ത്രണങ്ങളുമായിരിക്കും ഉണ്ടാവുക. നിലവില് 24 ശതമാനത്തിനു മുകളിലുള്ള പ്രദേശങ്ങളിലാണ് ട്രിപിള് ലോക് ഡൗണ്. ഇത് 18 ശതമാനത്തിനു മുകളിലുള്ള പ്രദേശങ്ങളിലേക്കു വ്യാപിപ്പിക്കാനാണ് യോഗത്തിലെ തീരുമാനം.
ഒരാഴ്ചയാണ് ഈ രീതിയില് നിയന്ത്രണങ്ങള് തുടരുക. ഏതൊക്കെ പ്രദേശങ്ങള് ഏതെല്ലാം കാറ്റഗറിയില് വരുമെന്ന് ബുധനാഴ്ച വ്യക്തമാക്കും. അടുത്ത ചൊവ്വാഴ്ച വീണ്ടും യോഗം ചേര്ന്ന് നിയന്ത്രണങ്ങളുടെ കാര്യത്തില് തീരുമാനമെടുക്കും.
Keywords: Triple lockdown in more areas; Restrictions in the state will continue for another week, Thiruvananthapuram, News, Lockdown, Meeting, Kerala, Health, Health and Fitness.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
