Health Risk | ഞെട്ടിക്കുന്ന പഠനം: കോണ്ടത്തിലും ലൂബ്രിക്കന്റിലും വന്ധ്യതയ്ക്കും കാൻസറിനും കാരണമാകുന്ന വിഷ രാസവസ്തുക്കൾ
പിഎഫ്എസ് എന്നത് വെള്ളം, മഞ്ഞു, ചൂട് എന്നിവയെ തടസ്സപ്പെടുത്താൻ ഉപയോഗിക്കുന്ന 15,000 രാസവസ്തുക്കളുടെ ഒരു ഗ്രൂപ്പാണ്. ഇവ പരിസ്ഥിതിയിൽ സ്വാഭാവികമായി അഴുകിപ്പോകാത്തതിനാൽ ‘ഫോറവർ കെമിക്കൽ’ എന്നാണ് അറിയപ്പെടുന്നത്. മനുഷ്യ ശരീരത്തിൽ ഇത് അടിഞ്ഞുകൂടുകയും ചെയ്യും
ന്യൂഡൽഹി: (KVARTHA) കോണ്ടം, ലൂബ്രിക്കന്റ് പോലുള്ള ഉൽപ്പന്നങ്ങളിൽ വിഷാംശത്തിന്റെ സാന്നിധ്യമെന്ന് ഞെട്ടിപ്പിക്കുന്ന പഠന റിപ്പോർട്ട് പുറത്ത്. ആരോഗ്യത്തിന് ഭീഷണിയായ ‘ഫോറവർ കെമിക്കൽ’ എന്നറിയപ്പെടുന്ന പിഎഫ്എസ് എന്ന രാസവസ്തുവാണ് കണ്ടെത്തിയത്.
മുൻനിര കമ്പനികളായ ട്രോജൻ, കെ-വൈ ജെല്ലി തുടങ്ങിയവയുടെ ഉൽപ്പന്നങ്ങളിലാണ് ഈ വിഷാംശം കണ്ടെത്തിയിരിക്കുന്നതെന്ന് ഗവേഷകർ പറഞ്ഞു. അമേരിക്കയിലെ മാമവേഷൻ എന്ന ഉപഭോക്തൃ സംഘടനയാണ് ഈ പഠനം നടത്തിയത്. ഒരു പരിസ്ഥിതി സംരക്ഷണ ഏജൻസിയുടെ അംഗീകാരമുള്ള ലാബിലാണ് പരിശോധന നടത്തിയത്.
പിഎഫ്എസ് എന്നത് വെള്ളം, മഞ്ഞു, ചൂട് എന്നിവയെ തടസ്സപ്പെടുത്താൻ ഉപയോഗിക്കുന്ന 15,000 രാസവസ്തുക്കളുടെ ഒരു ഗ്രൂപ്പാണ്. ഇവ പരിസ്ഥിതിയിൽ സ്വാഭാവികമായി അഴുകിപ്പോകാത്തതിനാൽ ‘ഫോറവർ കെമിക്കൽ’ എന്നാണ് അറിയപ്പെടുന്നത്. മനുഷ്യ ശരീരത്തിൽ ഇത് അടിഞ്ഞുകൂടുകയും ചെയ്യും.
പിഎഫ്എസിന്റെ സമ്പർക്കം കാൻസർ, ലിവർ രോഗം, തൈറോയ്ഡ് പ്രശ്നങ്ങൾ, ജനന വൈകല്യങ്ങൾ, രോഗപ്രതിരോധ ശേഷി കുറയൽ തുടങ്ങിയ ഗുരുതര ആരോഗ്യ പ്രശ്നങ്ങൾക്ക് കാരണമാകുമെന്നാണ് ആരോഗ്യ വിദഗ്ധർ പറയുന്നത്.
കോണ്ടം, ലൂബ്രിക്കന്റ് പോലുള്ള ഉൽപ്പന്നങ്ങളിൽ പിഎഫ്എസ് കണ്ടെത്തിയത് വളരെ ആശങ്കാജനകമായാണ് ചൂണ്ടിക്കാട്ടുന്നത്. ശരീരത്തിലെ സെൻസിറ്റീവ് ആയ ഭാഗങ്ങളിൽ നേരിട്ട് സ്പർശിക്കുന്ന ഉൽപ്പന്നങ്ങളാണിത്. ഈ ഭാഗങ്ങളിൽ രക്തക്കുഴലുകൾ ധാരാളമുള്ളതിനാൽ രാസവസ്തുക്കൾ എളുപ്പത്തിൽ ആഗിരണം ചെയ്യപ്പെടും എന്നാണ് വിദഗ്ധരുടെ അഭിപ്രായം.
കോണ്ടം, വെള്ളം തടയാൻ പിഎഫ്എസ് ഉപയോഗിക്കുന്നതായി പഠനം പറയുന്നു. എന്നാൽ ഇത് ഗുരുതര ആരോഗ്യ പ്രശ്നങ്ങൾക്ക് കാരണമാകും. സ്ത്രീ പ്രത്യുത്പാദന വ്യവസ്ഥയെ ഇത് ബാധിക്കുമെന്ന് വിദഗ്ധർ പറയുന്നു. വസ്ത്രങ്ങൾ, ഭക്ഷണ പാക്കേജിംഗ് തുടങ്ങിയ നിത്യോപയോഗ വസ്തുക്കളിൽ പിഎഫ്എസ് വ്യാപകമായി ഉപയോഗിക്കുന്നുണ്ടെങ്കിലും ഇതിനെ നിയന്ത്രിക്കാനുള്ള കർശന നിയമങ്ങൾ ഇല്ല.
ഉൽപ്പന്നങ്ങളിൽ നിന്ന് പിഎഫ്എസ് നീക്കം ചെയ്യണമെന്ന ആവശ്യം ശക്തമായി ഉയർന്നുവരുന്നു. കോണ്ടം, ലൂബ്രിക്കന്റ് ഉൽപ്പന്നങ്ങളിൽ നിന്ന് പിഎഫ്എസ് ഉടൻ നീക്കം ചെയ്യണമെന്ന് മാമവേഷൻ ആവശ്യപ്പെട്ടിട്ടിട്ടുണ്ട്. ഉപഭോക്തൃ സുരക്ഷ ഉറപ്പാക്കാൻ നിർമാതാക്കൾ ഇത്തരം വിഷാംശങ്ങൾ ഉപേക്ഷിക്കണമെന്നാണ് സംഘടനയുടെ ആവശ്യം.
