Mental health | യുവാക്കൾക്കിടയിൽ വിഷാദരോഗം ആത്മഹത്യയ്ക്ക് കാരണമാകുന്നു; മാനസികാരോഗ്യം നിലനിർത്താനുള്ള ചില നുറുങ്ങുകൾ

ന്യൂഡെൽഹി: (www.kvartha.com) ലോകത്തിലെ 15 മുതൽ 29 വയസുവരെയുള്ള യുവതലമുറയുടെ മരണങ്ങളിൽ പ്രധാന കാരണങ്ങളിലൊന്ന് ആത്മഹത്യയാണ്. ഇതിന് ഏറ്റവും വലിയ കാരണം മാനസികാരോഗ്യ പ്രശ്നങ്ങളാണ്.
ഇന്നത്തെ ജീവിതശൈലിയിൽ മാനസിക പ്രശ്‌നങ്ങൾ അനുഭവിക്കുന്നവർ ഏറെയാണ്. ക്രമരഹിതമായ ഭക്ഷണം, ഉറക്കക്കുറവ്, കൃത്യമായ വ്യായാമം ലഭിക്കാത്തത് തുടങ്ങിയവ മനുഷ്യരിൽ സമ്മർദത്തിനും വിഷാദത്തിനും വഴിയൊരുക്കുന്നു.


ഇത് മാനസികാരോഗ്യത്തെ ദോഷകരമായി ബാധിക്കുന്നു. ലോകാരോഗ്യ സംഘടനയുടെ റിപോർട് അനുസരിച്ച് നിലവിൽ ലോകത്ത് 800 ദശലക്ഷം ആളുകൾ ഏതെങ്കിലും തരത്തിലുള്ള മാനസിക പ്രശ്‌നങ്ങൾ അനുഭവിക്കുന്നുണ്ട്. ഇതിനർഥം ലോകത്തിലെ ഓരോ 10 ആളുകളിൽ ഒരാൾക്കും മാനസികാരോഗ്യവുമായി ബന്ധപ്പെട്ട പ്രശ്നമുണ്ടെന്നാണ്.


ഇൻഡ്യയിലെ സ്ഥിതി

ഇൻഡ്യയിൽ 14 ശതമാനം ആളുകൾ ചില മാനസിക പ്രശ്‌നങ്ങളാൽ അസ്വസ്ഥരാണ്. രാജ്യത്ത് 40 ദശലക്ഷം ആളുകൾക്ക് വിഷാദരോഗവും 50 ദശലക്ഷം ആളുകൾക്ക് ഉത്കണ്ഠാ രോഗവും ഉണ്ട്. കുറഞ്ഞ ഉറക്കം, ഭക്ഷണത്തിലെ പോഷകാഹാരക്കുറവ്, അസന്തുലിതമായ ജീവിതശൈലി, വ്യായാമക്കുറവ്, ദൈനംദിന ജീവിതത്തിലെ സമ്മർദങ്ങൾ എന്നിവ മാനസികാരോഗ്യത്തെ ദോഷകരമായി ബാധിക്കുന്നു. ദൈനംദിന ശീലങ്ങൾ മാറ്റുന്നതിലൂടെ മാനസികാരോഗ്യം മികച്ചതായി നിലനിർത്താം. അതിനായി എന്തൊക്കെ ചെയ്യാമെന്ന് അറിയാം.


സോഷ്യൽ മീഡിയ പ്ലാറ്റ്‌ഫോമുകളുടെ അമിത ഉപയോഗം ഒഴിവാക്കുക

സോഷ്യൽ മീഡിയ പ്ലാറ്റ്‌ഫോമുകളുടെ അമിത ഉപയോഗം വിഷാദം വർധിപ്പിക്കുന്നു. കൗമാരക്കാരിൽ, ഇത് ആത്മവിശ്വാസത്തെ ദുർബലപ്പെടുത്തുന്നു. ഫോൺ ഉപയോഗം കുറയ്ക്കാൻ അറിയിപ്പുകൾ ഓഫാക്കുക. പ്രധാനപ്പെട്ട പോസ്റ്റുകളിൽ മാത്രം പ്രതികരിക്കുക. സമയ പരിധി നിശ്ചയിക്കുക. ബാഹ്യ ഇടപെടലുകൾക്ക് മികച്ച സുഹൃദ് ബന്ധങ്ങൾ ഉണ്ടാക്കുക.