തൃശൂർ: (KVARTHA) ചാലക്കുടിയിൽ യുവതി സ്വയം പ്രസവം നടത്തിയ സംഭവത്തിൽ നവജാത ശിശു മരിച്ചു. ഒഡീഷ സ്വദേശികളായ ഗുല്ലി - ശാന്തി ദമ്പതികളുടെ കുഞ്ഞാണ് മരിച്ചത്. പൂർണ ഗർഭിണിയായിരുന്ന ശാന്തിയെ ആശുപത്രിയിൽ പോകാൻ ആശാ വർക്കർ നിർദ്ദേശിച്ചിരുന്നെങ്കിലും, അവർ കഴിഞ്ഞ തിങ്കളാഴ്ച ചാലക്കുടി താലൂക്ക് ആശുപത്രിയില്‍ എത്തിയെങ്കിലും ഡോക്ടറെ കണ്ടില്ലെന്ന് പറഞ്ഞ് മടങ്ങുകയായിരുന്നു.

ബുധനാഴ്ച വൈകിട്ടോടെ വീട്ടില്‍ വച്ച് പ്രസവം നടക്കുകയും ശാന്തി തന്നെ കുഞ്ഞിന്‍റെ പൊക്കിള്‍കൊടി മുറിച്ചു മാറ്റുകയായിരുന്നു. തുടർന്ന് അമിത രക്തസ്രാവം ഉണ്ടായതാണ് കുഞ്ഞിന്റെ മരണത്തിന് കാരണമെന്നാണ് പ്രാഥമിക നിഗമനം. വിവരമറിഞ്ഞെത്തിയ ആരോഗ്യ പ്രവർത്തകർ ശാന്തിയെ താലൂക്ക് ആശുപത്രിയിലേക്ക് മാറ്റി. ആശുപത്രിയിൽ എത്തിച്ച് നടത്തിയ പരിശോധനയിലാണ് കുഞ്ഞിന് ജീവനില്ലെന്ന് സ്ഥിരീകരിച്ചത്.

ഗർഭകാലത്തും പ്രസവ സമയത്തും യഥാസമയം ആശുപത്രിയിൽ എത്തുക എന്നത് അനിവാര്യമാണ്. ഗ്രാമീണ മേഖലയിലെ ആളുകൾക്കും അതിഥി തൊഴിലാളികളുടെ കുടുംബങ്ങൾക്കും ആധുനിക ആരോഗ്യ സൗകര്യങ്ങൾ എത്തിക്കുന്നതിലും അവരെ ബോധവൽക്കരിക്കുന്നതിലും സർക്കാർ സംവിധാനങ്ങൾ കൂടുതൽ ശ്രദ്ധ കേന്ദ്രീകരിക്കേണ്ടതുണ്ട്.

#Chalakudy, #HealthSystem, #InfantDeath, #MaternityCare, #SelfDelivery, #RuralHealth