സമൂഹ വ്യാപനമുണ്ടായേക്കാം; മേയ് ഒന്ന്​ വരെ ലോക്ക്​ഡൗ​ണ്‍ നീട്ടി പഞ്ചാബ്

ലുധിയാന: (www.kvartha.com 10.04.2020) കോവിഡ്​19 തുടര്‍ന്ന്​ പ്രഖ്യാപിച്ച ലോക്ക്​ഡൗണ്‍ മേയ്​ ഒന്നു​ വ​രെ നീട്ടി​ പഞ്ചാബ്​ സര്‍ക്കാര്‍. കോവിഡ്​ പോസിറ്റീവ്​ കേസുകള്‍ വര്‍ധിക്കുന്ന സാഹചര്യത്തില്‍ ലോക്ക്​ഡൗണ്‍ നീട്ടാന്‍ മന്ത്രിസഭായോഗം തീരുമാനിക്കുകയായിരുന്നു.
കോവിഡ്​ സ്ഥിരീകരിച്ച 27 പേര്‍ വിദേശയാത്ര നടത്തുകയോ യാത്ര ചെയ്​തവരുമായി സമ്പർക്കത്തിലേർപ്പെടുകയോ ചെയ്​തിട്ടില്ല. സമുഹ വ്യാപനത്തിലൂടെയാകാം ഇവര്‍ക്ക്​ വൈറസ്​ ബാധയുണ്ടായതെന്ന്​ സംശയിക്കുന്നു. അതിനാൽ ലോക്ക്ഡൗ​ണ്‍ നീട്ടുകയാണെന്ന് മുഖ്യമന്ത്രി ക്യാപ്​റ്റന്‍ അമരീന്ദര്‍ സിങ്​ അറിയിച്ചു.



സമൂഹ വ്യാപനമുണ്ടായാല്‍ ഇന്ത്യയിലെ 80-85% പേര്‍ക്ക് രോഗം ബാധിച്ചേക്കാമെന്നാണ് ആരോഗ്യരംഗത്തെ വിദഗ്​ധര്‍ മുന്നറിയിപ്പ്​ നല്‍കുന്നത്​. സെപ്​തംബര്‍ ആകുമ്പോഴേക്കും മരണസംഖ്യ കുത്തനെ ഉയരാമെന്നും സൂചിപ്പിക്കുന്നു. റിപ്പോര്‍ട്ടുകള്‍ ശരിയാണെങ്കില്‍ അത്​ ഭയാനകമായ അസ്ഥയാകുമെന്നും മുഖ്യമന്ത്രി പറഞ്ഞു.

പഞ്ചാബില്‍ ഇതുവരെ 132 പേര്‍ക്കാണ്​ കോവിഡ്​ സ്ഥിരീകരിച്ചത്​. 11 പേര്‍ മരിക്കുകയും ചെയ്​തു. 2877 പേരില്‍ കോവിഡ്​ പരിശോധന നടത്തി. കണക്കനുസരിച്ച്‌ ഡല്‍ഹിയിലെ നിസാമുദ്ദീനില്‍ നിന്ന് 651 പേര്‍ പഞ്ചാബിലെത്തിയിട്ടുണ്ട്​. അവയില്‍ 636 പേരെ കണ്ടെത്തി നിരീക്ഷണത്തില്‍ പാര്‍പ്പിച്ചിരിക്കുകയാണ്​. ബാക്കിയുള്ള 15 പേര്‍ക്കായി തെരച്ചില്‍ നടക്കുന്നുണ്ടെന്നും അദ്ദേഹം പറഞ്ഞു.

Summary: Punjab Govt Extends Lock Down till May 1