കണ്ണൂർ: (KVARTHA) കിംസ് ശ്രീചന്ദ് ആശുപത്രി അതിസങ്കീർണ്ണമായ റാഡിക്കൽ പ്രോസ്റ്റേറ്റക്ടമി ശസ്ത്രക്രിയ റോബോട്ടിക് സാങ്കേതികവിദ്യയുടെ സഹായത്തോടെ വിജയകരമായി പൂർത്തിയാക്കി. പ്രമുഖ റോബോട്ടിക് സർജറി വിദഗ്ധനും യൂറോളജി വിഭാഗം സീനിയർ കൺസൾട്ടന്റുമായ ഡോ. മോഹൻ കേശവമൂർത്തിയുടെ നേതൃത്വത്തിലുള്ള വിദഗ്ധ ടീമാണ് ഈ നേട്ടം കൈവരിച്ചത്.

പ്രോസ്റ്റേറ്റ് ഗ്രന്ഥിയുടെ ശരീരത്തിലെ ആഴത്തിലുള്ള സ്ഥാനവും അതിൻ്റെ സങ്കീർണ്ണതയും കണക്കിലെടുത്ത്, ഡാ വിൻസി എക്‌സൈറോബോട്ടിൻ്റെ സഹായത്തോടെ ഏറ്റവും സുരക്ഷിതവും കൃത്യതയേറിയതുമായ ശസ്ത്രക്രിയ പൂർത്തീകരിക്കാൻ സാധിച്ചു. സാധാരണ ശസ്ത്രക്രിയകളെ അപേക്ഷിച്ച് രോഗികൾക്ക് വളരെ വേഗത്തിൽ സുഖം പ്രാപിക്കാൻ ഈ നൂതന സാങ്കേതികവിദ്യ സഹായിക്കും. ശസ്ത്രക്രിയയ്ക്ക് ശേഷം ഏതാനും ദിവസങ്ങൾക്കുള്ളിൽ തന്നെ രോഗി പൂർണ്ണ ആരോഗ്യത്തോടെ വീട്ടിലേക്ക് മടങ്ങി.

കൃഷ്ണ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിൻ്റെ കേരളത്തിലെ ആദ്യ സംരംഭമായ കിംസ് ശ്രീചന്ദ്, അത്യാധുനിക ശസ്ത്രക്രിയാ രീതികൾ കൂടുതൽ പേരിലേക്ക് എത്തിക്കാൻ പ്രതിജ്ഞാബദ്ധമാണെന്ന് കിംസ് കോ-ഫൗണ്ടറും ഡയറക്ടറും കേരള ക്ലസ്റ്റർ സിഇഒയുമായ ഫർഹാൻ യാസിൻ വാർത്താസമ്മേളനത്തിൽ അറിയിച്ചു. കിംസ് ശ്രീചന്ദിൻ്റെ ഈ മുന്നേറ്റം കേരളത്തിലെ റോബോട്ടിക് സർജറിയുടെ വളർച്ചയ്ക്ക് പുതിയൊരു ദിശാബോധം നൽകുമെന്നും അദ്ദേഹം കൂട്ടിച്ചേർത്തു.

വാർത്താസമ്മേളനത്തിൽ ഡോ. ദിൽഷാദ് (യൂണിറ്റ് ഹെഡ്), ഡോ. ടോം ജോസ് കവലക്കാട്ട് (അസി. മെഡിക്കൽ ഡയറക്ടർ), ഡോ. അരുൺകുമാർ (ക്രിട്ടിക്കൽ കെയർ ഹെഡ്), ഡോ. അജയ് തോമസ് (മെഡിക്കൽ ഓങ്കോളജി), ഡോ. സൂരജ് വിജയൻ (സീനിയർ കൺസൾട്ടന്റ് യൂറോളജി), ഡോ. സന്തോഷ് കുമാർ സുബുദ്ധി (സീനിയർ കൺസൾട്ടന്റ് യൂറോളജി) എന്നിവരും പങ്കെടുത്തു.

KIMS Sreechitra Hospital in Kannur successfully performed a complex radical prostatectomy using robotic technology. Led by Dr. Mohan Keshavamurthy, the surgery was completed safely and accurately with the Da Vinci Xi robot, allowing for faster patient recovery. KIMS aims to bring advanced surgical techniques to more people in Kerala.

#RoboticSurgery #ProstateCancer #KIMSHospital #Kannur #Healthcare #MedicalTechnology