കൊച്ചി: (KVARTHA) ലോകമെമ്പാടുമുള്ള നഴ്സുമാരുടെ അമൂല്യമായ സേവനങ്ങളെയും സംഭാവനകളെയും ആദരിക്കുന്ന ആസ്റ്റർ ഗാർഡിയൻസ് ഗ്ലോബൽ നഴ്സിംഗ് അവാർഡ് 2025-ൻ്റെ നാലാം പതിപ്പിലെ ഫൈനലിസ്റ്റുകളെ ആസ്റ്റർ ഡിഎം ഹെൽത്ത്‌കെയർ പ്രഖ്യാപിച്ചു.

വിദഗ്ധ ജൂറിയും ഗ്രാൻഡ് ജൂറി പാനലും നടത്തിയ സൂക്ഷ്മമായ വിലയിരുത്തലിലൂടെ 199 രാജ്യങ്ങളിൽ നിന്നുള്ള ഒരു ലക്ഷത്തിലധികം രജിസ്ട്രേഷനുകളിൽ നിന്ന് 10 ഫൈനലിസ്റ്റുകളെ തിരഞ്ഞെടുക്കുകയായിരുന്നു. ഈ തിരഞ്ഞെടുപ്പ് പ്രക്രിയയുടെ മേൽനോട്ടം വഹിച്ചത് നിയുക്ത പ്രോസസ്സ് അഡ്വൈസറായ ഏൺസ്റ്റ് ആൻഡ് യംഗ് എൽഎൽപി ആണ്.

ആസ്റ്റർ ഗാർഡിയൻസ് ഗ്ലോബൽ നഴ്സിംഗ് അവാർഡ് 2025-ലേക്ക് ലഭിച്ച ഒരു ലക്ഷത്തിലധികം അപേക്ഷകളിൽ നിന്നും തിരഞ്ഞെടുക്കപ്പെട്ട 10 ഫൈനലിസ്റ്റുകളും നഴ്സിംഗ് രംഗത്തും, ആരോഗ്യ പരിപാലന രംഗത്തും, സാമൂഹിക സേവന രംഗത്തും അവരുടെ അസാധാരണമായ സമർപ്പണത്തിലൂടെ മികച്ച സംഭാവനകൾ നൽകിയവരാണെന്ന് ആസ്റ്റർ ഡിഎം ഹെൽത്ത് കെയർ സ്ഥാപക ചെയർമാൻ ഡോ. ആസാദ് മൂപ്പൻ അഭിപ്രായപ്പെട്ടു.

ഇവരുടെ അതുല്യമായ സേവനങ്ങൾ അംഗീകരിക്കപ്പെടേണ്ടതുണ്ട്. ലോകമെമ്പാടുമുള്ള മനുഷ്യ ജീവനുകൾ രക്ഷിക്കാനും, ആരോഗ്യം സംരക്ഷിക്കാനും പ്രതിബദ്ധതയോടെ പ്രവർത്തിക്കുന്ന നഴ്സിംഗ് സമൂഹത്തെ ആദരിക്കുന്ന ഒരു പ്രധാന വേദിയായി ഈ അവാർഡ് മാറിയിരിക്കുന്നുവെന്നും അദ്ദേഹം കൂട്ടിച്ചേർത്തു.

അന്തിമ വിജയിയെ കണ്ടെത്താനായി പൊതുജനങ്ങൾക്കുള്ള വോട്ടെടുപ്പും, ഗ്രാൻഡ് ജൂറിയിലെ വിശിഷ്ട വ്യക്തികളുമായുള്ള അഭിമുഖവും ഉണ്ടായിരിക്കും. 2025 മെയ് 26-ന് യുഎഇയിൽ നടക്കുന്ന ഗാലാ ചടങ്ങിൽ ഈ വർഷത്തെ അവാർഡ് ജേതാവിനെ പ്രഖ്യാപിക്കും. 10 ഫൈനലിസ്റ്റുകളെക്കുറിച്ചുള്ള കൂടുതൽ വിവരങ്ങൾക്കായി ഈ വെബ്സൈറ്റ് സന്ദർശിക്കുക: https://www(dot)asterguardians(dot)com/

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

Summary: Aster DM Healthcare announced the 10 finalists for the fourth edition of the Aster Guardians Global Nursing Award 2025. These finalists were selected from over a lakh registrations across 199 countries after a thorough evaluation by an expert jury and grand jury panel. The winner will be announced on May 26, 2025, in the UAE.

#AsterGuardians, #NursingAward, #HealthcareHeroes, #Nurses, #GlobalAward, #AsterDMHealthcare