ഒമിക്രോണ് വ്യാപനം: വിവാഹം, മരണാനന്തര ചടങ്ങുകള് എന്നിവയില് പങ്കെടുക്കാവുന്നവരുടെ എണ്ണം പരമാവധി 50 ആക്കും
Jan 10, 2022, 13:37 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
തിരുവനന്തപുരം: (www.kvartha.com 10.01.2022) നിലവിലെ ഒമിക്രോണ് വ്യാപന സാഹചര്യത്തില് വിവാഹം, മരണാനന്തര ചടങ്ങുകള് എന്നിവയില് പങ്കെടുക്കാവുന്നവരുടെ എണ്ണം പരമാവധി 50 ആയി പരിമിതപ്പെടുത്താന് മുഖ്യമന്ത്രി പിണറായി വിജയന്റെ അധ്യക്ഷതയില് ചേര്ന്ന കോവിഡ് അവലോകന യോഗം തീരുമാനിച്ചു.
ഒത്തുചേരലുകളും, ചടങ്ങുകളും പൊതുവായ സാമൂഹ്യ, രാഷ്ട്രീയ, സാംസ്കാരിക, സാമുദായിക പരിപാടികളും അത്യാവശ്യ സന്ദര്ഭങ്ങളിലൊഴികെ ഓണ്ലൈനായി നടത്തണം. അത്യാവശ്യ സന്ദര്ഭങ്ങളില് പരിപാടികള് നേരിട്ട് നടത്തുമ്പോള് ശാരീരിക അകലമടക്കമുള്ള മുന്കരുതലുകള് എടുക്കണം. പൊതുയോഗങ്ങള് ഒഴിവാക്കണമെന്നും യോഗത്തില് തീരുമാനിച്ചു.
15 വയസ്സിന് മുകളിലുള്ള വിദ്യാര്ഥികള്ക്കുള്ള വാക്സിനേഷന് ഈ ആഴ്ച തന്നെ പൂര്ത്തീകരിക്കുമെന്ന് ആരോഗ്യ, വിദ്യാഭ്യാസ വകുപ്പുകള് ഉറപ്പു വരുത്തണം. വിദ്യാഭ്യാസ സ്ഥാപനങ്ങളില് പോയി വാക്സിനേഷന് നല്കുന്ന കാര്യം പരിശോധിക്കുമെന്നും യോഗത്തില് തീരുമാനിച്ചു.
കുടുംബശ്രീ തെരഞ്ഞെടുപ്പ്, ഗ്രാമസഭ എന്നിവ ശാരീരിക അകലം പാലിച്ച് കോവിഡ് മാനദണ്ഡമനുസരിച്ച് നടത്താവുന്നതാണ്. ടെലിമെഡിസിന് സംവിധാനം നല്ലതുപോലെ നടപ്പാക്കാനാവണം. ഒമിക്രോണുമായി ബന്ധപ്പെട്ട് വലിയതോതില് ബോധവല്ക്കരണം നടത്തുമെന്നും മുഖ്യമന്ത്രി പറഞ്ഞു.
Keywords: Omicron: Kerala imposes restrictions on attendance at weddings, funerals, Thiruvananthapuram, News, Health, Health and Fitness, Meeting, Chief Minister, Pinarayi vijayan, Kerala.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
