രാജ്യത്ത് ഒമിക്രോണ് കേസുകള് വര്ധിക്കുന്നു; പുതുതായി സ്ഥിരീകരിച്ചത് 19 കേസുകള്; 80 ശതമാനം പേരിലും രോഗലക്ഷണങ്ങളൊന്നുമുണ്ടായിരുന്നില്ലെന്ന് കേന്ദ്ര ആരോഗ്യമന്ത്രി
Dec 21, 2021, 11:16 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ന്യൂഡെല്ഹി: (www.kvartha.com 21.12.2021) രാജ്യത്ത് ഒമിക്രോണ് കേസുകള് വര്ധിക്കുന്നതായി കേന്ദ്ര ആരോഗ്യമന്ത്രി മന്സുഖ് മാണ്ഡവ്യ. പുതുതായി 19 പേരിലാണ് ഒമിക്രോണ് സ്ഥിരീകരിച്ചത്. ഇതോടെ രാജ്യത്തെ ഒമിക്രോണ് ബാധിച്ചവരുടെ എണ്ണം 174 ആയി ഉയര്ന്നു. അതേസമയം ഒമിക്രോണ് സ്ഥിരീകരിച്ച 80 ശതമാനം പേരിലും രോഗലക്ഷണങ്ങളൊന്നുമുണ്ടായിരുന്നില്ലെന്ന് ആരോഗ്യമന്ത്രി അറിയിച്ചു.
ഡെല്ഹിയില് എട്ട് പുതിയ ഒമിക്രോണ് കേസുകളാണ് റിപോര്ട് ചെയ്തത്. കര്ണാടകയില് അഞ്ചും കേരളത്തില് നാലും ഒമിക്രോണ് കേസുകള് പുതുതായി റിപോര്ട് ചെയ്തു. മഹാരാഷ്ട്രയിലാണ് ഏറ്റവും കൂടുതല് കേസുകള് റിപോര്ട് ചെയ്തിരിക്കുന്നത്. 54 പേരിലാണ് മഹാരാഷ്ട്രയില് ഒമിക്രോണ് സ്ഥിരീകരിച്ചത്. ഡെല്ഹിയില് 30 പേരിലും സ്ഥിരീകരിച്ചു.
നിലവിലെ സാഹചര്യത്തെ സര്കാര് സൂക്ഷ്മമായി നിരീക്ഷിച്ചു വരികയാണെന്നും ഒമിക്രോണ് പ്രതിരോധത്തിന് നിലവിലുള്ള വാക്സിന്റെ കാര്യക്ഷമത പരിശോധിച്ചു വരികയാണെന്നും മന്ത്രി പറഞ്ഞു. കോവിഡ് പരിശോധനയ്ക്ക് ആവശ്യമായ ലാബുകളും ടെസ്റ്റ് സംവിധാനങ്ങളും ട്രാകിങ്ങും ഉറപ്പു വരുത്തിയിട്ടുണ്ട്. 44 പേര്ക്ക് ഒമിക്രോണ് സ്ഥിരീകരിച്ചത് വളരെ വേഗത്തിലാണെന്ന് മന്ത്രി കൂട്ടിച്ചേര്ത്തു.
Keywords: Of 174 Omicron cases, 80% are asymptomatic, says minister, New Delhi, News, Health, Health and Fitness, Health Minister, COVID-19, National.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
