ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
തിരുവനന്തപുരം: (www.kvartha.com 02.01.2022) പുതുവത്സരാഘോഷ വേളയിലെ കോവിഡ് വകഭേദമായ ഒമിക്രോണ് ഭീഷണി കണക്കിലെടുത്ത് സംസ്ഥാനത്ത് ഏര്പെടുത്തിയിരുന്ന രാത്രികാല നിയന്ത്രണങ്ങള് ഞായറാഴ്ച കൂടി തുടരും. രാത്രി 10 മുതല് പുലര്ചെ അഞ്ചുവരെയാണ് നിയന്ത്രണമുള്ളത്. നിലവിലെ സാഹചര്യത്തില് രാത്രികാല നിയന്ത്രണം നീട്ടാനുള്ള സാധ്യത കുറവാണെന്നാണ് ഉന്നതവൃത്തങ്ങള് സൂചിപ്പിക്കുന്നത്.
നിയന്ത്രണം തുടരുന്ന കാര്യം അടുത്തദിവസം മുഖ്യമന്ത്രിയുടെ അധ്യക്ഷതയില് ചേരുന്ന കോവിഡ് അവലോകന യോഗത്തില് തീരുമാനമെടുക്കും. പുതുവത്സര അവധിയോട് അനുബന്ധിച്ച് ജനങ്ങള് കൂട്ടത്തോടെ പുറത്തിറങ്ങുന്നത് തടയുകയായിരുന്നു രാത്രികാല നിയന്ത്രണത്തിലൂടെ ലക്ഷ്യമിട്ടത്.
അതേസമയം, സംസ്ഥാനത്ത് കൗമാരപ്രായക്കാര്ക്കുള്ള വാക്സിനേഷന് നാളെ തുടക്കമാകും. 15 മുതല് 18 വരെ പ്രായമുള്ളവര്ക്കായി വാക്സിനേഷന് ആക്ഷന് പ്ലാന് തയ്യാറാക്കിയിട്ടുണ്ട്. പ്രത്യേക വാക്സിനേഷന് കേന്ദ്രങ്ങളില് കോവാക്സിന് മാത്രമാകും നല്കുക.
ജനുവരി 10 വരെ ബുധനാഴ്ച ഒഴികെ എല്ലാ ദിവസവും ജനറല്, ജില്ലാ, താലൂക്, സി എച് സി എന്നിവടങ്ങളില് വാക്സിനേഷന് നല്കും. കൗമാരക്കാരുടെ വാക്സിനേഷന് കേന്ദ്രങ്ങള് പെട്ടെന്ന് തിരിച്ചറിയാനായി പിങ്ക് നിറത്തിലുള്ള ബോര്ഡ് പ്രദര്ശിപ്പിക്കും.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
