National quality | 15 ആശുപത്രികള്‍ക്ക് കൂടി ദേശീയ ഗുണനിലവാര അംഗീകാരം; ആകെ എന്‍ ക്യു എ എസ് ലഭ്യമായത് 154 ആരോഗ്യ സ്ഥാപനങ്ങള്‍ക്ക്

തിരുവനന്തപുരം: (www.kvartha.com) സംസ്ഥാനത്തെ 15 ആശുപത്രികള്‍ക്ക് നാഷനല്‍ ക്വാളിറ്റി അഷ്വറന്‍സ് സ്റ്റാന്‍ഡേര്‍ഡ് (എന്‍ ക്യു എ എസ്) അംഗീകാരം ലഭിച്ചതായി ആരോഗ്യ വകുപ്പ് മന്ത്രി വീണാ ജോര്‍ജ്. ആറ് ആശുപത്രികള്‍ക്ക് പുതുതായി എന്‍ ക്യു എ എസ് അംഗീകാരവും ഒമ്പത് ആശുപത്രികള്‍ക്ക് പുന: അംഗീകാരവുമാണ് ലഭിച്ചത്.


ഇതോടെ സംസ്ഥാനത്തെ 154 ആശുപത്രികള്‍ക്കാണ് എന്‍ ക്യു എ എസ് അംഗീകാരം നേടിയെടുക്കാനായത്. അഞ്ച് ജില്ലാ ആശുപത്രികള്‍, നാല് താലൂക് ആശുപത്രികള്‍, എട്ട് സാമൂഹികാരോഗ്യ കേന്ദ്രങ്ങള്‍, 39 അര്‍ബന്‍ പ്രൈമറി ഹെല്‍ത് സെന്റര്‍, 98 കുടുംബാരോഗ്യ കേന്ദ്രങ്ങള്‍ എന്നിങ്ങനെയാണ് എന്‍ ക്യു എ എസ് അംഗീകാരം നേടിയിട്ടുള്ളത്.

കൊല്ലം എഫ് എച് സി ചാത്തന്നൂര്‍ 91%, പത്തനംതിട്ട എഫ് എച് സി ഓതറ 96%, എറണാകുളം എഫ് എച് സി പാണ്ടപ്പിള്ളി 94%, യു പി എച് സി തൃക്കാക്കര 94.80%, തൃശൂര്‍ യു പി എച് സി ഗോസായികുന്ന് 94.5%, മലപ്പുറം യു പി എച് സി മംഗലശേരി 95.10%, യു പി എച് സി നിലമ്പൂര്‍ (മുമ്മുളി) 88.10%, വയനാട് എഫ് എച് സി പൊഴുതന 95%, കണ്ണൂര്‍ യു പി എച് സി പൊറോറ 93.9% എന്നീ കേന്ദ്രങ്ങള്‍ക്കാണ് പുന: അംഗീകാരം ലഭിച്ചത്.

ആലപ്പുഴ, മാവേലിക്കര ജില്ലാ ആശുപത്രിക്ക് (ലേബര്‍ റൂം - 91%, മെറ്റേര്‍ണിറ്റി ഓപറേഷന്‍ തിയേറ്റര്‍ - 86%) ലക്ഷ്യ സര്‍ടിഫികേഷനും ലഭിച്ചു. ഇതോടെ സംസ്ഥാനത്തെ ലക്ഷ്യ സര്‍ടിഫികേഷന്‍ ലഭിച്ച സര്‍കാര്‍ ആശുപത്രികളുടെ എണ്ണം ആകെ ഒമ്പതായി.

Keywords: National quality accreditation for 15 more hospitals, Thiruvananthapuram, News, Health, Health and Fitness, Health Minister, Hospital, Kerala.