E-office system | ഇ ഓഫിസ്, പഞ്ചിംഗ് സംവിധാനം സേവനങ്ങള്‍ വേഗത്തിലാക്കുമെന്ന് മന്ത്രി വീണാ ജോര്‍ജ്

ഏറ്റവുമധികം ജീവനക്കാര്‍ ജോലിചെയ്യുന്ന ഡയറക്ടറേറ്റുകളിലൊന്നാണ് ആരോഗ്യ വകുപ്പ് ഡയറക്ടറേറ്റ്. ജനങ്ങളുമായി ഏറെ ബന്ധപ്പെട്ട് കിടക്കുന്ന ഓഫിസാണിത്. ആരോഗ്യ വകുപ്പ് ഡയറക്ടറേറ്റ് ഓണ്‍ലൈനിലേക്ക് ചുവടുമാറുമ്പോള്‍ ജനങ്ങള്‍ക്കും ജീവനക്കാര്‍ക്കും ഒരുപോലെ സഹായകമാകുമെന്നും മന്ത്രി അഭിപ്രായപ്പെട്ടു.

ജില്ലാ മെഡികല്‍ ഓഫിസുകളില്‍ ഇ ഓഫിസ് സജ്ജമാക്കി വരുന്നു. ഘട്ടം ഘട്ടമായി ആരോഗ്യ വകുപ്പിനെ പൂര്‍ണമായും ഇ ഓഫിസ് സംവിധാനത്തില്‍ കൊണ്ടുവരും. ജൂലൈ ആദ്യം മുതല്‍ ട്രയല്‍ റണ്‍ നടത്തിയാണ് ഇ ഓഫിസ് യാഥാര്‍ഥ്യമാക്കിയതെന്നും മന്ത്രി പറഞ്ഞു.

1300 ഓളം ഫയലുകള്‍ സ്‌കാന്‍ ചെയ്ത് ഇ ഓഫിസിലേക്ക് മാറ്റിയിട്ടുണ്ട്. നാല് പഞ്ചിംഗ് മെഷിനുകളാണ് സ്ഥാപിച്ചിട്ടുള്ളത്. ജീവനക്കാരുടെ രെജിസ്ട്രേഷന്‍ ഒരാഴ്ചയായി നടന്നു വരുന്നു. ബയോമെട്രിക് പഞ്ചിംഗിലെ കാലതാമസം ഒഴിവാക്കാന്‍ കെല്‍ട്രോണ്‍ മുഖേന ചിപ് ഐഡി കാര്‍ഡ് നല്‍കുന്നതിനുള്ള നടപടികളും പുരോഗമിക്കുന്നതായും മന്ത്രി വ്യക്തമാക്കി.

ആരോഗ്യ വകുപ്പ് പ്രിന്‍സിപല്‍ സെക്രടറി ടിങ്കു ബിസ്വാള്‍, ആരോഗ്യ വകുപ്പ് ഡയറക്ടര്‍ ഡോ. പി പി പ്രീത, അഡിഷനല്‍ ഡയറക്ടര്‍മാരായ ഡോ. കെ ജെ റീന, ഡോ. കെ എസ് ഷിനു, ഡോ. സി കെ ജഗദീശന്‍, ഡോ. ബിപിന്‍ ഗോപാല്‍, ഐ ടി നോഡല്‍ ഓഫിസര്‍ ഡോ. എം ജെ അജന്‍ എന്നിവര്‍ സംസാരിച്ചു.


Keywords:  Minister Veena George said that e-office system will speed up the services, Thiruvananthapuram, News, Health, Health and Fitness, Health Minister, Kerala.