ശാരീരികാസ്വാസ്ഥ്യത്തെ തുടര്‍ന്ന് മന്ത്രി കെ കൃഷ്ണന്‍കുട്ടിയെ ആശുപത്രിയില്‍ പ്രവേശിപ്പിച്ചു
Dec 3, 2021, 11:45 IST
ADVERTISEMENT
തിരുവനന്തപുരം: (www.kvartha.com 03.12.2021) ശാരീരികാസ്വാസ്ഥ്യത്തെ തുടര്‍ന്ന് വൈദ്യുതി വകുപ്പ് മന്ത്രി കെ കൃഷ്ണന്‍കുട്ടിയെ ആശുപത്രിയില്‍ പ്രവേശിപ്പിച്ചു. പള്ളത്തെ വൈദ്യുതി വകുപ്പിന്റെ ഗസ്റ്റ് ഹൗസില്‍ വിശ്രമിക്കുന്നതിനിടെ അസ്വസ്ഥത പ്രകടിപ്പിച്ച മന്ത്രിയെ വെള്ളിയാഴ്ച രാവിലെ ഒന്‍പതരയോടെയാണ് ആശുപത്രിയില്‍ പ്രവേശിപ്പിച്ചത്.
ശരീരത്തില്‍ ഷുഗറിന്റെ അളവ് കുറഞ്ഞതിനെ തുടര്‍ന്നാണ് ദേഹാസ്വാസ്ഥ്യം ഉണ്ടായത്. നിലവില്‍ കോട്ടയം മെഡികല്‍ കോളജ് ആശുപത്രിയില്‍ ചികിത്സയിലുള്ള അദ്ദേഹത്തിന്റെ ആരോഗ്യനില തൃപ്തികരമാണെന്ന് ആശുപത്രി അധികൃതര്‍ അറിയിച്ചു. കെ എസ് ഇ ബി വര്‍കേഴ്‌സ് അസോസിയേഷന്‍ സി ഐ ടി യു സംസ്ഥാന സമ്മേളനത്തില്‍ പങ്കെടുക്കാന്‍ വ്യാഴാഴ്ച വൈകിട്ടാണ് അദ്ദേഹം കോട്ടയത്ത് എത്തിയത്.
ആശുപത്രിയില്‍ കഴിയുന്ന മന്ത്രിയെ സഹകരണ വകുപ്പ് മന്ത്രി വിഎന്‍ വാസവന്‍ സന്ദര്‍ശിച്ചു.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
