ആശങ്കയുയര്‍ത്തി സംസ്ഥാനത്ത് വീണ്ടും സിക വൈറസ്; രോഗം സ്ഥിരീകരിച്ചത് ബെംഗ്‌ളൂറില്‍ നിന്നെത്തിയ സ്ത്രീയില്‍
Nov 26, 2021, 10:32 IST
ADVERTISEMENT
കോഴിക്കോട്: (www.kvartha.com 26.11.2021) ആശങ്കയുയര്‍ത്തി സംസ്ഥാനത്ത് വീണ്ടും സിക വൈറസ്. ബെംഗ്‌ളൂറില്‍ സ്ഥിരതാമസമാക്കിയ ജില്ലയിലെ സ്ത്രീക്കാണ് സിക വൈറസ് ബാധ സ്ഥിരീകരിച്ചത്. രോഗവിമുക്തയായ സ്ത്രീ ഇപ്പോള്‍ വീട്ടില്‍ വിശ്രമത്തില്‍ കഴിയുകയാണ്. മറ്റ് ആരോഗ്യ പ്രശ്‌നങ്ങളൊന്നുമില്ല.
ഈ മാസം 17 നാണ് യുവതി നാട്ടിലെത്തിയത്. വയറുവേദന ഉള്‍പെടെയുള്ള അസ്വസ്ഥതകള്‍ അനുഭവപ്പെട്ടപ്പോള്‍ കോഴിക്കോട്ടെ സ്വകാര്യ ആശുപത്രിയില്‍ ചികില്‍സ തേടുകയായിരുന്നു. അവിടെ നടത്തിയ പ്രാഥമിക പരിശോധനയിലും പുനെ വൈറോളജി ഇൻസ്റ്റിറ്റ്യൂടിലെ പരിശോധനയിലും സിക സ്ഥിരീകരിക്കുകയായിരുന്നു. ഒരു മണിക്കൂര്‍ മാത്രമാണ് ഇവര്‍ ആശുപത്രിയില്‍ തങ്ങിയത്. രോഗവിവരം അറിഞ്ഞതിന് പിന്നാലെ ഇവിടം അണുമുക്തമാക്കി. ഇവരുമായി ഇടപഴകിയ ആര്‍ക്കും രോഗലക്ഷണങ്ങളില്ല.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
