Infant Died | കരുനാഗപ്പള്ളിയില് വഴിയില് ഉപേക്ഷിച്ച നിലയില് കണ്ടെത്തിയ നവജാതശിശു മരിച്ചു
Jul 22, 2022, 17:04 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
കൊല്ലം: (www.kvartha.com) കരുനാഗപ്പള്ളിയില് ഉപേക്ഷിച്ച നിലയില് കണ്ടെത്തിയ നവജാതശിശു മരിച്ചു. കഴിഞ്ഞമാസം 24ന് പുലര്ചെയാണ് കുഞ്ഞിനെ ഉപേക്ഷിച്ച നിലയില് കണ്ടെത്തിയത്. തുടര്ന്ന് ശിശുക്ഷേമ സമിതിയുടെ ശിശു പരിപാലന കേന്ദ്രത്തിലായിരുന്ന കുഞ്ഞിന് പുലര്ചെയോടെ അസ്വസ്ഥത അനുഭവപ്പെടുകയായിരുന്നു. ഉടന് തന്നെ കൊല്ലത്തുള്ള ഒരു ആശുപത്രിയില് പ്രവേശിപ്പിച്ചെങ്കിലും ഉച്ചയോടെ മരണപ്പെടുകയായിരുന്നു.
തറയില്മുക്കിലെ ഒരു വീടിന് സമീപത്തെ കുറ്റിക്കാട്ടിലാണ് കുഞ്ഞിനെ കഴിഞ്ഞ മാസം ഉപേക്ഷിച്ച നിലയില് കണ്ടെത്തിയത്. കരച്ചില് കേട്ട് പ്രദേശവാസിയായ രാജി നടത്തിയ തെരച്ചിലാണ് വീടിന്റെ പിന്നിലെ കുറ്റിക്കാട്ടില് മുണ്ടില് പൊതിഞ്ഞ നിലയില് കുഞ്ഞിനെ കണ്ടെത്തിയത്.
നാട്ടുകാര് അറിയിച്ചതനുസരിച്ച് പൊലീസെത്തി ഒരു ദിവസം മാത്രം പ്രായമുള്ള പെണ്കുഞ്ഞിനെ കരുനാഗപ്പള്ളി താലൂക് ആശുപത്രിയിലേക്ക് മാറ്റി. പിന്നീട് ശിശുക്ഷേമ സമിതിയുടെ ശിശു പരിപാലന കേന്ദ്രത്തിലേക്കും മാറ്റി. ഉപേക്ഷിച്ചവരെ കണ്ടെത്താന് കരുനാഗപ്പള്ളി പൊലീസ് അന്വേഷണം നടത്തുന്നതിനിടെയാണ് കുഞ്ഞിന്റെ മരണം.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
