'കോവിഡ് പട്ടികയില് ഏഴായിരത്തോളം മരണങ്ങള് കൂടി ചേര്ക്കും'; എല്ലാവര്ക്കും സഹായം ഉറപ്പാക്കുമെന്നും ആരോഗ്യമന്ത്രി മന്ത്രി
Oct 8, 2021, 21:28 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
തിരുവനന്തപുരം: (www.kvartha.com 08.10.2021) സംസ്ഥാനത്തെ കോവിഡ് മരണപ്പട്ടികയില് ഏഴായിരത്തോളം മരണങ്ങള് കൂടി ചേര്ക്കുമെന്ന് ആരോഗ്യമന്ത്രി വീണാ ജോര്ജ്. ജൂണ് മാസത്തിലാണു മരണം ഓണ്ലൈനായി ആശുപത്രികള് നേരിട്ട് അപ്ലോഡ് ചെയ്യാന് തുടങ്ങിയത്. അതിന് മുന്പു രേഖകള് ഇല്ലാതെയും മറ്റും ഔദ്യോഗിക മരണപ്പട്ടികയില് ചേര്ക്കപ്പെടാതെ പോയ മരണങ്ങളാണ് ഇനി ഉള്പെടുത്തുന്നത്. ഇതുസംബന്ധിച്ച് പരാതികളുണ്ടെങ്കില് പരിശോധിക്കുമെന്നും മന്ത്രി അറിയിച്ചു.
കേന്ദ്ര സര്കാരിന്റെ പുതുക്കിയ മാനദണ്ഡങ്ങളനുസരിച്ച് കോവിഡ് മൂലമെന്ന് കണക്കാക്കപ്പെടേണ്ട മരണങ്ങള് സംബന്ധിച്ച അപേക്ഷകള് ഒക്ടോബര് 10 മുതല് സമര്പിക്കാം. ആരോഗ്യവകുപ്പ് തയാറാക്കിയ പോര്ടെലിലൂടെയും നേരിട്ട് പി എച് സികള് വഴിയും അപേക്ഷിക്കാം. സുപ്രീം കോടതി വിധിയുടെ അടിസ്ഥാനത്തില് കേന്ദ്രം പുറത്തിറക്കിയ മാര്ഗനിര്ദേശങ്ങളുടെ അടിസ്ഥാനത്തില് സംസ്ഥാന സര്കാര്, കോവിഡ് മൂലം മരിച്ചവരുടെ ബന്ധുക്കള്ക്ക് ധനസഹായം ലഭ്യമാക്കുന്നതിന് എല്ലാ നടപടികളും സ്വീകരിച്ചിട്ടുണ്ടെന്നും മന്ത്രി അറിയിച്ചു.
കോവിഡ് ബാധിച്ച് 30 ദിവസത്തിനകം മരിച്ചവരെയെല്ലാം പട്ടികയില് ഉള്പെടുത്തും. ലിസ്റ്റില് ഉള്പെടാത്തവര്ക്ക് ഓണ്ലൈനായും നേരിട്ടും അപേക്ഷ നല്കാം. അപേക്ഷ ലഭിച്ച് 30 ദിവസത്തിനുള്ളില് പരിഹാരം കാണും. സമയബന്ധിതമായും സുതാര്യമായും പരാതികള് തീര്പാക്കുമെന്നും മന്ത്രി പറഞ്ഞു.
സിറോ പ്രിവലന്സ് സര്വേയുടെ സമഗ്രമായ റിപോര്ട് ഉടന് തയാറാകും. കോവിഡ് പ്രതിരോധ പ്രവര്ത്തനങ്ങളില് കൂടുതല് കര്മപദ്ധതികള് ആവിഷ്കരിക്കുന്നതിനാണു പഠനം നടത്തിയതെന്നും മന്ത്രി വ്യക്തമാക്കി.
Keywords: Kerala to add 7,000 more Covid deaths to official list amid charges of undercounting, Thiruvananthapuram, News, Health, Health and Fitness, Health Minister, COVID-
19, Dead, Kerala.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
