സംസ്ഥാനത്ത് ഒകിമ്രോണ് സമൂഹവ്യാപനം ഇല്ല, ജനുവരി 10 മുതല് ബൂസ്റ്റെര് ഡോസ്: ആരോഗ്യമന്ത്രി
Jan 2, 2022, 15:19 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
പത്തനംതിട്ട: (www.kvartha.com 02.01.2022) കേരളത്തില് മുതിര്ന്നവര്ക്കുള്ള കോവിഡ് വാക്സീന് ബൂസ്റ്റെര് ഡോസ് വിതരണം ജനുവരി 10 മുതല് തന്നെ ആരംഭിക്കുമെന്ന് ആരോഗ്യമന്ത്രി വീണാ ജോര്ജ്. സംസ്ഥാനത്ത് ഇതുവരെ ഒമിക്രോണിന്റെ സമൂഹ വ്യാപനം നടന്നിട്ടില്ലെന്നും ആരോഗ്യമന്ത്രി വ്യക്തമാക്കി.
ഒമിക്രോണ് വ്യാപനം തടയുന്നതിന് സാധ്യമായ എല്ലാ നടപടികളും ആരോഗ്യവകുപ്പ് സ്വീകരിച്ചിട്ടുണ്ട്. രോഗവ്യാപനം തടയുന്നതിന് എല്ലാവരുടെ ഭാഗത്തുനിന്നും പ്രത്യേകശ്രദ്ധ ഉണ്ടാകണമെന്നും ആരോഗ്യമന്ത്രി ആവശ്യപ്പെട്ടു.
കൗമാരക്കാരായ 15, 16, 17 വയസ് പ്രായമായ കുട്ടികള്ക്ക് വാക്സീന് നല്കുന്നതിനുള്ള നടപടികള് അടുത്ത ദിവസം മുതല് ആരംഭിക്കുമെന്നും മന്ത്രി അറിയിച്ചു.
15 മുതല് 18 വരെ പ്രായമുള്ളവര്ക്കായി പ്രത്യേക വാക്സീനേഷന് കര്മപദ്ധതി തയ്യാറാക്കിയാണ് ആരോഗ്യവകുപ്പ് മുന്നോട്ട് പോകുന്നത്. കൊവിന് പോര്ടെല് വഴി ശനിയാഴ്ച വൈകിട്ട് മൂന്ന് മണി മുതല് രെജിസ്ട്രേഷന് ആരംഭിച്ചു.
സംസ്ഥാനത്താകെ 15 ലക്ഷം കൗമാരക്കാര്ക്കാണ് വാക്സീന് നല്കേണ്ടത്. ഇതിനായി അഞ്ച് ലക്ഷം ഡോസ് കൊവാക്സീന് സംസ്ഥാനത്ത് എത്തിക്കും. രെജിസ്ട്രേഷന് നടത്താത്തവര്ക്ക് വാക്സീനേഷന് കേന്ദ്രങ്ങളിലും സ്പോട് രെജിസ്ട്രേഷന് ഉണ്ടാകും. വിദ്യാഭ്യാസ സ്ഥാപനങ്ങളുടെ സഹായത്തോടെ നേരിട്ടെത്തിയും വിദ്യാര്ഥികള്ക്ക് വാക്സിനെടുക്കാം. കൗമാരക്കാരുടെ വാക്സീനേഷന് കേന്ദ്രം പെട്ടെന്ന് തിരിച്ചറിയാന് കവാടത്തില് പിങ്ക് ബോര്ഡ് പ്രദര്ശിപ്പിക്കും. മുതിര്ന്നവര് നീല ബോര്ഡ് വച്ചിരിക്കുന്ന സ്ഥലത്ത് നിന്നാണ് വാക്സീനെടുക്കേണ്ടത്.
കൗമാരക്കാര്ക്കുള്ള വാക്സീന് രെജിസ്ട്രേഷന് നടപടികള് പൂര്ത്തിയാക്കാന് മാതാപിതാക്കള്ക്ക് സാധിക്കുന്നില്ലെങ്കില് വിദ്യാഭ്യാസ വകുപ്പ് അതിനുള്ള സൗകര്യങ്ങള് ഒരുക്കും. ഇത് സംബന്ധിച്ച് വകുപ്പുതലത്തില് ഉദ്യോഗസ്ഥര് ചര്ചകള് നടത്തിയിരുന്നുവെന്നും രെജിസ്ട്രേഷനില് ഉള്പെടാത്ത കുട്ടികളുടെ വിവരങ്ങള് ആരോഗ്യവകുപ്പ് വിദ്യാഭ്യാസ വകുപ്പിനോട് തേടിയിട്ടുണ്ടെന്നും ആരോഗ്യമന്ത്രി അറിയിച്ചു.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
