കൊവിഡോയിൽ കുടുങ്ങാതിരിക്കാൻ മാധ്യമ പ്രവർത്തകർക്ക് പണി വീട്ടിൽ തന്നെ

കണ്ണൂർ: (www.kvartha.com 21.03.2020) കൊവിഡോ 19 സമൂഹ വ്യാപനം തടയുന്നതിനായി മാധ്യമ മേഖലയിലും നിയന്ത്രണങ്ങളും പരിഷ്കാരങ്ങളും ഏർപ്പെടുത്തി. അച്ചടി മാധ്യമ രംഗത്താണ് മാനേജ് മെന്റുകള്‍ കടുത്ത നടപടി സ്വീകരിച്ചു തുടങ്ങിയത്. ഇതു പ്രകാരം പൊതുഗതാഗതം വഴി ഓഫീ

സിലെത്തുന്നവരോട് സ്വന്തം വാഹനങ്ങളിൽ വരാനും അതിനു കഴിയുന്നില്ലെങ്കിൽ വീട്ടിലിരുന്ന് ഫോൺ, ഇന്റർനെറ്റ് സംവിധാനമുപയോഗിച്ച് ചെയ്യുവാനാണ് നിർദ്ദേശിച്ചിട്ടുള്ളത്.


പനിയോ ചുമയോ മറ്റുമുള്ളവരെ നിർബന്ധിത അവധിയെടുപ്പിക്കുന്നുണ്ട്. തുടക്കത്തിൽ ചെറുകിട പത്രങ്ങളിലെ എഡിറ്റോറിയൽ ജീവനക്കാർക്കാണ് തൊഴിൽ നിയന്ത്രണം ഏർപ്പെടുത്തുന്നത്. പിന്നീടത് വൻകിട പത്രങ്ങളിലേക്കും മാറുമെന്നാണ് സൂചന. ഇതു പ്രകാരം വിരലിൽ എണ്ണാവുന്ന എഡിറ്റോറിയൽ സ്റ്റാഫ് മാത്രമേ ഇനി ഓഫീസിലുണ്ടാവുകയുള്ളു.

ലോക്കൽ പേജുകൾ ചെയ്യാൻ പ്രാദേശിക ബ്യൂറോകളെയും ഉപയോഗപ്പെടുത്താനാണ് തീരുമാനം. ഇതു പ്രകാരം എഡിറ്റോറിയൽ ജീവനക്കാർക്ക് വീടിനടുത്തുള്ള ബ്യൂറോകളിൽ പോയി പേജ് ഡിസൈൻ ചെയ്യാം. ഇതിനായി കംപ്യൂട്ടർ സംവിധാനം പ്രത്യേകമായി ഏർപ്പെടുത്തിയിട്ടുണ്ട്.

ചെറുകിട പത്രങ്ങളെ സംബന്ധിച്ച് കൊവിഡോ 19 കടുത്ത പ്രതിസന്ധിയാണ് സുഷ്ടിക്കുന്നത്. പ്രളയത്തിനു ശേഷം നട്ടെല്ലു തകർന്ന സംസ്ഥാനത്ത് സാമ്പത്തിക മാന്ദ്യം കൂടി ഇരച്ചെത്തിയതോടെ പലതിനും പിടിച്ചു നിൽക്കാൻ കഴിയാത്ത അവസ്ഥയിലായിരുന്നു. എഡിഷനുകൾ ഒന്നാക്കിയും ജീവനക്കാരെ പിരിച്ചുവിട്ടും വി ആർ എസ് പ്രഖ്യാപിച്ചുമാണ് പലതും പിടിച്ചു നിൽക്കുന്നത്.