കാൻസർ പ്രതിരോധ ചികിത്സാ രംഗത്തെ അനുഭവങ്ങൾ പങ്കുവെച്ച് ഡോ ടി ആർ ദീപ്തി രചിച്ച 'ജീവന്റെ മണമുള്ള ജീവിതങ്ങൾ' പുസ്തകം പ്രകാശനം ചെയ്തു

കണ്ണൂർ: (KVARTHA) ഡോ. ടി.ആർ. ദീപ്തി എഴുതിയ 'ജീവന്റെ മണമുള്ള ജീവിതങ്ങൾ' എന്ന പുസ്തകം പ്രകാശനം ചെയ്തു. കാൻസർ പ്രതിരോധ ചികിത്സാ രംഗത്തെ അനുഭവങ്ങളാണ് പുസ്തകത്തിൽ പ്രതിപാദിക്കുന്നത്.

കണ്ണൂർ താവക്കര റോയൽ ഒമാർസിൽ നടന്ന ചടങ്ങിൽ പ്രശസ്ത കാൻസർ ചികിത്സാ വിദഗ്ദ്ധനായ ഡോ. വി.പി. ഗംഗാധരനാണ് പുസ്തകപ്രകാശനം നിർവഹിച്ചത്. കണ്ണൂർ ജില്ലാ മെഡിക്കൽ ഓഫീസർ ഡോ. പീയുഷ് എം. നമ്പൂതിരി ചടങ്ങ് ഉദ്ഘാടനം ചെയ്തു. ഡോ. വി. ജയദേവൻ പുസ്തകം ഏറ്റുവാങ്ങി.

ചടങ്ങിൽ ഡോ. കെ.പി. അബ്ദുല്ല അധ്യക്ഷനായിരുന്നു. വിദ്യ വിജയൻ പുസ്തകം പരിചയപ്പെടുത്തി. സമീർ ധർമ്മടം, റെനീഷ് മാത്യു, ഷഹ്ന സുജിത്, എ.ജി. ഷിൻസ് എന്നിവർ സംസാരിച്ചു. ഡോ. കാവ്യ മഹീശൻ സ്വാഗതവും ഡോ. ടി.ആർ. ദീപ്തി നന്ദിയും പറഞ്ഞു.

ആരോഗ്യ മേഖലയിലെ ഇത്തരം രചനകളെക്കുറിച്ച് നിങ്ങളുടെ അഭിപ്രായം എന്താണ്? ഈ വാർത്തയെക്കുറിച്ച് കമൻ്റ് ചെയ്യൂ.

Article Summary: Dr. T.R. Deepthi's book on cancer experiences released.

#Kannur #BookRelease #CancerAwareness #DrDeepthi #VPGangadharan #KeralaNews