Washing Machine | നിങ്ങൾ വാഷിംഗ് മെഷീൻ വൃത്തിയാക്കാറുണ്ടോ? ഇല്ലെങ്കിൽ ഇക്കാര്യങ്ങൾ അറിഞ്ഞിരിക്കുക!

ന്യൂഡെൽഹി: (www.kvartha.com) വസ്ത്രങ്ങൾ വൃത്തിയാക്കാൻ നമ്മളിൽ ഭൂരിഭാഗവും വാഷിംഗ് മെഷീനുകൾ ഉപയോഗിക്കുന്നു. അതേ സമയം, വസ്ത്രങ്ങളിലെ അഴുക്ക് വൃത്തിയാക്കുന്നതിനൊപ്പം, വാഷിംഗ് മെഷീൻ ഉള്ളിൽ നിന്ന് വൃത്തിയാക്കേണ്ടതും ആവശ്യമാണ്. നിങ്ങളുടെ വാഷിംഗ് മെഷീൻ നന്നായി പരിപാലിക്കുന്നില്ലെങ്കിൽ ഉടൻ കേടായേക്കാം.
                     

രോഗാണുക്കളും ബാക്ടീരിയകളും

ഇതുകൂടാതെ, വാഷിംഗ് മെഷീൻ ദീർഘനേരം വൃത്തിയായി സൂക്ഷിച്ചില്ലെങ്കിൽ, പലതരം രോഗാണുക്കളും ബാക്ടീരിയകളും പൂപ്പലും അതിൽ അടിഞ്ഞുകൂടും. അത്തരമൊരു സാഹചര്യത്തിൽ, വാഷിംഗ് മെഷീൻ പതിവായി വൃത്തിയാക്കേണ്ടത് ആവശ്യമാണ്. നിങ്ങളുടെ വാഷിംഗ് മെഷീൻ പല തരത്തിൽ വൃത്തിയാക്കാം.

വലിയ ചിലവില്ലാതെ ഇങ്ങനെ വൃത്തിയാക്കാം

ആദ്യം വാഷിംഗ് മെഷീൻ ഓണാക്കി ചൂടുവെള്ളം ഒഴിക്കണം. ഇതിനുശേഷം നിങ്ങൾ വാഷർ പ്രവർത്തിപ്പിക്കുകയും അതിൽ ഒരു കപ് വിനാഗിരി ചേർക്കുകയും വേണം. വേണമെങ്കിൽ നിങ്ങൾക്ക് അതിൽ ഒരു കപ് ബേകിംഗ് സോഡയും ചേർക്കാം. ശേഷം, നിങ്ങൾ മെഷീൻ ഓഫ് ചെയ്യുകയും വാഷിംഗ് മെഷീൻ അഞ്ച് മിനിറ്റ് പ്രവർത്തിപ്പിക്കുകയും വേണം. ഇതിനുശേഷം ഒരു മണിക്കൂറോളം വാഷിംഗ് മെഷീൻ ഓഫ് ചെയ്യണം.

വിനാഗിരി, ബേകിംഗ് സോഡ എന്നിവ മെഷീനുകൾക്കുള്ളിലെ അണുക്കൾ, ബാക്ടീരിയകൾ, പൂപ്പൽ എന്നിവയെ നശിപ്പിക്കും. ഒരു ക്ലീനറിന്റെ സഹായത്തോടെ വാഷിംഗ് മെഷീന്റെ പുറംഭാഗവും വൃത്തിയാക്കാൻ കഴിയും. ഓരോ മൂന്നു മാസത്തിലും നിങ്ങളുടെ വാഷിംഗ് മെഷീൻ വൃത്തിയാക്കിക്കൊണ്ടിരിക്കണം. അങ്ങനെ ചെയ്യുന്നത് മൂലം വാഷിംഗ് മെഷീൻ പുതിയത് പോലെ തിളങ്ങും.


< !- START disable copy paste -->