Liver Health | കരളിന്റെ ആരോഗ്യം ഉറപ്പാക്കാം; ഇക്കാര്യങ്ങൾ ചെയ്യൂ
Aug 27, 2022, 18:56 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ന്യൂഡെൽഹി: (www.kvartha.com) കരൾ ശരീരത്തിന്റെ ശക്തികേന്ദ്രമാണ്. പ്രോടീനുകൾ, കൊളസ്ട്രോൾ, പിത്തരസം എന്നിവ ഉത്പാദിപ്പിക്കുന്നത് മുതൽ വിറ്റാമിനുകളും ധാതുക്കളും കാർബോഹൈഡ്രേറ്റുകളും സംഭരിക്കുന്നത് വരെയുള്ള ശരീരത്തിലെ വിവിധ അവശ്യ പ്രവർത്തനങ്ങൾ ഇത് ചെയ്യുന്നു. നിങ്ങളുടെ കരൾ നല്ല നിലയിൽ നിലനിർത്തേണ്ടത് പ്രധാനമാണ്.
കരളിനോട് എങ്ങനെ കരുണ കാണിക്കാം?
മദ്യം കുറയ്ക്കുക
പുരുഷന്മാർ ഒരു ദിവസം വെറും നാല് ഔൺസ് (സ്ത്രീകൾക്ക് രണ്ട്) മദ്യം കഴിച്ചാൽ തന്നെ കരളിനെ മുറിവേൽപ്പിക്കാൻ തുടങ്ങും. കൂടാതെ അമിത മദ്യപാനം കരളിനെ പൂർണമായും നശിപ്പിക്കും.
മരുന്നുകൾ ശ്രദ്ധിക്കുക
മരുന്നുകളിലും മറ്റും കരൾ സ്വീകരിക്കാത്ത രാസവസ്തുക്കൾ അടങ്ങിയിരിക്കാം, ഇത് കരളിൽ വിഷാംശം ഉണ്ടാക്കും. നിങ്ങൾ ഉപയോഗിക്കുന്ന മരുന്നുകളിലെ മുന്നറിയിപ്പ് ലേബലുകൾ വായിക്കുന്നത് നല്ലതാണ്, അവ കരൾ തകരാറിലാകാൻ സാധ്യതയുണ്ടോ എന്നറിയുക.
പതിവായി വ്യായാമം ചെയ്യുക
കരളിനെ തകരാറിലാക്കുന്ന ഒരു സാധാരണ അവസ്ഥയാണ് ഫാറ്റി ലിവർ, ആരോഗ്യകരമായ ഭാരവും ബിഎംഐയും നിലനിർത്തുന്നതിലൂടെ ഇത് നിയന്ത്രിക്കാനാകും. അതിനായി പതിവായി വ്യായാമം ചെയ്യുക.
കരളിന്റെ ആരോഗ്യം നിലനിർത്താൻ കഴിക്കേണ്ട ചില ഭക്ഷണങ്ങൾ
കാപ്പി
കാപ്പി കരളിലെ ആന്റിഓക്സിഡന്റ് അളവ് വർധിപ്പിക്കുകയും വീക്കം കുറയ്ക്കുകയും ചെയ്യുന്നു. കരൾ രോഗം, കാൻസർ, ഫാറ്റി ലിവർ എന്നിവ ഉണ്ടാകാനുള്ള സാധ്യത കുറയ്ക്കാനും ഇത് സഹായിക്കുന്നു.
ചായ
ആന്റി ഓക്സിഡന്റുകളാൽ നിറഞ്ഞിരിക്കുന്നതിനാൽ കരളിന്റെ ആരോഗ്യം വർധിപ്പിക്കാൻ ഒരു കപ് ചായ സഹായിക്കും. ബ്ലാക് ആൻഡ് ഗ്രീൻ ടീ കരളിലെ എൻസൈമുകളുടെയും കൊഴുപ്പിന്റെയും അളവ് മെച്ചപ്പെടുത്തും.
ഓട്സ്
ഓട്സ് ആരോഗ്യകരമായ ഭക്ഷണമാണ്. നാരുകളാൽ സമ്പന്നമായതിനാൽ ഇവ കരളിന് നല്ലതാണ്. ധാന്യങ്ങൾ, ബീൻസ് തുടങ്ങിയ ഉയർന്ന ഫൈബർ ഭക്ഷണങ്ങളും കരളിന് ഒരുപോലെ ഗുണം ചെയ്യും.
പഴം
പഴങ്ങൾ കഴിക്കുന്നത് സമീകൃതാഹാരത്തിന്റെ പ്രധാന ഘടകമാണ്. പഴങ്ങൾ കഴിക്കുന്നതിന്റെ നിരവധി ആരോഗ്യ ഗുണങ്ങളിൽ ഒന്ന്, ഇത് നിങ്ങളുടെ കരളിനെ ആരോഗ്യകരമായി നിലനിർത്തുന്നു എന്നതാണ്. വിറ്റാമിൻ സിയുടെ സാന്നിധ്യം മൂലം കരളിൽ കൊഴുപ്പ് അടിഞ്ഞുകൂടുന്നത് തടയാൻ ഓറൻജ്, മുന്തിരി തുടങ്ങിയ സിട്രസ് പഴങ്ങൾ സഹായിക്കും.
പച്ചക്കറികൾ
പച്ചക്കറികൾ നിങ്ങളുടെ പ്രതിരോധശേഷി വർധിപ്പിക്കുന്നു. ബ്രോകോളി, കോളിഫ്ളവർ, ചീര മുതലായ ക്രൂസിഫറസ് (cruciferous) പച്ചക്കറികൾ വിട്ടുമാറാത്ത രോഗങ്ങൾ തടയുന്നതിനും മാനസികാരോഗ്യം വർധിപ്പിക്കുന്നതിനും കരളിന്റെ ആരോഗ്യത്തിനും ഒരുപോലെ ആരോഗ്യകരവുമാണ്.
ഒലിവ് ഓയിൽ
ഒലീവ് ഓയിൽ കഴിക്കുന്നത് കരളിലെ കൊഴുപ്പിന്റെ അളവ് കുറയ്ക്കുന്നതിനും രക്തയോട്ടം വർധിപ്പിക്കുന്നതിനും കരൾ എൻസൈമിന്റെ അളവ് മെച്ചപ്പെടുത്തുന്നതിനും സഹായിക്കുന്നു.
അണ്ടിപ്പരിപ്പ്
അണ്ടിപ്പരിപ്പ് കൊഴുപ്പിന്റെ ആരോഗ്യകരമായ ഉറവിടമാണ്, കരളിനെ ആരോഗ്യകരമായി നിലനിർത്താൻ സഹായിക്കും, അവയിൽ വൈറ്റമിൻ ഇ ധാരാളമായി അടങ്ങിയിരിക്കുന്നതിനാൽ കരൾ രോഗത്തിനുള്ള സാധ്യത കുറയ്ക്കും.
Keywords: New Delhi, India, News, Top-Headlines, Latest-News, Health, Health & Fitness, Food, Liquor, Here's How You Take Care of Liver.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
