രണ്ടുഡോസ് വാക്സിന് സ്വീകരിച്ചവര്ക്ക് ആര് ടി പി സി ആര്, റാപിഡ് ആന്റിജന് ടെസ്റ്റ് നിര്ബന്ധമാക്കരുത്; കേന്ദ്രസര്കാരിന്റെ പുതിയ മാര്ഗനിര്ദേശം പുറത്തിറക്കി
Aug 27, 2021, 14:09 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ന്യൂഡെല്ഹി: (www.kvartha.com 27.08.2021) ആഭ്യന്തരയാത്രകള്ക്കുളള കോവിഡ് മാര്ഗനിര്ദേശങ്ങളില് അയവ് വരുത്തി കേന്ദ്ര സര്കാര്. രണ്ടുഡോസ് വാക്സിന് സ്വീകരിച്ച് പതിനഞ്ചുദിവസം കഴിഞ്ഞ രോഗലക്ഷങ്ങളില്ലാത്തവര്ക്ക് ആഭ്യന്തരയാത്ര നടത്തുന്നതിന് ആര് ടി പി സി ആര്, റാപിഡ് ആന്റിജന് ടെസ്റ്റ് എന്നിവ നിര്ബന്ധമാക്കരുതെന്നാണ് കേന്ദ്ര സര്കാര് പുറത്തിറക്കിയിരിക്കുന്ന പുതിയ മാര്ഗ നിര്ദേശത്തില് പറയുന്നത്.
രാജ്യത്ത് ഏറ്റവും കൂടുതല് കോവിഡ് കേസുകള് റിപോര്ട് ചെയ്ത കേരളത്തില് നിന്ന് വരുന്ന യാത്രക്കാര്ക്ക് കര്ണാടക, ഗോവ തുടങ്ങിയ സംസ്ഥാനങ്ങള് ആര് ടി പി സി ആര് പരിശോധനാഫലം വേണമെന്ന് ആവശ്യപ്പെട്ടിരുന്നു. എന്നാല് അത്തരമൊരു നിബന്ധന സംസ്ഥാനങ്ങള് മുന്നോട്ടുവെക്കരുത് എന്നാണ് കേന്ദ്രം ആവശ്യപ്പെടുന്നത്. അതേസമയം ഇപ്രകാരം എത്തുന്ന യാത്രക്കാരുടെ ക്വാറന്റൈന് ഉള്പെടെയുളള കാര്യങ്ങളില് സംസ്ഥാനങ്ങള്ക്ക് തീരുമാനമെടുക്കാമെന്നും പുതുക്കിയ മാര്ഗ നിര്ദേശത്തില് കേന്ദ്രസര്കാര് വ്യക്തമാക്കുന്നുണ്ട്.
ആഭ്യന്തര വിമാനയാത്രികര്ക്ക് പിപിഇ കിറ്റ് ആവശ്യമില്ലെന്നുളളതാണ് മാര്ഗ നിര്ദേശത്തിലെ മറ്റൊരു സുപ്രധാന ഇളവ്. നിലവില് മൂന്നുസീറ്റുകളുടെ നിരയില് നടുവില് ഇരിക്കുന്ന യാത്രക്കാരന് പിപിഇ കിറ്റ് ധരിക്കണമെന്ന നിര്ദേശം ഉണ്ടായിരുന്നു. ആഭ്യന്തര യാത്രകള്ക്ക് വിലക്ക് ഏര്പെടുത്തരുതെന്നും സംസ്ഥാനങ്ങളോട് നിര്ദേശിച്ചിട്ടുണ്ട്.
ആഭ്യന്തര യാത്രകള്ക്ക് വിവിധ സംസ്ഥാനങ്ങള് വ്യത്യസ്ത മാനദണ്ഡങ്ങള് നിശ്ചയിച്ചതിനെ തുടര്ന്നാണ് മാര്ഗ നിര്ദേശങ്ങള് ഏകീകരിക്കാന് കേന്ദ്രസര്കാര് തീരുമാനിച്ചത്.
Keywords: Health Ministry's Revised Guidelines Urges States to Exempt Fully Jabbed from Entering Without RT-PCR, New Delhi, News, Health, Health and Fitness, Passengers, Flight, National.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
