Identity card | മെഡികല് കോളജുകളില് ജീവനക്കാര് നിര്ബന്ധമായും ഐഡന്റിറ്റി കാര്ഡ് ധരിക്കണം: പരിശോധന കര്ശനമാക്കും
May 23, 2022, 16:40 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
തിരുവനന്തപുരം: (www.kvartha.com) സംസ്ഥാനത്തെ മെഡികല് കോളജുകളില് ഐഡന്റിറ്റി കാര്ഡ് പരിശോധന കര്ശനമാക്കാനൊരുങ്ങി ആരോഗ്യമന്ത്രി വീണാ ജോര്ജ്. ജീവനക്കാരും മെഡികല്, നഴ്സിംഗ് വിദ്യാര്ഥികളും നിര്ബന്ധമായും ഐഡന്റിറ്റി കാര്ഡ് ധരിച്ചിരിക്കണമെന്ന് മന്ത്രി നിര്ദേശിച്ചു. പൊതുജനങ്ങളും ജീവനക്കാരും ഇതുമായി സഹകരിക്കണമെന്നും മന്ത്രി അഭ്യര്ഥിച്ചു.
സുരക്ഷാ ജീവനക്കാര് ഐഡന്റിറ്റി കാര്ഡ് പരിശോധിച്ച് വ്യാജമല്ലെന്ന് ഉറപ്പ് വരുത്തണം. ഉത്തരവാദപ്പെട്ടവര് ഇത് നിര്ബന്ധമായും നടപ്പിലാക്കണമെന്നും മന്ത്രി കര്ശന നിര്ദേശം നല്കി.
തിരുവനന്തപുരം മെഡികല് കോളജില് വ്യാജ ഡോക്ടറെ പിടികൂടിയ സാഹചര്യത്തിലാണ് മന്ത്രി മെഡികല് വിദ്യാഭ്യാസ ഡയറക്ടര്ക്ക് ഇതുസംബന്ധിച്ച് നിര്ദേശം നല്കിയത്. തിരുവനന്തപുരം മെഡികല് കോളജില് നടന്നത് ഒറ്റപ്പെട്ട സംഭവമാണെങ്കിലും ഇനിയാവര്ത്തിക്കാതിരിക്കാനാണ് മുന്കരുതല്.
ആയിരക്കണക്കിന് ആളുകള് പ്രതിദിനം വന്ന് പോകുന്ന സ്ഥലമാണ് മെഡികല് കോളജുകള്. രോഗികള്ക്കോ ജീവനക്കാര്ക്കോ എന്തെങ്കിലും സംശയം തോന്നുന്നുവെങ്കില് സുരക്ഷാ ജീവനക്കാരെ വിവരം അറിയിക്കേണ്ടതാണെന്നും മന്ത്രി പറഞ്ഞു.
രോഗികളുടെ കൂട്ടിരിപ്പുകാരായി ഒരേ സമയം ഒരാളെ മാത്രമേ അനുവദിക്കുകയുള്ളു. ഡോക്ടറുടെ നിര്ദേശാനുസരണം മാത്രമേ മറ്റൊരാള്ക്കുകൂടി പാസ് അനുവദിക്കുകയുള്ളൂവെന്നും മന്ത്രി വ്യക്തമാക്കി.
Keywords: Health Minister to tighten identity card checks in medical colleges in the state, Thiruvananthapuram, News, Health, Medical College, Health Minister, Warning, Kerala.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
