തിരുന്നാവായയില് വൈരങ്കോട് തീയ്യാട്ടുത്സവത്തിനെത്തിയവര്ക്ക് ഭക്ഷ്യവിഷബാധയെന്ന് സംശയം; വയറിളക്കവും ഛര്ദിയുമായി ആശുപത്രിയില് ചികിത്സ തേടി 200 പേര്, ആശങ്കവേണ്ടെന്ന് ആരോഗ്യവകുപ്പ്
Feb 21, 2022, 19:18 IST
ADVERTISEMENT
മലപ്പുറം: (www.kvartha.com 21.02.2022) മലപ്പുറത്ത് തീയ്യാട്ടുത്സവത്തിനെത്തിയവര്ക്ക് ഭക്ഷ്യവിഷബാധയെന്ന് സംശയം. തിരുന്നാവായയില് വൈരങ്കോട് തീയ്യാട്ടുത്സവത്തിനെത്തിയ 200 പേര് വയറിളക്കവും ഛര്ദിയുമായി ചികിത്സ തേടി. സമീപത്തെ കടകളില് നിന്നും വഴിയോര തട്ടുകടകളില് നിന്നും ഭക്ഷണം കഴിച്ചിരുന്നുവെന്ന് തീയാട്ടുത്സവത്തിനെത്തിയവരില് ശാരീരികഅസ്വസ്ഥത അനുഭവപ്പെട്ട ചിലര് പറഞ്ഞു.
വെള്ളത്തില് നിന്നോ, ഐസില് നിന്നോ ഭക്ഷ്യവിഷബാധയേറ്റതാകാമെന്നാണ് പ്രാഥമിക നിഗമനം. ആരോഗ്യ വകുപ്പ് ഉദ്യോഗസ്ഥര് സ്ഥലം സന്ദര്ശിച്ച് പരിശേധന നടത്തി. ആശങ്കപ്പെടേണ്ട സാഹചര്യമില്ലെന്ന് ആരോഗ്യ വകുപ്പ് അറിയിച്ചു.
പാലക്കാട് ജില്ലയില് നിന്നുള്ളവരും ഉത്സവത്തില് പങ്കെടുത്തതിനാല് ഇവിടെയുണ്ടായ ഭക്ഷ്യവിഷബാധ സംബന്ധിച്ച വിവരങ്ങള് മലപ്പുറം ആരോഗ്യ വകുപ്പ് പാലക്കാട് ഡിഎംഒയെയും അറിയിച്ചിട്ടുണ്ട്.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
