ഇൻസ്റ്റഗ്രാം താരങ്ങൾ പ്രമോട്ട് ചെയ്ത ഫെയർനെസ് ക്രീം ഉപയോഗിച്ചതിലൂടെ വിഷബാധയേറ്റ് 17-കാരിക്ക് വൃക്കരോഗം ബാധിച്ചു; ക്രീമിൽ 1.25 ശതമാനം മെർക്കുറി കണ്ടെത്തി

 
Representational image illustrating laboratory testing of cosmetic fairness cream for toxic mercury contamination

Representational image generated by GPT

ADVERTISEMENT

● നെഫ്രോളജി വിഭാഗം സീനിയർ സ്പെഷ്യലിസ്റ്റ് ഡോ. എസ് ഗൗരി നടത്തിയ അന്വേഷണത്തിലാണ് സൗന്ദര്യവർധക ക്രീമാണ് കാരണമെന്ന് തിരിച്ചറിഞ്ഞത്.
● കേന്ദ്രസർക്കാർ അംഗീകൃത ലബോറട്ടറിയിൽ നടത്തിയ പരിശോധനയിൽ ക്രീമിൽ 1.25 ശതമാനം മെർക്കുറി അടങ്ങിയിട്ടുണ്ടെന്ന് കണ്ടെത്തി.
● ചില ഇൻസ്റ്റഗ്രാം താരങ്ങൾ വ്യാപകമായി പ്രമോട്ട് ചെയ്ത ക്രീം ഒരു വർഷത്തിനിടെ മൂന്നെണ്ണം വാങ്ങി ഉപയോഗിച്ചു.
● ആദ്യം ക്ഷീണവും ഉറക്കമില്ലായ്മയും, പിന്നീട് മുഖത്തും ശരീരത്തും നീരും ഓർമക്കുറവും അനുഭവപ്പെട്ടതോടെയാണ് ചികിത്സ തേടിയത്.

 

മലപ്പുറം: (KVARTHA) മുഖകാന്തി വർധിപ്പിക്കാനുള്ള ക്രീമിലൂടെ മെർക്കുറി വിഷബാധയേറ്റ് 17-കാരിക്ക് വൃക്കരോഗം ബാധിച്ചെന്ന് പരാതി. 17-കാരി നിലവിൽ അരീക്കോട് ആശുപത്രിയിലെ നെഫ്രോളജി വിഭാഗത്തിൻ്റെ ചികിത്സയിലാണെന്നും ആരോഗ്യനില മെച്ചപ്പെടുന്നുവെന്നും ആശുപത്രി അധികൃതർ അറിയിച്ചു.

Aster_MIMS

ശരീരത്തിൽ നീരും അസ്വസ്ഥതകളുമായാണ് 17-കാരിയെ ആശുപത്രിയിൽ എത്തിച്ചത്. വിശദമായ പരിശോധനകളിൽ പെൺകുട്ടിയുടെ രക്തത്തിലും ശരീരത്തിലും മെർക്കുറിയുടെ അളവ് അപകടകരമായ വിധത്തിൽ ഉയർന്നതായി കണ്ടെത്തി. മെർക്കുറി ശരീരത്തിലെത്തിയ ഉറവിടം കണ്ടെത്താൻ നെഫ്രോളജി വിഭാഗം സീനിയർ സ്പെഷ്യലിസ്റ്റ് ഡോ. എസ്. ഗൗരി നടത്തിയ അന്വേഷണത്തിലാണ് പെൺകുട്ടി ഉപയോഗിച്ചിരുന്ന സൗന്ദര്യവർധക ക്രീമാണ് കാരണമെന്ന് തിരിച്ചറിഞ്ഞത്.

തുടർന്ന് പെൺകുട്ടി ഉപയോഗിച്ചിരുന്ന ഫെയർനെസ് ക്രീം കേന്ദ്രസർക്കാർ അംഗീകൃത ലബോറട്ടറിയിൽ പരിശോധനയ്ക്ക് അയച്ചു. ഈ പരിശോധനയിൽ ക്രീമിൽ 1.25 ശതമാനം മെർക്കുറി അടങ്ങിയിട്ടുണ്ടെന്ന് കണ്ടെത്തുകയായിരുന്നു.

ഇൻസ്റ്റഗ്രാം പരസ്യം കണ്ട് വാങ്ങി; നിയമനടപടിക്ക് ഒരുങ്ങി പെൺകുട്ടി

ഇൻസ്റ്റഗ്രാം വീഡിയോ വഴിയാണ് ഫെയർനെസ് ക്രീമിനെക്കുറിച്ച് അറിഞ്ഞതെന്നും, ക്രീം ഉപയോഗിച്ചതിലൂടെ രോഗം ബാധിച്ചതിൽ നിയമനടപടികളുമായി മുന്നോട്ടുപോകുമെന്നും പെൺകുട്ടി വ്യക്തമാക്കി. ഒരു വർഷമായി താൻ ഈ ക്രീം ഉപയോഗിക്കുന്നുണ്ടെന്ന് പെൺകുട്ടി പറഞ്ഞു.

ചില ഇൻസ്റ്റഗ്രാം താരങ്ങൾ വ്യാപകമായി ഈ ക്രീം പ്രമോട്ട് ചെയ്തിരുന്നതായി പെൺകുട്ടി പറയുന്നു. തുടർന്നാണ് ക്രീം വാങ്ങിയത്. ആദ്യം ഉപയോഗിച്ചപ്പോൾ നല്ലതാണെന്ന് തോന്നിയതിനെത്തുടർന്ന് പിന്നീടും വാങ്ങി. ഒരു വർഷത്തിനിടെ മൂന്ന് ക്രീം വാങ്ങി ഉപയോഗിച്ചു. പിന്നീടാണ് ആരോഗ്യപ്രശ്നങ്ങൾ കണ്ടുതുടങ്ങിയത്. ആദ്യം ക്ഷീണം, ഉറക്കമില്ലായ്മ തുടങ്ങിയവ അനുഭവപ്പെട്ടിരുന്നു. പിന്നീട് മുഖത്തും ശരീരത്തും നീരും ഓർമക്കുറവും മറ്റ് ശാരീരിക അവശതകളും നേരിട്ടതായി പെൺകുട്ടി പറഞ്ഞു.

പൊതുജനാരോഗ്യത്തിന് പ്രധാനപ്പെട്ട ഈ വാർത്ത നിങ്ങളുടെ സുഹൃത്തുക്കൾക്കും കുടുംബാംഗങ്ങൾക്കും വാട്സാപ്പ് ഗ്രൂപ്പുകളിലും പങ്കുവെക്കുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം

Article Summary: A 17-year-old girl from Areekode, Malappuram, has developed kidney disease due to mercury poisoning after using a fairness cream promoted by Instagram influencers. Currently recovering under the Nephrology department at Aster MIMS Mother Hospital, Areekode, she was admitted with swelling, fatigue, sleeplessness, and memory loss. 

#Kvartha #MalappuramNews #MercuryPoisoning #FairnessCream #HealthAlertKerala #KidneyDisease #Areekode #MalayalamNews #ConsumerAwareness #AmmuNews

നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം. അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന നിയമനടപടികൾ നേരിടേണ്ടിവന്നേക്കാം.
Sujith Lal
Sujith Lal

104 Articles

Tags

Share this story

wellfitindia