EEG system | അപസ്മാര രോഗ നിര്ണയത്തിന് ആവശ്യമായ ഇഇജി സംവിധാനം കാസര്കോട് പ്രവര്ത്തന സജ്ജമായി; ജില്ലയില് സര്കാര് മേഖലയില് ഇത് ആദ്യം
Dec 15, 2022, 15:40 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
തിരുവനന്തപുരം: (www.kvartha.com) കാസര്കോട് കാഞ്ഞങ്ങാട് ജില്ലാ ആശുപത്രിയില് ഇഇജി (Electroencephalogram) സംവിധാനം പ്രവര്ത്തനസജ്ജമായതായി ആരോഗ്യ വകുപ്പ് മന്ത്രി വീണാ ജോര്ജ്. ജില്ലയില് സര്കാര് മേഖലയില് ഇത് ആദ്യമായാണ് ഇഇജി സേവനം ലഭ്യമാക്കുന്നതെന്നും മന്ത്രി പറഞ്ഞു. നൂറോളജി ചികിത്സയില് ഏറെ സഹായകരമാണ് ഇഇജി.
അപസ്മാര രോഗ നിര്ണയത്തിന് ആവശ്യമായ പരിശോധനയാണ് ഇഇജി. വിവിധ തരത്തിലുള്ള മസ്തിഷ്ക രോഗ ബാധ വിലയിരുത്താന് ഇതിലൂടെ സഹായിക്കുന്നു. എന്ഡോസള്ഫാന് ദുരിത ബാധിതര് ഏറെയുള്ള ജില്ലയിലെ ജനങ്ങള്ക്ക് ഇത് വലിയ ആശ്വാസമാണ്. ജില്ലാ ആശുപത്രിയില് ഒരുക്കിയ ഇഇജി സേവനം എന്ഡോസള്ഫാന് രോഗികള്ക്ക് പൂര്ണമായും സൗജന്യമായി ലഭ്യമാക്കുമെന്നും മന്ത്രി വ്യക്തമാക്കി.
എന്ഡോസള്ഫാന് ദുരിതബാധിതരുള്പ്പെടെയുള്ളവരുടെ ചികിത്സയ്ക്ക് കാസര്കോട് ആദ്യമായി ന്യൂറോളജിസ്റ്റുകളുടെ തസ്തിക സൃഷ്ടിച്ച് അവരുടെ സേവനം ലഭ്യമാക്കി. ഇതു കൂടാതെയാണ് പരിശോധനയ്ക്കായി ഇഇജി സംവിധാനം സജ്ജമാക്കിയത്. കാത് ലാബിന്റെ സേവനവും ജില്ലാ ആശുപത്രിയില് കഴിഞ്ഞദിവസം ലഭ്യമാക്കിയിട്ടുണ്ട്.
Keywords: EEG system is operational in Kasaragod, Thiruvananthapuram, News, Health, Health Minister, Kasaragod, Endosulfan, Kerala.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
