Health Tips | നിങ്ങൾക്ക് നഖം കടിക്കുന്ന ശീലമുണ്ടോ? എങ്കിൽ ഇക്കാര്യം നിർബന്ധമായും അറിഞ്ഞിരിക്കുക

ന്യൂഡെൽഹി: (www.kvartha.com) നഖം കടിക്കുന്നത് പലരുടെയും ശീലമാണ്. നമ്മൾ അസ്വസ്ഥരാകുമ്പോൾ അതിനെതിരെയുള്ള മാനസിക പ്രതിരോധം എന്ന നിലയിലാണ് നഖം കടിക്കാൻ തുടങ്ങുക എന്നാണ് പൊതുവെയുള്ള വിശ്വാസം. എന്നിരുന്നാലും, ചില ആളുകളിൽ ഇത് കാലക്രമേണ ഒരു ശീലമായി മാറുന്നു.
നഖം കടിക്കുന്നത് വളരെ സാധാരണമാണെങ്കിലും, ഈ ശീലത്തിന്റെ പല പാർശ്വഫലങ്ങളെക്കുറിച്ചും ആരോഗ്യ വിദഗ്ധർ മുന്നറിയിപ്പ് നൽകുന്നു.
  
ഡോക്ടർമാരുടെ അഭിപ്രായത്തിൽ, നഖം കടിക്കുന്നത് മോശം ശീലമാണ്, അത് പലപ്പോഴും സമ്മർദത്താലോ ജീവിതത്തിലെ വിരസതയാലോ അല്ലെങ്കിൽ ചിലപ്പോൾ പരിഭ്രാന്തിയുടെ പ്രതികരണമായോ ആരംഭിക്കുന്നു. പ്രായപൂർത്തിയായവരിൽ 30% പേരും കാലക്രമേണ നഖം നക്കുന്ന ശീലം വളർത്തിയെടുക്കുന്നതായി കണക്കാക്കപ്പെടുന്നു.

ഗുരുതരമായ രോഗങ്ങൾക്ക് കാരണമാകാം
ശരീരത്തിൽ ധാരാളം അണുക്കളും ബാക്ടീരിയകളും കാണപ്പെടുന്ന ഭാഗങ്ങളിൽ ഒന്നാണ് നഖങ്ങൾ. ആരെങ്കിലും വായിൽ വിരൽ ഇടുകയോ നഖം കടിക്കുകയോ ചെയ്യുമ്പോൾ ഈ ബാക്ടീരിയകൾ ശരീരത്തിൽ പ്രവേശിക്കാനുള്ള സാധ്യത വർധിക്കുന്നു. ഇത് ആമാശയത്തിലും വായിലും പല തരത്തിലുള്ള അണുബാധകൾക്കും ചില സന്ദർഭങ്ങളിൽ ഗുരുതരമായ രോഗങ്ങൾക്കും കാരണമാകും. നഖം കടിക്കുന്നതുമൂലമുള്ള വയറിലെ അണുബാധ വളരെ സാധാരണമാണ്, പ്രത്യേകിച്ച് കുട്ടികളിൽ.

പല്ലുകൾക്ക് വളരെ ദോഷകരം
നഖം കടിക്കുന്നത് പല്ലിലും മോണയിലും പല വിധത്തിൽ പ്രതികൂല ഫലങ്ങൾ ഉണ്ടാക്കും. ഇത് മോണയിലെ കോശങ്ങൾക്ക് കേടുപാടുകൾ വരുത്തുക, പല്ലുകളിലും നഖങ്ങളിലും ഒളിഞ്ഞിരിക്കുന്ന ബാക്ടീരിയകളുടെ നുഴഞ്ഞുകയറ്റം മൂലം പല്ലിന് കേടുപാട് സംഭവിക്കുക തുടങ്ങിയ പ്രശ്നങ്ങൾക്ക് കാരണമാകും. ഈ ശീലം പല്ലുകൾക്ക് വളരെ ദോഷകരമാണെന്ന് കണക്കാക്കപ്പെടുന്നു.

നഖങ്ങളിൽ പ്രത്യാഘാതങ്ങൾ
നിങ്ങൾക്ക് ദീർഘകാലമായി നഖം കടിക്കുന്ന ശീലമുണ്ടെങ്കിൽ, അത് നഖത്തിനുള്ളിലെ കോശത്തെ നശിപ്പിക്കും. ഈ ശീലം മൂലം പലപ്പോഴും നഖങ്ങളുടെ വളർച നിലയ്ക്കും. ഈ പ്രശ്നം ഒരിക്കൽ സംഭവിച്ചാൽ, അത് പരിഹരിക്കുക അസാധ്യമാണ്.

പല്ലുകൾ വളയുന്നു
ചെറുപ്പത്തിൽ തന്നെ നഖം കടിക്കുന്ന ശീലം ഉപേക്ഷിച്ചില്ലെങ്കിൽ പല്ലുകൾ വളയുകയും ചെയ്യും.
പല്ലുകൊണ്ട് നഖം കടിക്കുമ്പോൾ ഒന്നോ രണ്ടോ പല്ലുകൾ മാത്രമേ ഇതിനായി ഉപയോഗിക്കുന്നുള്ളൂ. ഈ പല്ലുകൾ ഉപയോഗിച്ച് തുടർച്ചയായി കടിക്കുന്നത് കാരണം, പല്ലിന്റെ പിടി അയഞ്ഞ് അവയുടെ ആകൃതി മാറാൻ തുടങ്ങും.

മോണയിൽ വേദന
ചിലപ്പോൾ നഖത്തിന്റെ കഷ്ണങ്ങൾ വായ്ക്കുള്ളിൽ തന്നെ തുടരുകയും മോണയിൽ കുടുങ്ങി മോണയിൽ നിന്ന് രക്തസ്രാവം ഉണ്ടാവുകയും ചെയ്യും. ഇത് ഇവിടെ വേദനാജനകമായ വീക്കത്തിനും അണുബാധയ്ക്കും വ്രണങ്ങൾക്കും ഇടയാക്കും.

നഖം കടിക്കുന്നത് എങ്ങനെ നിർത്താം
നഖം കടിക്കുന്ന ശീലം മൂലം നിങ്ങൾക്ക് പ്രയാസങ്ങൾ ഉണ്ടെങ്കിൽ ഡോക്ടറെയോ മാനസികാരോഗ്യ വിദഗ്ധനെയോ സമീപിക്കുക. അസ്വസ്ഥത, ഉത്കണ്ഠ തുടങ്ങിയ നഖം കടിക്കുന്നതിന് കാരണമാകുന്ന ഘടകങ്ങൾ ഒഴിവാക്കുക. നിങ്ങളുടെ നഖങ്ങൾ ചെറുതായി സൂക്ഷിക്കുക.

Keywords:  New Delhi, India, News, Top-Headlines, Latest-News, Health, Health & Fitness, Health and Fitness, Doctor, Treatment, Does Nail Biting Cause Health Problems?.