Exercise | മെലിഞ്ഞവർ വ്യായാമം ചെയ്യേണ്ടതുണ്ടോ? വിദഗ്ധർ പറയുന്നത്!

 

ന്യൂഡെൽഹി: (KVARTHA) ഫിറ്റ്‌നസും വ്യായാമവും വെറുമൊരു ആവശ്യം മാത്രമല്ല, ഒരു ട്രെൻഡായി മാറിയിരിക്കുന്നു. ശാരീരികമായും മാനസികമായും ആരോഗ്യം നിലനിർത്താൻ വ്യായാമം നമ്മെ സഹായിക്കുന്നു. നിങ്ങൾ ദിവസവും വ്യായാമം ചെയ്യുകയാണെങ്കിൽ, അത് നിങ്ങളെ സജീവമായി (Active) നിലനിർത്തുകയും ചെയ്യും. വ്യായാമം ശീലമാക്കിയാൽ രോഗങ്ങളിൽ നിന്നും ആശ്വാസം ലഭിക്കും.
  
Exercise | മെലിഞ്ഞവർ വ്യായാമം ചെയ്യേണ്ടതുണ്ടോ? വിദഗ്ധർ പറയുന്നത്!

ആരോഗ്യം നിലനിർത്താൻ, ആരോഗ്യകരമായ ഭക്ഷണക്രമവും വ്യായാമവും ആവശ്യമാണ്. പ്രത്യേകിച്ചും നിങ്ങൾ ശരീരഭാരം കുറയ്ക്കാൻ ശ്രമിക്കുകയാണെങ്കിൽ, വ്യായാമം തീർച്ചയായും നിങ്ങളുടെ ദിനചര്യയുടെ ഭാഗമാകണം. മെലിഞ്ഞവരാണെങ്കിൽ വ്യായാമം ചെയ്യേണ്ടതില്ലെന്നാണ് പലരും കരുതുന്നത്. ഇത് ശരിയാണോ? ആരോഗ്യ വിദഗ്ധർ പറയുന്നത് എന്താണെന്ന് അറിയാം.


ആ ധാരണ തെറ്റ്!

മെലിഞ്ഞവർക്ക് വ്യായാമം ആവശ്യമില്ലെന്നത് തീർത്തും തെറ്റാണെന്നാണ് വിദഗ്ധർ പറയുന്നത്. കാരണം വ്യായാമം നിങ്ങൾക്ക് ശാരീരിക ക്ഷമത നൽകുന്നതിനൊപ്പം സജീവമാകാനും സഹായിക്കുന്നു. നിങ്ങൾ ഇതിനകം മെലിഞ്ഞവരാണെങ്കിൽ, വ്യായാമം ശരീരഭാരം കുറയ്ക്കില്ല. നിങ്ങൾ മുമ്പത്തേക്കാൾ കൂടുതൽ ആരോഗ്യവാനും സജീവവുമായിരിക്കും.

ശാരീരികമായി സജീവമാകുന്നത് പ്രതിരോധശേഷി വർധിപ്പിക്കുന്നു. ഇത് പ്രമേഹം, ഹൃദ്രോഗം, കാൻസർ തുടങ്ങിയ പ്രശ്‌നങ്ങളുടെ സാധ്യത കുറയ്ക്കുന്നു. ശരീരത്തിലെ ഊർജം നിലനിർത്തുന്നതിനും മാനസികാവസ്ഥ മെച്ചപ്പെടുത്തുന്നതിനും ഉറക്കത്തിൻ്റെ ഗുണനിലവാരം മെച്ചപ്പെടുത്തുന്നതിനും ഇത് സഹായകമാണ്.


മെലിഞ്ഞവർക്ക് വ്യായാമത്തിൻ്റെ ഗുണങ്ങൾ


* ശരീരം വഴക്കമുള്ളതാകാൻ സഹായിക്കുന്നു

ഓരോ പ്രവർത്തനത്തിനും ശരീരം സജീവമായിരിക്കേണ്ടത് പ്രധാനമാണ്. ഒരു വ്യക്തി ശരീരഭാരം വർദ്ധിപ്പിക്കാൻ ആഗ്രഹിക്കുന്നുവെങ്കിൽ, ദിവസവും വ്യായാമം ചെയ്യുന്നത് പ്രയോജനകരമാണ്. ഇത് ശരീരത്തെ വഴക്കമുള്ളതാകാൻ സഹായിക്കുന്നു. ശരീരത്തെ വേഗത്തിൽ വഴക്കമുള്ളതാക്കുന്ന നിരവധി വ്യായാമങ്ങളും യോഗകളും ഉണ്ട്.


* രോഗങ്ങളുടെ സാധ്യത കുറയ്ക്കാം

ദൈനംദിന വ്യായാമത്തിലൂടെ രോഗങ്ങൾ വരാനുള്ള സാധ്യതയും കുറയും. ഇത് പ്രതിരോധശേഷി വർധിപ്പിക്കുകയും ശരീരത്തെ സജീവമാക്കുകയും ചെയ്യുന്നു. പ്രമേഹം, രക്തസമ്മർദം തുടങ്ങിയ ജീവിതശൈലീ രോഗങ്ങളും വ്യായാമത്തിലൂടെ നിയന്ത്രിക്കാം. വ്യായാമം ചെയ്യുന്നതിലൂടെ ശരീരത്തിൽ നിന്ന് വിഷവസ്തുക്കൾ പുറത്തുവരുന്നു. ഇതോടെ ഗുരുതരമായ രോഗങ്ങളും അണുബാധകളും ഉണ്ടാകാനുള്ള സാധ്യത കുറയ്ക്കാനാകും.


* സമ്മർദം കുറയുന്നു

നിങ്ങൾ ദിവസവും വ്യായാമം ചെയ്യുകയാണെങ്കിൽ, സമ്മർദം കുറയ്ക്കാനും സഹായിക്കുന്നു. വ്യായാമം ശരീരത്തിലെ ഹോർമോണുകളെ സന്തുലിതമാക്കുന്നു. ശരീരത്തിലെ സ്ട്രെസ് ഹോർമോണായ കോർട്ടിസോളും സന്തുലിതമാകുന്നു.


* ദഹനം ആരോഗ്യകരമായി നിലനിർത്തും

വ്യായാമത്തിലൂടെ ദഹനപ്രശ്‌നങ്ങളും പരിഹരിക്കാം. നിങ്ങൾക്ക് ഈ പ്രശ്നങ്ങളുണ്ടെങ്കിൽ, ദിനചര്യയിൽ വ്യായാമം ഉൾപ്പെടുത്തണം. കൂടാതെ, ഗ്യാസ്, അസിഡിറ്റി പോലുള്ള പ്രശ്നങ്ങൾ ഒഴിവാക്കാം.

Keywords: News, News-Malayalam, Health, Do Thin People Need Exercise?
ഇവിടെ വായനക്കാർക്ക് അഭിപ്രായങ്ങൾ രേഖപ്പെടുത്താം. സ്വതന്ത്രമായ ചിന്തയും അഭിപ്രായ പ്രകടനവും പ്രോത്സാഹിപ്പിക്കുന്നു. എന്നാൽ ഇവ കെവാർത്തയുടെ അഭിപ്രായങ്ങളായി കണക്കാക്കരുത്. അധിക്ഷേപങ്ങളും വിദ്വേഷ - അശ്ലീല പരാമർശങ്ങളും പാടുള്ളതല്ല. ലംഘിക്കുന്നവർക്ക് ശക്തമായ നിയമനടപടി നേരിടേണ്ടി വന്നേക്കാം.

Tags

Share this story

wellfitindia