ഡല്‍ഹി കൂട്ടമാനഭംഗത്തിനിരയായ യുവതിയുടെ ചി­കിത്സയ്ക്കായി പ്രത്യേക കമ്മിറ്റി രൂപീകരി­ച്ചു

ന്യൂഡല്‍ഹി: ഡല്‍ഹിയില്‍ കൂട്ടമാനഭംഗത്തിനിരയായ മെഡിക്കല്‍ വിദ്യാര്‍ത്ഥിനിയുടെ ചി­കിത്സയ്ക്കായി പ്രത്യേക കമ്മിറ്റി രൂപീകരിച്ചു. കിട്ടുന്നതില്‍ വച്ചേറ്റവും നല്ല ചി­കിത്സ യുവതിക്ക് ലഭ്യമാക്കുക എന്ന ലക്ഷ്യത്തോടെയാണ് കമ്മിറ്റി രൂപീകരിച്ച­ത്. ഡോക്ടര്‍ എസ്.സി ശര്‍മ്മയുടെ നേതൃത്വത്തിലാണ് കമ്മിറ്റി രൂപീകരിച്ചിരിക്കു­ന്നത്.

ഡോ അനില്‍ അഗര്‍വാള്‍ (ജെപി പാന്റ് ഹോസ്പിറ്റല്‍, ഗാസ്‌ട്രോ­ഇന്റസ്റ്റിന്‍ ശസ്ത്രക്രിയ വിദഗ്ദ്ധന്‍), ഡോ സുനില്‍ ജെയിന്‍, ഡോ അജിത് സിന്‍ഹ (സഫ്ദര്‍ജംഗ് ഹോസ്പിറ്റല്‍ സര്‍ജറി ഡിപാര്‍ട്ട്‌മെന്റ് കണ്‍സള്‍ട്ടന്റ്), ഡോ അരുണ ബത്ര (സഫ്ദര്‍ജംഗ് ഹോസ്പിറ്റല്‍, ഗൈനക്കോളജി) എന്നിവരാണ് കമ്മിറ്റിയിലെ മറ്റംഗങ്ങള്‍.

യുവതിയുടെ ചി­കിത്സാവിവരങ്ങള്‍ എല്ലാ ദിവസവും കമ്മിറ്റി കേന്ദ്ര ആരോഗ്യ മന്ത്രാലയത്തിന് സമര്‍പിക്കും. യുവതിയുടെ ആരോഗ്യനില കഴിഞ്ഞ മൂന്ന് ദിവസമായി മാറ്റമില്ലാതെ തുടരുകയാണ്. ഹൃദയമിടിപ്പ്, ശ്വാസഗതി, രക്തസമ്മര്‍ദ്ദം എന്നിവ സാധാരണനിലയിലാണെന്നും ഡോ ശര്‍മ്മ വ്യക്തമാക്കി.

SUMMERY: The government on Thursday constituted a committee of five eminent doctors to monitor the treatment of the 23-year-old paramedical student, who was brutally gang-raped, and to ensure she gets the best possible medical attention.