കൊറോണ ചികിത്സ: ക്യൂബയില്‍ നിന്നുള്ള മരുന്ന്‌, ഡ്ര​ഗ് കണ്‍ട്രോളറുടെ അനുമതി തേടും - മുഖ്യമന്ത്രി

തിരുവനന്തപുരം: (www.kvartha.com 27.03.2020) ക്യൂബയില്‍ നിന്നുള്ള മരുന്ന് കൊറോണ ചികിത്സയ്ക്കായി ഉപയോ​ഗിക്കുന്ന കാര്യം അവലോ​കന യോ​​ഗത്തില്‍ ചര്‍ച്ചയായതായി മുഖ്യമന്ത്രി പിണറായി വിജയന്‍. ഇതിനായി ​ഡ്ര​ഗ് കണ്‍ട്രോളറുടെ അനുമതി വാങ്ങേണ്ടതുണ്ട്. നമ്മുടെ പരിശോധന സംവിധാനങ്ങളും ഇനി വിപുലീകരണം വേണം. റാപ്പിഡ് ടെസ്റ്റിനുള്ള അനുമതിയായിട്ടുണ്ട്. അതിന്റെ നടപടി പൂര്‍ണമായാല്‍ ഉടനെ പരിശോധന തുടങ്ങും. എച്ച്‌ഐവി ബാധിതര്‍ക്കുള്ള മരുന്ന് കോവിഡ് രോ​ഗികള്‍ക്ക് നല്‍കുന്നത് ജില്ലാ ആശുപത്രികളില്‍ നിന്നാണ്. ഇനി മുതല്‍ താലൂക്കാശുപത്രിയിലും മരുന്ന് നല്‍കും.



വൈറസ് വ്യാപനം തടയുന്നതിന്റെ ഭാഗമായി സം​സ്ഥാ​ന​ത്തെ മ​ദ്യ​ശാ​ല​ക​ള്‍ അ​ട​ച്ച​തി​നെ തു​ട​ര്‍​ന്നു ഡി ​അ​ഡി​ക്ഷ​ന്‍ സെ​ന്‍റ​റു​ക​ള്‍ ശക്തിപ്പെടുത്തും. മ​ദ്യ​ശാ​ല​ക​ള്‍ നി​ല​വി​ലെ സാ​ഹ​ച​ര്യ​ത്തി​ല്‍ തു​റ​ക്കാ​ന്‍ സാ​ധി​ക്കി​ല്ല . അ​മി​ത മ​ദ്യാ​സ​ക്തി​യു​ള്ള​വ​ര്‍ ഡി ​അ​ഡി​ക്ഷ​ന്‍ സെ​ന്‍റ​റു​ക​ളെ സ​മീ​പി​ക്കണമെന്നും മു​ഖ്യ​മ​ന്ത്രി പ​റ​ഞ്ഞു.

ഇ​ന്ന് സം​സ്ഥാ​ന​ത്ത് ഒ​രു യു​വാ​വ് മ​ദ്യം ല​ഭി​ക്കാ​ത്ത​തു​മൂ​ലം ജീ​വ​നൊ​ടു​ക്കി​യ​ത് സ​ര്‍​ക്കാ​രി​ന്‍റെ ശ്ര​ദ്ധ​യി​ല്‍​പെ​ട്ടി​ട്ടു​ണ്ടെ​ന്നും അ​ദ്ദേ​ഹം വ്യക്തമാക്കി .ഡി ​അ​ഡി​ക്ഷ​ന്‍ സെ​ന്‍റ​റു​ക​ള്‍​ക്കാ​യി ക​ത്തോ​ലി​ക്കാ​സ​ഭ അ​വ​രു​ടെ സ്ഥാ​പ​ന​ങ്ങ​ള്‍ വി​ട്ടു​ത​രാ​മെ​ന്ന് പ​റ​ഞ്ഞി​ട്ടു​ണ്ട് . ഇ​ത് സ്വാ​ഗ​താ​ര്‍​ഹ​മാ​ണെ​ന്നും മു​ഖ്യ​മ​ന്ത്രി കൂ​ട്ടി​ച്ചേ​ര്‍​ത്തു

Summary: Cuban Drug aginst Coronavirus: Will seek Drug Controllers permission