കോവിഷീല്ഡ് സ്വകാര്യ ആശുപത്രികള്ക്കും സംസ്ഥാന സര്കാരുകള്ക്കും പുനെ സെറം ഇന്സ്റ്റിറ്റ്യൂട്ട് നല്കുന്ന വില ഇങ്ങനെ!
Apr 21, 2021, 16:42 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ന്യൂഡെല്ഹി: (www.kvartha.com 21.04.2021) കോവിഡ് 19 പ്രതിരോധ വാക്സിനായ കോവിഷീല്ഡ് സ്വകാര്യ ആശുപത്രികള്ക്കും സംസ്ഥാന സര്കാരുകള്ക്കും നല്കുന്ന വില പുറത്തുവിട്ട് പുണെ സെറം ഇന്സ്റ്റിറ്റ്യൂട്ട്. സ്വകാര്യ ആശുപത്രികള്ക്ക് ഒരു ഡോസിന് 600 രൂപയ്ക്കായിരിക്കും കോവിഷീല്ഡ് വാക്സിന് നല്കുക. സംസ്ഥാന സര്ക്കാരുകള്ക്ക് 400 രൂപയ്ക്ക് വാക്സിന് നല്കുമെന്നും സെറം ഇന്സ്റ്റിറ്റ്യൂട്ട് അറിയിച്ചു. 
അതേസമയം അമേരിക്കന് നിര്മിത വാക്സിനുകള് വില്ക്കുന്നത് 1500 രൂപയ്ക്കാണെന്നും സെറം ഇന്സ്റ്റിറ്റ്യൂട്ട് വാര്ത്താ കുറിപ്പില് ചൂണ്ടിക്കാട്ടി. റഷ്യന് നിര്മ്മിത വാക്സിനും ചൈനീസ് നിര്മിത വാക്സിനും 750 രൂപക്കും വില്ക്കുമെന്നും വാര്ത്ത കുറിപ്പില് ചൂണ്ടിക്കാട്ടിയിട്ടുണ്ട്.
കേന്ദ്രസര്കാരിന് തുടര്ന്നും 150 രൂപയ്ക്ക് സെറം ഇന്സ്റ്റിറ്റ്യൂട്ട് വാക്സിന് നല്കും. പുതിയ വാക്സിന് പോളിസി അനുസരിച്ച് വാക്സിന് ഡോസുകളുടെ 50 ശതമാനം കേന്ദ്രസര്കാരിനും ബാക്കിയുള്ള 50 ശതമാനം സംസ്ഥാനങ്ങള്ക്കും സ്വകാര്യ ആശുപത്രികള്ക്കും നല്കും.
മെയ് ഒന്ന് മുതല് രാജ്യത്തെ സ്വകാര്യ ആശുപത്രികള്ക്ക് കേന്ദ്ര സര്കാര് വാക്സിന് നല്കില്ല എന്ന് നേരത്തെ വ്യക്തമാക്കിയിരുന്നു. സ്വകാര്യ ആശുപത്രികള് വാക്സിന് നിര്മാതാക്കളില് നിന്ന് വാക്സിന് വാങ്ങി കുത്തിവയ്ക്കുമ്പോള് നിരക്ക് കുത്തനെ ഉയര്ന്നേക്കും.
Keywords: Covishield to be sold to States at ₹400 a dose and at ₹600 to private hospitals from May 1, New Delhi, News, COVID-19, Health, Health and Fitness, Hospital, National.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
