പൊതു അവധി ദിവസങ്ങള് ഉള്പെടെ എല്ലാ ദിവസവും വാക്സിന്; ആശുപത്രികള്ക്ക് കേന്ദ്ര സര്കാരിന്റെ നിര്ദേശം
Apr 1, 2021, 16:10 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ന്യൂഡെല്ഹി: (www.kvartha.com 01.04.2021) പൊതു അവധി ദിവസങ്ങള് ഉള്പെടെ ഈ മാസം എല്ലാ ദിവസവും വാക്സിന് നല്കാന് ആശുപത്രികള്ക്ക് കേന്ദ്ര സര്കാരിന്റെ നിര്ദേശം. പൊതു, സ്വകാര്യ വാക്സിനേഷന് കേന്ദ്രങ്ങള് അവധി ദിവസങ്ങള് കണക്കിലെടുക്കാതെ പ്രവര്ത്തിക്കണമെന്നാണ് നിര്ദേശം. നാല്പ്പത്തിയഞ്ചു വയസിന് മുകളില് പ്രായമുള്ള എല്ലാവര്ക്കും കോവിഡ് വാക്സിന് നല്കുന്ന, വാക്സിനേഷന് മൂന്നാം ഘട്ടത്തോട് അനുബന്ധിച്ചാണ് കേന്ദ്രത്തിന്റെ പുതിയ നിര്ദേശം. നിലവില് അവധി ദിവസങ്ങളില് വാക്സിന് നല്കാറില്ല. 
ഓണ്ലൈന് മുഖേനയും ആശുപത്രിയില് നേരിട്ടെത്തി റജിസ്റ്റര് ചെയ്തും വാക്സിന് സ്വീകരിക്കാം. www.cowin.gov.in എന്ന വെബ് സൈറ്റില് റജിസ്റ്റര് ചെയ്യാം. തിരക്ക് ഒഴിവാക്കാന് ഓണ്ലൈന് റജിസ്റ്റര് ചെയ്ത് വാക്സിനെടുക്കാന് എത്തുന്നതാണ് നല്ലതെന്ന് സംസ്ഥാന ആരോഗ്യവകുപ്പ് അറിയിച്ചു. ഓണ്ലൈന് റജിസ്ട്രേഷനിലൂടെ ഇഷ്ടമുള്ള ആശുപത്രിയും ദിവസവും തെരഞ്ഞെടുക്കാം. സംസ്ഥാനത്ത് 45 ദിവസം കൊണ്ട് 45 വയസിന് മേല് പ്രായമുള്ളവര്ക്ക് വാക്സിനേഷന് പൂര്ത്തിയാക്കാനാണ് ലക്ഷ്യമിടുന്നത്. വാക്സിന് നല്കുന്നതിനായി വരും ദിവസങ്ങളില് വാക്സിനേഷന് കേന്ദ്രങ്ങളുടെ എണ്ണം വര്ധിപ്പിക്കും. കേന്ദ്ര, സംസ്ഥാന സര്ക്കാര് ആശുപത്രികള്, സര്ക്കാര് നിശ്ചയിച്ചിട്ടുള്ള സ്വകാര്യ ആശുപത്രികള് എന്നിവിടങ്ങളില് വാക്സിനേഷന് സൗകര്യം ലഭ്യമാണ്. കൂടുതല് വാക്സിനുകള് സംസ്ഥാനത്ത് എത്തിക്കുമെന്ന് കേന്ദ്ര ആരോഗ്യ മന്ത്രാലയം അറിയിച്ചു.
Keywords: Covid vaccination to be done on all days of April including gazetted holidays at all centres: Govt, New Delhi, News, Hospital, Website, Health, Health and Fitness, COVID-19, National.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
