കോവിഡ് വ്യാപനം നിയന്ത്രിക്കുന്നതിന്റെ ഭാഗമായി സംസ്ഥാനത്ത് 4 ജില്ലകളെ കൂടി സി കാറ്റെഗറിയില് ഉള്പെടുത്തി
Jan 27, 2022, 12:41 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
തിരുവനന്തപുരം: (www.kvartha.com 27.01.2022) സംസ്ഥാനത്ത് തുടരുന്ന തീവ്ര കോവിഡ് വ്യാപനത്തെ തുടര്ന്ന് രോഗവ്യാപനം നിയന്ത്രിക്കുന്നതിന്റെ ഭാഗമായി കൂടുതല് ജില്ലകള് കൂടി സി കാറ്റെഗറിയിലേക്ക് ഉള്പെടുത്തി. കൊല്ലം, പത്തനംതിട്ട, ഇടുക്കി, കോട്ടയം ജില്ലകളെയാണ് പുതിയതായി സി കാറ്റെഗറിയില് ഉള്പെടുത്തിയത്. നിലവില് തിരുവനന്തപുരം ജില്ല മാത്രമായിരുന്നു സി കാറ്റെഗറിയിലുണ്ടായിരുന്നത്്.
ആശുപത്രിയില് ചികിത്സയിലുള്ള രോഗികളുടെ എണ്ണം കണക്കാക്കിയാണ് ജില്ലകളെ കാറ്റെഗറിയായി തിരിക്കുന്നത്. ആകെ രോഗികളുടെ എണ്ണത്തിന്റെ 25 ശതമാനത്തിലധികം കോവിഡ് രോഗികളായതോടെയാണ് ഈ ജില്ലകളെ സി കാറ്റെഗറിയില് ഉള്പെടുത്തിയത്. ഈ ജില്ലകളിലും സാമൂഹ്യ-രാഷ്ട്രീയ-സാംസ്കാരിക-മത-സാമുദായികപരമായ പൊതുപരിപാടികള് ഉള്പെടെ എല്ലാ ഒത്തുചേരലുകളും വിലക്കി.
എല്ലാ ക്ലാസുകളും (ട്യൂഷന് സെന്ററുകള് ഉള്പെടെ) ഓണ്ലൈന് സംവിധാനത്തില് പ്രവര്ത്തിക്കണം.
വിവാഹം, മരണാനന്തര ചടങ്ങുകള് എന്നിവയില് പങ്കെടുക്കുന്നവരുടെ പരമാവധി എണ്ണം 20 ആയിരിക്കും.
സിനിമ തിയേറ്റര്, ജിമുകള്, നീന്തല്ക്കുളങ്ങള് എന്നിവയുടെ പ്രവര്ത്തനം അനുവദിക്കില്ല. മതപരമായ പ്രാര്ഥനകളും ആരാധനകളും ഓണ്ലൈനായി നടത്തണം.
അതേസമയം 10, 12, അവസാനവര്ഷ ബിരുദ, ബിരുദാനന്തരതല ക്ലാസുകള് ഓഫ്ലൈനായി തുടരും. ഈ സ്ഥാപനങ്ങളില് കോവിഡ് ക്ലസ്റ്റര് രൂപപ്പെടുകയും മൂന്ന് ദിവസത്തെ ഹാജര്നില ശരാശരി 40 ശതമാനത്തില് താഴെ എത്തുകയും ചെയ്താല് സ്ഥാപനമേധാവികള് ക്ലാസുകള് 15 ദിവസത്തേക്ക് ഓണ്ലൈന് സംവിധാനത്തില് തുടരണം. റെസിഡെന്ഷ്യല് സ്കൂളുകള് ബയോ ബബിള് സംവിധാനത്തിലാണ് പ്രവര്ത്തിക്കുന്നതെങ്കില് നിയന്ത്രണം ബാധകമായിരിക്കില്ല.
അതേ സമയം, കോവിഡ് വ്യാപന പശ്ചാത്തലത്തില് സ്കൂളുകളുടെ പ്രവര്ത്തനം സംബന്ധിച്ച് വ്യാഴാഴ്ച ചേരുന്ന ഉന്നതലയോഗത്തില് വിദ്യാഭ്യാസവകുപ്പ് തീരുമാനമെടുക്കും. ഒന്ന് മുതല് ഒന്പത് വരെയുള്ള ഓണ്ലൈന് ക്ലാസുകളുടെ നടത്തിപ്പ്, 10, 11, 12 ഓഫ് ലൈന് ക്ലാസുകളുടെ ക്രമീകരണം, പരീക്ഷാ നടത്തിപ്പ് കുട്ടികളുടെ വാക്സിനേഷന്റെ പുരോഗതി എന്നിവ യോഗം ചര്ച്ച ചെയ്യും.
ഫെബ്രുവരി പകുതിയോടെ രോഗബാധ കുറയുമെന്നതിനാല് പരീക്ഷാതിയതി തല്ക്കാലം മാറ്റേണ്ടെന്നായിരുന്നു കഴിഞ്ഞ കോവിഡ് അവലോകനസമിതി തീരുമാനം. എന്നാല് ഇതില് മാറ്റമുണ്ടാകുമോയെന്ന് വ്യാഴാഴ്ചയറിയാം.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
