ഒമാനിൽ കൊവിഡ് ബാധിതനായ മലയാളി യാത്ര ചെയ്തത് കണ്ണൂർ വിമാനത്താവളത്തിൽ

കണ്ണൂർ : (www.kvartha.com 20.03.2020) ഒമാനിൽ കൊവിഡ് സ്ഥിരീകരിച്ച മലയാളി യാത്ര ചെയ്തത് കണ്ണൂർ വിമാനത്താവളത്തിൽ നിന്ന്. ഈ മാസം പന്ത്രണ്ടിന് രാത്രി 8.40ന് കണ്ണൂരിൽ നിന്ന് പുറപ്പെട്ട G855 നമ്പർ ഗോ എയർ വിമാനത്തിലാണ് യാത്ര ചെയ്തത്. പതിനാറിനാണ് ഇദ്ദേഹത്തെ ആശുപത്രിയിൽ പ്രവേശിപ്പിച്ചത്.

അതേ സമയം ഒമാനിൽ കൊവിഡ് സ്ഥിരീകരിച്ച മലയാളി യാത്ര ചെയ്ത ദിവസം കണ്ണൂർ വിമാനത്താവളത്തിലെ ഗോ എയർ കൗണ്ടറിൽ ഡ്യൂട്ടിയിൽ ഉണ്ടായിരുന്നവരുടെ വിശദാംശങ്ങളും 12 ന് ഡ്യൂട്ടിയിലുണ്ടായിരുന്ന സുരക്ഷ ഉദ്യോഗസ്ഥരുടെ വിവരങ്ങളും ശേഖരിക്കും.


ഉദ്യോഗസ്ഥരെ നിരീക്ഷണത്തിലാക്കുന്ന കാര്യവും പരിഗണനയിലാണെന്ന് ആരോഗ്യ വകുപ്പ് അധികൃതർ അറിയിച്ചു . ഇതിനിടെ കോ​വി​ഡ്-19 വൈറസ് രോഗബാധയുണ്ടെന്ന സംശ​യ​ത്തെ​ത്തു​ടർന്ന് കണ്ണൂർ ജി​ല്ല​യി​ൽ ഐ​സൊ​ലേ​ഷ​നി​ലും നി​രീ​ക്ഷ​ണ​ത്തി​ലു​മു​ള്ള​ത് 3606 പേ​ർ. ക​ണ്ണൂ​ര്‍ ഗ​വ. മെ​ഡി​ക്ക​ല്‍ കോ​ള​ജി​ൽ 16 പേ​രും ജി​ല്ലാ ആ​ശു​പ​ത്രി​യി​ലും ത​ല​ശേ​രി ജ​ന​റ​ൽ ആ​ശു​പ​ത്രി​യി​ലും നാ​ലു​പേ​ർ‌ വീ​ത​വു​മാ​ണു​ള്ള​ത്.

3582 പേ​ര്‍ വീ​ടു​ക​ളി​ലാ​ണ് നി​രീ​ക്ഷ​ണ​ത്തി​ൽ ക​ഴി​യു​ന്ന​ത്. ഇ​തു​വ​രെ​യാ​യി 125 സാ​മ്പി​ളു​ക​ള്‍ പ​രി​ശോ​ധ​ന​യ്ക്ക​യ​ച്ച​തി​ല്‍ ഒ​രെ​ണ്ണ​ത്തി​ന്‍റെ ഫ​ലം പോ​സി​റ്റീ​വും 111 എ​ണ്ണ​ത്തി​ന്‍റെ ഫ​ലം നെ​ഗ​റ്റീ​വു​മാ​ണ്. 13 എ​ണ്ണ​ത്തി​ന്‍റെ ഫ​ലം ല​ഭി​ക്കാ​നു​ണ്ട്. കഴിഞ്ഞ ദിവസം ക​ണ്ണൂ​ര്‍ വി​മാ​ന​ത്താ​വ​ള​ത്തി​ല്‍ 15 വി​മാ​ന​ങ്ങ​ളി​ലാ​യി എ​ത്തി​യ 1163 യാ​ത്ര​ക്കാ​രെ പ​രി​ശോ​ധ​ന​യ്ക്ക് വി​ധേ​യ​രാ​ക്കി.

ക​ണ്ണൂ​ര്‍, ത​ല​ശേ​രി, പ​യ്യ​ന്നൂ​ര്‍, പ​ഴ​യ​ങ്ങാ​ടി, ക​ണ്ണ​പു​രം റെ​യി​ല്‍​വേ സ്റ്റേഷ​നു​ക​ളി​ല്‍ വി​ദേ​ശ​ രാ​ജ്യ​ങ്ങ​ളി​ല്‍ ​നി​ന്നും ഇ​ത​ര സം​സ്ഥാ​ന​ങ്ങ​ളി​ല്‍ ​നിന്നും വ​ന്ന യാ​ത്ര​ക്കാ​ര്‍​ക്ക് സ്‌​ക്രീ​നിം​ഗും​ ലഘു​ലേ​ഖ വി​ത​ര​ണ​വും ന​ട​ത്തി. 24 മ​ണി​ക്കൂ​റി​നു​ള്ളിൽ 3114 യാ​ത്ര​ക്കാ​രെ സ്‌​ക്രീ​നിം​ഗി​ന് വി​ധേ​യ​രാ​ക്കി. ത​ല​ശേ​രി​യി​ല്‍ ര​ണ്ടു​പേ​രെ ഹോ​സ്പി​റ്റ​ല്‍ ഐ​സൊ​ലേ​ഷ​നു​വേ​ണ്ടി റ​ഫ​ര്‍ ചെ​യ്തു.

200 പേ​രെ വീ​ടു​ക​ളി​ല്‍ ഐ​സോ​ലേ​ഷ​ന് നി​ര്‍​ദേ​ശം ന​ല്‍​കി​യും 589 പേ​രെ ഒ​ഴി​ച്ചു​കൂ​ടാ​ന്‍ പ​റ്റാ​ത്ത സാ​ഹ​ച​ര്യ​ങ്ങ​ളി​ല്‍ മാ​ത്രം യാ​ത്ര ചെ​യ്താ​ല്‍ മ​തി​യെ​ന്നും പൊ​തു​ച​ട​ങ്ങു​ക​ളി​ല്‍​നി​ന്ന് വി​ട്ടു​നി​ന്ന് ജ​ന​സ​മ്പ​ര്‍​ക്കം പ​ര​മാ​വ​ധി ഒ​ഴി​വാ​ക്ക​ണ​മെ​ന്നു​മു​ള്ള നി​ര്‍​ദേ​ശം ന​ല്‍​കി​യും പ​റ​ഞ്ഞ​യ​ച്ചു.

24 മ​ണി​ക്കൂ​റി​നു​ള​ളി​ല്‍ കി​ളി​യ​ന്ത​റ ചെ​ക്ക് പോ​സ്റ്റി​ലൂ​ടെ ക​ട​ന്നു​പോ​യ 586 വാ​ഹ​ന​ങ്ങ​ളി​ലെ​ത്തി​യ 2917 യാ​ത്ര​ക്കാ​രെ സ്‌​ക്രീ​ന്‍ ചെ​യ്തു. ഇ​തി​ല്‍ ആ​റു​പേ​രെ വീ​ടു​ക​ളി​ല്‍ ഐ​സൊ​ലേ​ഷ​ന് നി​ര്‍​ദേ​ശം ന​ല്‍​കി വി​ട്ടു. ഇ​രി​ട്ടി ബ​സ്‌സ്റ്റാൻ​ഡി​ല്‍ സ്‌​ക്രീ​നിം​ഗി​ന് വി​ധേ​യ​രാ​യ 134 പേ​രി​ല്‍ മൂ​ന്നു​പേ​രെ വീ​ടു​ക​ളി​ല്‍ ഐ​സൊ​ലേ​ഷ​ന് നി​ര്‍​ദേ​ശം ന​ല്‍​കി വി​ട്ടു.

ഇതിനിടെ ആ​രോ​ഗ്യ​വ​കു​പ്പി​ലെ ജീ​വ​ന​ക്കാ​ര്‍​ക്ക് അ​വ​ധി അ​നു​വ​ദി​ക്കു​ന്ന​തി​ല്‍ നി​യ​ന്ത്ര​ണ​ങ്ങ​ള്‍ ഏ​ര്‍​പ്പെ​ടു​ത്തി. അ​വ​ധി​യി​ലു​ള്ള എ​ല്ലാ​വി​ഭാ​ഗം ജീ​വ​ന​ക്കാ​രും (ചി​കി​ത്സ, പ​ഠ​നം എ​ന്നീ ആ​വ​ശ്യ​ങ്ങ​ള്‍​ക്കാ​യി ദീ​ര്‍​ഘ​കാ​ല അ​വ​ധി​യി​ലു​ള്ള ജീ​വ​ന​ക്കാ​ര്‍ ഒ​ഴി​കെ) അ​വ​ധി റ​ദ്ദ് ചെ​യ്ത് തി​രി​കെ ജോ​ലി​യി​ല്‍ പ്ര​വേ​ശി​ക്ക​ണം. ആ​വ​ശ്യ​മാ​ണെ​ങ്കി​ല്‍ അ​വ​ധി​ ദി​വ​സ​ങ്ങ​ളി​ലും രാ​ത്രി​യി​ലും എ​ല്ലാ​ വി​ഭാ​ഗം ജീ​വ​ന​ക്കാ​രും ഡ്യൂ​ട്ടി​യി​ല്‍ ഉ​ണ്ടാ​ക​ണമെന്ന് ഡി എം ഒ ഡോ.നാരായണ നായ്ക് അറിയിച്ചു.