അഴിമതി കേസിൽ ശിക്ഷിക്കപ്പെട്ട ഡോക്ടർമാർക്ക് ആശുപത്രിയിൽ സുഖവാസം; വിമർശനവുമായി കോടതി

തി​രു​വ​ന​ന്ത​പു​രം: (www.kvartha.com 04.05.2017) അഴിമതി കേസിൽ വി​ജി​ല​ന്‍​സ്​ കോ​ട​തി ശി​ക്ഷി​ച്ച ആ​രോ​ഗ്യ​വ​കു​പ്പ്​ മു​ന്‍ ഡ​യ​റ​ക്​​ട​ര്‍​മാ​ര്‍ ജയിലില്‍ പോകാതെ ആശുപത്രിയില്‍ അഡ്മിറ്റ് ആയതില്‍ കോടതിക്ക് കടുത്ത അതൃപ്തി. ഡോക്ടര്‍മാരെ ജയിലില്‍ അയക്കാതെ
ആശുപത്രിയില്‍ അഡ്മിറ്റ് ചെയ്ത നടപടിയില്‍ വി​ദ​ഗ്​​ധ​പ​രി​ശോ​ധ​ന ന​ട​ത്തി സ്വ​ത​ന്ത്ര​മാ​യ റി​പ്പോ​ര്‍​ട്ട്​ സ​മ​ര്‍​പ്പി​ക്കാ​ന്‍ തി​രു​വ​ന​ന്ത​പു​രം ശ്രീ​ചി​ത്ര മെ​ഡി​ക്ക​ല്‍ സെന്‍റ​റി​ലെ മെ​ഡി​ക്ക​ല്‍ സം​ഘത്തോട് കോടതി നി​ര്‍​ദേ​ശി​ച്ചു.

മഞ്ഞപ്പിത്തം പ്രതിരോധിക്കാനുള്ള ഹെപ്പറ്റൈറ്റിസ് ബി വാക്സിൻ വാങ്ങിയതുമായി ബന്ധപ്പെട്ട അഴിമതി കേസിൽ ആരോഗ്യ വകുപ്പ് മുൻ ഡയറക്ടർമാരായ ഡോക്ടർ വി കെ രാജൻ, കെ ശൈലജ എന്നിവർക്ക് അഞ്ച് വർഷം തടവും 50 ലക്ഷം രൂപ പിഴയുമാണ് വിജിലൻസ് കോടതി വിധിച്ചത്. എന്നാൽ ഇരുവരും കോടതിയുടെ അനുമതി വാങ്ങാതെ ആശുപത്രിയിൽ ചികിത്സക്കായി പോകുകയായിരുന്നു.

ആദ്യം ഫോര്‍ട്ട് ആശുപത്രിയില്‍ പ്രവേശിപ്പിച്ച ഇവരെ ചികില്‍സിച്ച ഡോ. ​പ്രി​യ​ങ്ക, മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലെ ഡോ.​രാ​ജ​ശേ​ഖ​ര​ന്‍ എ​ന്നി​വ​ര്‍ പ്ര​തി​ക​ളെ സ​ഹാ​യി​ക്കു​ന്ന നി​ല​പാടെടു​ത്തോ എ​ന്ന് കോ​ട​തി സം​ശ​യം​ പ്ര​ക​ടി​പ്പി​ച്ചു. വൈദ്യ പരിശോധനയും ചികിത്സയും ഉള്‍പ്പെടെ ഡോക്ടര്‍മാര്‍ ഒത്തുകളിച്ചെന്നു തെളിഞ്ഞാല്‍ വി​ജി​ല​ന്‍​സ് അ​ന്വേ​ഷ​ണം ഉ​ള്‍​പ്പെ​ടെ ന​ട​പ​ടി​ക​ള്‍ നേ​രി​ടേ​ണ്ടി​വ​രു​മെ​ന്ന മു​ന്ന​റി​യി​പ്പും കോ​ട​തി ന​ല്‍​കി.

Summary: Corrupted doctors who punished by court did not go to jail and they stay in hospital, court slams. Health department former directors who are punished for their corruption in jaundice vaccine hepatitis did not go to jail but stay in hospital by means of fake disease.