കോവിഡ്-19 പ്രതിരോധകുത്തിവയ്പ് അതിവേഗത്തില് നല്കുന്നതിന് കേന്ദ്രഗവണ്മെന്റ് പ്രതിജ്ഞാബദ്ധം; സംസ്ഥാനങ്ങള്ക്കും കേന്ദ്രഭരണ പ്രദേശങ്ങള്ക്കും നല്കിയത് 102 കോടിയില് അധികം വാക്സിന് ഡോസുകള്
Oct 19, 2021, 22:01 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ന്യൂഡെല്ഹി: (www.kvartha.com 19.10.2021) കോവിഡ്-19 പ്രതിരോധ കുത്തിവയ്പ് അതിവേഗത്തില് നല്കുന്നതിന് കേന്ദ്രഗവണ്മെന്റ് പ്രതിജ്ഞാബദ്ധം. സംസ്ഥാനങ്ങള്ക്കും കേന്ദ്രഭരണ പ്രദേശങ്ങള്ക്കും ഇതിനോടകം 102 കോടിയില് അധികം വാക്സിന് ഡോസുകള് നല്കിയതായും കേന്ദ്രസര്കാര് അവകാശപ്പെട്ടു. എല്ലാവര്ക്കും കോവിഡ്-19 പ്രതിരോധ കുത്തിവയ്പു നല്കുന്ന പുതിയ ഘട്ടത്തിന് രാജ്യത്ത് 2021 ജൂണ് 21-നാണ് തുടക്കമായത്.
പ്രതിരോധ മരുന്നു കൂടുതല് ലഭ്യമാക്കിയതും, സംസ്ഥാനങ്ങള്ക്കും കേന്ദ്രഭരണ പ്രദേശങ്ങള്ക്കും മരുന്നുലഭ്യത മുന്കൂട്ടി അറിയാന് കഴിഞ്ഞതും മികച്ച ആസൂത്രണത്തിനും വിതരണശൃംഖല സുതാര്യമാക്കുന്നതിനും സഹായിച്ചു. രാജ്യവ്യാപക പ്രതിരോധ കുത്തിവയ്പു പരിപാടിയുടെ ഭാഗമായി, സൗജന്യമായി വാക്സിനുകള് നല്കി കേന്ദ്ര ഗവണ്മെന്റ് സംസ്ഥാനങ്ങള്ക്കും കേന്ദ്രഭരണ പ്രദേശങ്ങള്ക്കും പിന്തുണ നല്കി വരികയാണ്.
കോവിഡ്-19 പ്രതിരോധ കുത്തിവയ്പ് പരിപാടിയുടെ പുതിയ ഘട്ടത്തില് വാക്സിനുകളുടെ 75% കേന്ദ്ര ഗവണ്മെന്റ് സംഭരിക്കും. ഇങ്ങനെ സംഭരിക്കുന്ന വാക്സിനുകള് സംസ്ഥാനങ്ങള്ക്കും കേന്ദ്രഭരണ പ്രദേശങ്ങള്ക്കും സൗജന്യമായി നല്കും. കേന്ദ്ര ഗവണ്മെന്റ് സൗജന്യമായി ലഭ്യമാക്കിയതും സംസ്ഥാനങ്ങള് നേരിട്ട് സംഭരിച്ചതുമുള്പെടെ ഇതുവരെ 102 കോടിയിലധികം (1,02,05,09,915) വാക്സിന് ഡോസുകള് സംസ്ഥാനങ്ങള്ക്കും കേന്ദ്രഭരണ പ്രദേശങ്ങള്ക്കും കൈമാറിയിട്ടുണ്ട്.
10.42 കോടിയില് അധികം (10,42,38,220) കോവിഡ് വാക്സിന് ഡോസുകള് സംസ്ഥാനങ്ങളുടെയും കേന്ദ്രഭരണ പ്രദേശങ്ങളുടെയും പക്കല് ഇപ്പോഴും ലഭ്യമാണെന്നും കേന്ദ്രസര്കാര് അറിയിച്ചു.
Keywords: Central Government pledges to expedite covid-19 immunization, New Delhi,News,COVID-19, Health, Health and Fitness, National.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
