Migraine | മൈഗ്രെയ്ൻ മരണകാരണമാണോ? തലവേദനയ്ക്ക് പിന്നാലെ ദന്തഡോക്ടർ ഉറക്കത്തിൽ മരിച്ച സംഭവം ചർച്ചയായി

ന്യൂഡെൽഹി: (KVARTHA) നമ്മളിൽ പലരും തലവേദനയെ നിസ്സാരമായി അവഗണിക്കുന്നു. ചിലപ്പോൾ ഇത് മറ്റ് രോഗങ്ങളുടെ ലക്ഷണമാകാം അല്ലെങ്കിൽ മൈഗ്രേൻ പോലും ആകാം. അതിനാൽ, കഠിനമായ തലവേദനയുണ്ടെങ്കിൽ ഡോക്ടറെ സമീപിക്കേണ്ടതാണ്. മംഗ്ളൂറിൽ സ്വാതി ഷെട്ടിയെന്ന 24 കാരിയായ ദന്തഡോക്ടരുടെ മരണം ദിവസങ്ങൾക്ക് മുമ്പ് ചർച്ചയായിരുന്നു. രാത്രിയിൽ കടുത്ത തലവേദന അനുഭവപ്പെട്ടതിന് പിന്നാലെ രാത്രി ഉറക്കത്തിലാണ് അവർ മരണപ്പെട്ടത്.


മൈഗ്രേൻ മരണത്തിന് കാരണമാകുമോ?

നിങ്ങൾക്ക് കടുത്ത മൈഗ്രേൻ ഉണ്ടെങ്കിൽ, ചില സന്ദർഭങ്ങളിൽ അത് ഹൃദയാഘാതം, സ്ട്രോക്ക് തുടങ്ങിയ ഗുരുതരമായ പ്രശ്നങ്ങൾക്ക് കാരണമാകുമെന്നും, ഇത് രോഗിയുടെ മരണത്തിലേക്ക് വരെ നയിച്ചേക്കാമെന്നും ഗുരുഗ്രാം പാരസ് ഹോസ്പിറ്റലിലെ കൺസൾട്ടൻ്റ് ന്യൂറോളജിസ്റ്റ് ഡോ. നിതിഷ ഗോയൽ പറയുന്നു. സ്ട്രോക്ക് അല്ലെങ്കിൽ മൈഗ്രെയ്ൻ കാരണം തലച്ചോറിലേക്കുള്ള രക്ത വിതരണം തടസപ്പെടാം, ഇത് മൂലം ഞരമ്പുകളെ ബാധിക്കുന്നു, എന്നിരുന്നാലും അതിൻ്റെ ഫലങ്ങൾ വളരെക്കാലം കഴിഞ്ഞ് കാണുന്നു. അമേരിക്കൻ മൈഗ്രെയ്ൻ ഫൗണ്ടേഷൻ്റെ അഭിപ്രായത്തിൽ, രക്തം കട്ടപിടിക്കൽ, നീർവീക്കം അല്ലെങ്കിൽ ധമനികളിലെ ഏതെങ്കിലും തരത്തിലുള്ള പ്രശ്നങ്ങൾ എന്നിവ മൂലം സ്ട്രോക്ക് ഉണ്ടാകാം.