ഉത്തര മലബാറിലെ ആദ്യ ലേസർ ആൻജിയോപ്ലാസ്റ്റി സംവിധാനം കണ്ണൂർ ആസ്റ്റർ മിംസിൽ

കണ്ണൂർ: (KVARTHA) ഹൃദയ ശസ്ത്രക്രിയാ രംഗത്ത് വലിയ മാറ്റങ്ങൾക്ക് വഴിയൊരുക്കിക്കൊണ്ട് ഉത്തര മലബാറിലെ ആദ്യ ലേസർ ആൻജിയോപ്ലാസ്റ്റി യൂണിറ്റ് കണ്ണൂർ ആസ്റ്റർ മിംസ് ഹോസ്പിറ്റലിൽ പ്രവർത്തനമാരംഭിച്ചു. ആശുപത്രിയിലെ കാർഡിയോളജി ആൻഡ് കാർഡിയോതൊറാസിക് സർജറി വിഭാഗത്തിലാണ് പുതിയ സംവിധാനം സജ്ജമാക്കിയിരിക്കുന്നത്. പ്രശസ്ത സിനിമ താരം മീനാക്ഷി ഉദ്ഘാടന കർമ്മം നിർവഹിച്ചു.

ഹൃദയധമനികളിൽ കാത്സ്യം അടിഞ്ഞുകൂടി രക്തപ്രവാഹം തടസ്സപ്പെടുന്ന സാഹചര്യങ്ങളിൽ കൃത്യതയാർന്ന ലേസർ രശ്മികൾ ഉപയോഗിച്ച് ഈ കാത്സ്യത്തെ നീക്കം ചെയ്യുന്ന ചികിത്സാ രീതിയാണ് ലേസർ ആൻജിയോപ്ലാസ്റ്റിയിൽ അവലംബിക്കുന്നത്. 

നിലവിലുള്ള ചികിത്സാ രീതികളെ അപേക്ഷിച്ച് കൂടുതൽ വേഗത്തിലും സുരക്ഷിതമായും ആൻജിയോപ്ലാസ്റ്റി നിർവഹിക്കാൻ ഈ പുതിയ സംവിധാനം വഴി സാധിക്കും. മറ്റ് അസുഖങ്ങൾ ഉൾപ്പെടെയുള്ള കാരണങ്ങളാൽ നിലവിൽ അനുവർത്തിക്കുന്ന ആൻജിയോപ്ലാസ്റ്റി നിർവഹിക്കുവാൻ ബുദ്ധിമുട്ടുള്ളവർക്ക് ലേസർ ആൻജിയോപ്ലാസ്റ്റി വളരെ ഗുണകരമാകും.

കാർഡിയോളജി വിഭാഗം മേധാവി ഡോ. പ്ലാസിഡ് സെബാസ്റ്റ്യൻ അഭിപ്രായപ്പെട്ടത്, 'ഗുരുതരമായതോ, അമിതമായ അളവിൽ കാത്സ്യം അടിഞ്ഞുകൂടിയത് മൂലമുള്ളതോ ആയ ബ്ലോക്കുകൾ, സ്‌റ്റെന്റ് സംബന്ധമായ ബ്ലോക്കുകൾ, ദീർഘകാല പ്രമേഹവുമായി ബന്ധപ്പെട്ട് ധമനികളിൽ ഉണ്ടാകുന്ന സങ്കീർണ്ണതകൾ തുടങ്ങിയവയ്ക്ക് ലേസർ ആൻജിയോപ്ലാസറ്റി മികച്ച ചികിത്സാരീതിയാണ്' എന്നാണ്.

ഇന്റർവെൻഷണൽ കാർഡിയോളജിസ്റ്റ് ഡോ. അനിൽകുമാർ, ഹൃദയാഘാതം സംഭവിച്ച രോഗികളിലെ ഹൃദയ ധമനിയിലെ തടസ്സം നീക്കാൻ ലേസർ ആൻജിയോപ്ലാസറ്റി ഫലപ്രദമായ ചികിത്സാ രീതിയാണെന്ന് വ്യക്തമാക്കി. ഡോ. ഉമേശൻ, ഡോ. വിനു തുടങ്ങിയവർ ലേസർ ആൻജിയോപ്ലാസ്റ്റിയുടെ ഗുണങ്ങൾ ചടങ്ങിൽ വിശകലനം ചെയ്തു.

ആസ്റ്റർ മിംസ് കണ്ണൂർ സി.ഒ.ഒ. ഡോ. അനൂപ് നമ്പ്യാർ, സി.എം.എസ്. 

ഡോ. സുപ്രിയ രഞ്ജിത്ത്, കാർഡിയോളജി വിഭാഗം ഡോക്ടർമാരായ ഡോ. പ്ലാസിഡ് സെബാസ്റ്റ്യൻ, ഡോ. അനിൽ കുമാർ, ഡോ. ഉമേശൻ, ഡോ. വിനു, ഡോ. ശ്രീധരൻ, ഡോ. ഗണേഷ് തുടങ്ങിയവർ ഉദ്ഘാടന ചടങ്ങിൽ പങ്കെടുത്തു. ഉത്തര മലബാറിലെ ഹൃദയ ചികിത്സാ രംഗത്ത് പുതിയൊരു കാൽവെപ്പാണ് ഈ യൂണിറ്റിന്റെ തുടക്കത്തോടെ ഉണ്ടായിരിക്കുന്നത്.

ഉത്തര മലബാറിലെ ഹൃദയ രോഗികൾക്ക് ആശ്വാസ വാർത്ത! ഈ വിവരങ്ങൾ മറ്റുള്ളവരുമായി പങ്കുവെയ്ക്കുക. നിങ്ങളുടെ അഭിപ്രായങ്ങൾ കമൻ്റ് ചെയ്യുക.

Article Summary: North Malabar's first Laser Angioplasty unit opened at Aster MIMS Kannur, inaugurated by actress Meenakshi.

#AsterMIMSKannur #LaserAngioplasty #Cardiology #WomensHealth #Meenakshi #KeralaHealth