കുട്ടികളിലെ ഇ എന്‍ ടി ആരോഗ്യപ്രശ്നങ്ങൾക്ക് സൗജന്യ പരിശോധന; കണ്ണൂർ ആസ്റ്റർ മിംസിൽ പ്രത്യേക മെഡിക്കൽ ക്യാമ്പ് 

കണ്ണൂർ: (KVARTHA) ക്രിസ്മസ് അവധിക്കാലം കുട്ടികളുടെ ആരോഗ്യ സംരക്ഷണത്തിനായി വിനിയോഗിക്കുക എന്ന ലക്ഷ്യത്തോടെ കണ്ണൂർ ആസ്റ്റർ മിംസ് ഹോസ്പിറ്റലിൽ പ്രത്യേക ഇ എൻ ടി മെഡിക്കൽ ക്യാമ്പ് സംഘടിപ്പിക്കുന്നു. 

ആശുപത്രിയിലെ ഇ എൻ ടി വിഭാഗത്തിന്റെ നേതൃത്വത്തിൽ കുട്ടികളിലെ മൂക്കിലെ ദശ വളർച്ച, ടോൺസിലൈറ്റിസ്, അഡിനോയ്ഡ് (മൂക്കിനും തൊണ്ടയ്ക്കും ഇടയിലുള്ള ഗ്രന്ഥിയുടെ വീക്കം) തുടങ്ങിയ പ്രശ്നങ്ങൾക്കായിട്ടാണ് ക്യാമ്പ് നടത്തുന്നത്.

ഇ എൻ ടി, ഹെഡ് ആൻഡ് നെക്ക് സർജറി വിഭാഗം ഡോക്ടർമാരായ ഡോക്ടർ രാമകൃഷ്ണൻ, ഡോക്ടർ അക്ഷയ്, ഡോക്ടർ വിഷ്ണു, ഡോക്ടർ മനു എന്നിവർ ക്യാമ്പിന് നേതൃത്വം നൽകും. ക്യാമ്പിൽ പങ്കെടുക്കുന്നവർക്ക് ഡോക്ടറുടെ സൗജന്യ പരിശോധന ലഭ്യമാകുന്നതിനൊപ്പം തുടർ പരിശോധനകൾക്കും ചികിത്സയ്ക്കും ആകർഷകമായ ഇളവുകളും പ്രഖ്യാപിച്ചിട്ടുണ്ട്. 

ലാബ് പരിശോധനകൾക്കും റേഡിയോളജി സേവനങ്ങൾക്കും 25 ശതമാനം ഇളവ് ലഭിക്കും. കൂടാതെ ക്യാമ്പിൽ പങ്കെടുത്ത് സർജറി നിർദ്ദേശിക്കപ്പെടുന്നവർക്ക് ശസ്ത്രക്രിയാ ചിലവുകളിലും പ്രത്യേക ആനുകൂല്യം ലഭിക്കുമെന്ന് അധികൃതർ അറിയിച്ചു.

കുട്ടികളിൽ കണ്ടുവരുന്ന വിവിധ ലക്ഷണങ്ങൾ ശ്രദ്ധയിൽപ്പെട്ടാൽ ക്യാമ്പ് പ്രയോജനപ്പെടുത്താവുന്നതാണ്. പതിവായുള്ള മൂക്കടപ്പ്, മൂക്കൊലിപ്പ്, കൂർക്കം വലി, ഉറക്കത്തിനിടയിലെ ശ്വാസതടസ്സം, ചെവി വേദന, കേൾവിക്കുറവ്, ഇടയ്ക്കിടെയുള്ള ചെവിയിലെ അണുബാധ എന്നിവ പ്രധാന ലക്ഷണങ്ങളാണ്. ഇതിനു പുറമെ സംസാരത്തിൽ വ്യക്തതക്കുറവ്, മുഖത്തിന്റെ ആകൃതിയിലുണ്ടാകുന്ന മാറ്റം, വിട്ടുമാറാത്ത തൊണ്ടവേദന, ഭക്ഷണം കഴിക്കാൻ ബുദ്ധിമുട്ട് അനുഭവപ്പെടുക എന്നിവയും പരിശോധിക്കപ്പെടേണ്ടതാണ്.

ടോൺസിലുകൾ ചുവന്നും വീർത്തും കാണപ്പെടുക, ടോൺസിലുകളിൽ വെള്ളയോ മഞ്ഞയോ നിറത്തിലുള്ള പാടുകൾ പ്രത്യക്ഷപ്പെടുക, ഇടയ്ക്കിടെ പനിക്കുക, കഴുത്തിലെ ഗ്രന്ഥികൾ വീർക്കുകയോ വേദന അനുഭവപ്പെടുകയോ ചെയ്യുക, വായിൽ നിന്ന് ദുർഗന്ധം വരിക തുടങ്ങിയ ലക്ഷണങ്ങള്‍ ഉള്ളവര്‍ക്ക് ക്യാമ്പില്‍ പങ്കെടുക്കാം. 

ശബ്ദമാറ്റം, തൊണ്ടയിൽ നിന്ന് ചെവിയിലേക്ക് അനുഭവപ്പെടുന്ന വേദന, മണവും രുചിയും അറിയാനുള്ള കുറവ്, തുമ്മൽ വർദ്ധിക്കുക, രാത്രി സമയങ്ങളിൽ വായയിലൂടെ ശ്വസിക്കാൻ പ്രയാസമനുഭവപ്പെടുക എന്നീ ബുദ്ധിമുട്ടുകൾ ഉള്ള കുട്ടികൾക്കും ക്യാമ്പിൽ വിദഗ്ധ പരിശോധന തേടാവുന്നതാണ്.

ഡിസംബർ 20 മുതൽ 30 വരെയാണ് ക്യാമ്പ് ക്രമീകരിച്ചിരിക്കുന്നത്. ക്യാമ്പിൽ പങ്കെടുക്കാൻ താല്പര്യമുള്ളവർ ബുക്കിംഗിനായി 6235234000, 6235000574 എന്നീ ഫോൺ നമ്പറുകളിൽ ബന്ധപ്പെടാവുന്നതാണ്.

നിങ്ങളുടെ കുട്ടികൾക്ക് ഇ എൻ ടി പ്രശ്നങ്ങളുണ്ടോ? ഈ വാർത്ത ഷെയർ ചെയ്യൂ. 

Article Summary: Aster Mims Kannur organizes a free ENT medical camp for children from December 20 to 30.

#KannurAsterMims #ENTMedicalCamp #ChildHealth #FreeMedicalCamp #KannurNews #HealthCare